അന്തേവാസികള്‍

Thursday, December 23, 2010

മാന്യ മഹാ ജനങ്ങളേ

ബൂലോക ചരിത്രത്തില്‍ ഇത്രയധികം ആവേശോജ്വജ്വജ്വാലമായ ഒരു തിരഞ്ഞെടുപ്പ് നടന്നിട്ടുണ്ടോ എന്ന്‌ സംശയമാണ് .ആദ്യ പകുതിയില്‍ അമേരിക്കയില്‍ മഞ്ഞ് വീഴുമ്പോള്‍ ആളുകള്‍ ചുരുങ്ങുന്നത് പോലെ തണുത്ത് വിറച്ചു കിടന്ന വോട്ടിംഗ് രണ്ടാം പാദത്തില്‍ അന്ത്യത്തില്‍ രണ്ട് വോട്ട് കുറഞ്ഞ് കാട്ട് തീപിടിക്കുന്നത് പോലെയുള്ള ഒരു കാഴ്ചയാണ് ഇപ്പോള്‍ ഉള്ളത് .

ആരാണ് ആരാണ് ആരാണ് ഈ വര്‍ഷത്തെ സൂപ്പര്‍ ഡ്യൂപ്പര്‍ ബ്ലോഗര്‍ ??

ആരാണ് ആരാണ് തിരോന്തരത്തെ വര്‍ണ്ണാഭമായ ബൂലോകം ഓണ്‍ലൈന്‍ അവാര്‍ഡ്‌ നൈറ്റില്‍ പതിനായിരത്തി ഒന്ന് രൂപയുടെ അവാര്‍ഡ്‌ വാങ്ങുന്നത് ??

എന്ന്‌ ഇതുവരെയും പറയാറായിട്ടില്ല ..ഒരോ നിമിക്ഷവും എനിക്കും വോട്ട് ചെയ്യണം എനിക്കും വോട്ട് ചെയ്യണം എന്ന അഭ്യര്‍ഥനമായി കമെന്റ് രൂപത്തിലും മെയില്‍ രൂപത്തിലും ബൂലോകത്തിന്റെ പടിവാതില്‍ക്കല്‍ പ്രതികൂലമായ കാലാവസ്ഥയെ അവഗണിച്ചു കൊണ്ട്‌ തിക്കും തിരക്കും കൂട്ടുന്ന ഒരു വലിയ ജനാവലിയെയാണ് ഇപ്പോള്‍ കാണാന്‍ കഴിയുന്നത്‌ .. മഞ്ഞോ മഴയോ കൊടുംകാറ്റോ , ഉള്ളിക്ക് വിലകൂടിയതോ അല്ലെങ്കില്‍ നമ്മുടെ പ്രിയപ്പെട്ട ലീഡറുടെ ദേഹവിയോഗമോ വോട്ട് ചെയ്യാന്‍ വരുന്നവരെ തെല്ലും അലട്ടുന്നില്ല എന്നാണ് ഞാന്‍ മനസിലാക്കുന്നത്‌ .അവസാനമായി റിപ്പോര്‍ട്ട്‌ കിട്ടുമ്പോള്‍ നോമിനേഷന്‍ കിട്ടിയ മുപ്പത്തി അഞ്ച് പേരും കട്ടക്ക് കട്ടക്ക് നിന്ന് പൊരുതുകയാണ് .ആരാണ് ജയാളി അല്ലെങ്കില്‍ ലീഡ് ചെയ്യുന്നത് എന്ന്‌ എനിക്ക് പറയുവാന്‍ സാധിക്കുന്നില്ല . ഒരോ നിമിക്ഷവും മാറി മറിഞ്ഞ് വരുന്ന കാഴ്ചയാണ് ഇപ്പോഴുള്ളത് .

തിരുവനന്തപുരത്ത് നടക്കുന്ന ബൂലോകം ഓണ്‍ലൈന്‍ അവാര്‍ഡ്‌ നൈറ്റിന് ചുക്കാന്‍ പിടിക്കുവാന്‍ ലണ്ടനിലെ പ്രശസ്ത മനോരോഗ ചികിത്സകനും ബൂലോകം ഓണ്‍ലൈന്‍ രക്ഷാധികാരിയുമായ ഡോക്ടര്‍ മോഹന്‍ ജോര്‍ജ് ഹീത്രൂ വിമാനത്താവളത്തിലേക്ക് പോകുവാനുള്ള തയ്യാറെടുപ്പുകള്‍ നടത്തുന്നതായിട്ടാണ് ലണ്ടനില്‍ നിന്നും അറിയുവാന്‍ കഴിയുന്നത്‌ . കഴിഞ്ഞ തവണ തിരുവനന്തപുരത്ത് നടന്ന ബൂലോകം ഓണ്‍ലൈന്‍ മീറ്റിനേക്കാള്‍ ഗംഭീരമായിരിക്കും ഇത്തവണ എന്ന്‌ അല്‍പനേരം മുന്‍പേ അദ്ദേഹം ഫോണ്‍ സന്ദേശത്തില്‍ പറയുകയുണ്ടായി .ബൂലോകം ഓണ്‍ലൈന്‍ എന്ന മഹാപ്രസ്ഥാനത്തിന്റെ സ്ഥാപകന്‍ ഡോക്ടര്‍ ജെയിംസ്‌ ബ്രൈറ്റും അതീവ സന്തോഷവാനായി കാണപ്പെട്ടു . ഡോക്ടര്‍ ജയിംസിന് വളരെ വിശാലമായ ഒരു കാഴ്ചപ്പാടാണ് ഈ പത്രത്തില്‍ കൂടി കാണുന്നത് . ബ്ലോഗ്‌ സമൂഹം ആകമാനം ഉടച്ചു വാര്‍ക്കുവാനും ഒരു പുതിയ ബ്ലോഗ്‌ സമൂഹത്തെ നിര്‍മ്മിക്കുവാനുമുള്ള ചില പ്രക്രിയകള്‍ ആരംഭിക്കുവാന്‍ തുടങ്ങുന്നതായി സംസാര വേളയില്‍ അദ്ദേഹം പറയുകയുണ്ടായി .അതിന് അദ്ദേഹത്തിന് കൂട്ടായി യുവത്വത്തിന്റെ പ്രതീകവും യുവജനങ്ങളുടെ ആശയും ആവേശവുമായി സുനില്‍ പണിക്കര്‍ , ജിക്കു വര്‍ഗീസ്‌ , സ്ജീം തട്ടത്തു മല എന്നിവര്‍ അദ്ദേഹത്തോടൊപ്പം ഉണ്ട് . രണ്ടായിരത്തി പത്തിനേക്കാള്‍ വളരെ ശക്തമായ ഒരു കാല്‍വെയ്പ്പോട് കൂടി അടുത്ത വര്‍ഷം ആരംഭത്തില്‍ തന്നെ അതിന്റെ പ്രവര്‍ത്തനം ആരംഭിക്കുമെന്ന് വാര്‍ത്താ സമ്മേളനത്തില്‍ ഡോക്ടര്‍ ജെയിംസ്‌ പറയുകയുണ്ടായി .

ബൂലോകം ഓണ്‍ലൈന്‍ സൂപ്പര്‍ ബ്ലോഗര്‍ അവാര്‍ഡ്‌ കൊടുക്കാന്‍ പോകുന്നു എന്ന്‌ പ്രഖ്യാപിച്ചപ്പോള്‍ എതിര്‍പ്പുകളുമായി വന്നവരെ പിന്നീട് മഷിയിട്ടു നോക്കിയിട്ടും കണ്ടില്ല എന്നൊരു ആക്ഷേപം പറഞ്ഞു കേള്‍ക്കുന്നു എങ്കിലും ആ വാര്‍ത്തയില്‍ തീരെ കഴമ്പില്ല എന്നാണ് ഞങ്ങള്‍ക്ക് മനസിലാകുന്നത് . അതി കഠിനമായ ശീതക്കാറ്റും മഞ്ഞ് വീഴ്ചയും കാരണം ചുരുങ്ങി മൂലയില്‍ കിടപ്പുണ്ട് എന്നും അടുത്ത ഉഷ്ണക്കാറ്റ് വീശുമ്പോള്‍ പൂര്‍വ്വാധികം ശക്തിയായി വരും എന്നും ബൂലോകം ഓണ്‍ലൈന്‍ കാലാവസ്ഥാ കേന്ദ്രം മുന്നറിയിപ്പ് നല്‍കുന്നുണ്ട് .
ഇരുപത്തി അഞ്ചാം തീയതി വൈകുന്നേരം വരെ നീണ്ട് നില്‍ക്കുന്ന സൂപ്പര്‍ ബ്ലോഗര്‍ 2010 വോട്ടിങ്ങില്‍ ഇനിയും വോട്ട് ചെയ്യുവാന്‍ ഉള്ളവര്‍ ഉണ്ടെങ്കില്‍ സമയം കളയാതെ വേഗം തന്നെ ചെയ്യേണ്ടതാണ് . നിങ്ങളാണ് വിജയികളെ നിശ്ചയിക്കുന്നത് . ഇനിയും വോട്ടുകള്‍ ചെയ്യുവാന്‍ ആരെങ്കിലും ഉണ്ടെങ്കില്‍ അതിനുള്ള സൗകര്യങ്ങള്‍ ചെയ്തു തരും എന്ന്‌ സംഘാടകര്‍ അറിയിക്കുന്നു . വോട്ടുകള്‍ തക്കത്തില്‍ നല്ലരീതിയില്‍ ഉപയോഗിക്കുക . വീണ്ടും ഇങ്ങനെ ഒരു ചാന്‍സ് നിങ്ങളെ തേടിയെത്തിയില്ല എങ്കില്‍ നിങ്ങള്‍ വിഷമിക്കരുത് .. മാന്യ മഹാ ജനങ്ങളേ വേഗം വേഗം നിങ്ങളുടെ വോട്ടുകള്‍ ചെയ്യുക .

പോളിംഗ് ബൂത്തിലേക്കുള്ള വഴി

Monday, November 15, 2010

കെ.വി തോമസിന്റെ ജലമെടുക്കണം

കാസര്‍കോട്ടും പരിസര പ്രദേശങ്ങളിലും ലക്ഷക്കണക്കിന്‌ പിഞ്ചു കുട്ടികളെയും ഇനിയും ജനിക്കാനിരിക്കുന്നവരെയും കൊന്നൊടുക്കുന്ന എന്ടോസള്‍ഫാന്‍ കീടനാശിനിയുടെ പിന്നില്‍ പ്രവര്‍ത്തിച്ച വിജയമല്യക്ക്‌ ഹോശന്ന പാടുന്ന കേന്ദ്ര മന്ത്രി കെ.വി തോമസിന്റെ ജലമെടുക്കുകയും പടം ഭിത്തിയില്‍ ഒട്ടിക്കുകയും വേണം . കാസര്‍കോട്ടെ ചില ജില്ലകളില്‍ കണ്ടു വരുന്ന രോഗങ്ങള്‍ക്ക് കശുവണ്ടിയില്‍ അടിച്ച എന്ടോസല്ഫാനുമായി ബന്ധമില്ല എന്ന മന്ത്രി മുഖ്യന്റെ പ്രസ്താവന എന്ത് വിവരക്കേടിന്റെ പ്രതിഫലനമാണ് എന്നാണ് എനിക്ക് ചോദിക്കുവാനുള്ളത് .

വരുന്ന നിയമസഭാ തിരഞ്ഞെടുപ്പില്‍ വലത് ഇടത് പക്ഷങ്ങളുടെ നല്ലൊരു തുറുപ്പ് ചീട്ടാണ്‌ കാസര്‍കോട് ദുരന്തം . ഭോപ്പാല്‍ ദുരന്തത്തേക്കാള്‍ ഭീകരത രണ്ട് കൂട്ടരും കൂടി ശ്രമിച്ചാല്‍ ഈ ദുരന്തത്തിനു നല്‍കാവുന്നതേ ഉള്ളു .അത് മുന്നില്‍ കണ്ടുകൊണ്ടാണ് കേരളത്തിന്റെ ആരോഗ്യമന്ത്രി പി .കെ ശ്രീമതി എന്‍ഡോസള്‍ഫാന്‍ ഇരകളെ സംസ്ഥാന സര്‍ക്കാര്‍ ഏറ്റെടുക്കും എന്ന പ്രസ്താവനയും ,കെ.വി തോമസിന്റെ പ്രസ്താവന തിരുത്തണം എന്ന എം.എം ഹസന്റെ പ്രസ്താവനയും .രണ്ടും ഒരേ സമയം ചേര്‍ത്തു വായിക്കേണ്ടത് ആവശ്യമാണ്‌ .

ദുരന്തങ്ങള്‍ സംഭവിക്കുമ്പോള്‍ കഷി വ്യത്യാസങ്ങള്‍ നോക്കാതെ സഹായങ്ങള്‍ എത്തിക്കേണ്ടത്‌ ആവശ്യമാണ്‌ .അവിടെ പരസ്പര ചെളി വാരിയെറിയല് അല്ല ആവശ്യം .

നിരോധിക്കപ്പെട്ട കീടനാശിനിയാണ് എന്‍ഡോസള്‍ഫാന്‍ എന്ന അറിയിപ്പ് ഉണ്ടായിട്ടും അതെങ്ങനെ ഇന്ത്യയില്‍ എത്തിയെന്ന് കണ്ടെത്തണം .തമിഴ് നാട്ടില്‍ നിന്നാണ് എന്‍ഡോ കേരളത്തില്‍ വരുന്നത് എന്ന് പറയുന്നു .തമിഴ്നാട് ഇന്ത്യയുടെ ഭാഗമല്ലേ ? ദുരന്തത്തില്‍ അകപ്പെട്ടവരെ സംരക്ഷിക്കുവാന്‍ അവരെ സഹായിക്കുവാന്‍ കഴിവതും ഏക മനസോടെ എല്ലാവരും ചെയ്യണം .

കേരളത്തിലെ എല്ലാ പാര്‍ട്ടികളും സാംസ്കാരിക നായകരും എന്‍ഡോ സള്‍ഫാന്‍ നിരോധിക്കണം എന്ന് ഏക സ്വരത്തില്‍ ആവശ്യപ്പെടുമ്പോള്‍ അതിന്റെ തീരുമാനങ്ങള്‍ എത്രയും വേഗം കേന്ദ്ര ഗവണ്മെന്റ് എടുക്കേണ്ടത് ആവശ്യമാണ്‌ .വിഷകാരിയായ കീടനാശിനിയാണ് എന്‍ഡോ സള്‍ഫാന്‍ എന്നറിഞ്ഞിട്ടു കൂടി അത് ഭാരതത്തില്‍ ഇറക്കാന്‍ അനുമതി നല്‍കിയവരെ കണ്ടു പിടിച്ചു പരമാവധി ശിക്ഷ കൊടുക്കാന്‍ ശ്രമിക്കണം .

അതോ തിരഞ്ഞെടുപ്പ് അടുക്കുമ്പോള്‍ വോട്ട് കുത്താന്‍ വേണ്ടി മാത്രമുള്ള കീടങ്ങള്‍ മാത്രമാണോ ഭാരതത്തിലെ ജനങ്ങള്‍ ? അങ്ങനെയെങ്കില്‍ ആ കീടങ്ങളെ നശിപ്പിക്കേണ്ടത് കാലത്തിന്റെ ആവശ്യമാണ്‌ .

ശരത് കാലത്തിന്റെ മാസ്മരികത

മാനം നിറഞ്ഞു .മനസും !
എത്ര സൗന്ദര്യമാണ് ഈ പ്രദേശമിപ്പോള്‍! എന്‍റെ വാക്കുകള്‍ക്കോ വര്‍ണ്ണനകള്‍ക്കോ അപ്രാപ്യമായ എന്തോ ഒരു അനുഭൂതിയാണ് ഈ ഇലപൊഴിയുന്ന ശരത് കാലം എന്നില്‍ നിറയ്ക്കുന്നത് .പൊടുന്നനെ ഒരു കരി മേഘമായി വന്ന് പിന്നെ എങ്ങോട്ടോ പറന്നു പോകുന്ന ചെറിയ കിളികള്‍ ! മടക്കയാത്ര ആരംഭിച്ച ദേശാടന കിളികള്‍ !! തടാകക്കരയില്‍ കൂട്ടമായി എത്തുന്ന പാത്തകള്‍ !! ചിത്ര ശലഭങ്ങള്‍ ! ഇടയ്ക്കിടെ വളരെ മനോഹരമായി തീരുന്ന മേഘ ശകലങ്ങള്‍ .മേഘ കൂട്ടങ്ങള്‍ . എല്ലാം വളരെ മനോഹരങ്ങളായ കാഴ്ചകള്‍ .
എന്‍ഡോസള്‍ഫാന്റെ ഭീകര വികൃത രൂപങ്ങള്‍ ,വാര്‍ത്തകള്‍ നാട്ടില്‍ നിന്നും എത്തുമ്പോഴാണ് ഈ ദേശത്തിന്റെ സൗന്ദര്യം എനിക്ക് കൂടുതല്‍ അനുഭവപ്പെടുന്നത് .ഇവിടുത്തെ മനുഷ്യരും പ്രകൃതിക്കൊത്ത് മാറുകയാണ് .അവന്റെ രൂപവും ഭാവവും ഒരോ കാലത്തിനും അനുസരിച്ച് മാറി കൊണ്ടേ ഇരിക്കുന്നു .ഇന്നലെ വരെ തുണിയില്ലാതെ തെരുവില്‍ നടന്നവര്‍ ഇന്ന് കനത്ത കോട്ടുകള്‍ക്കുള്ളില്‍ അഭയം തേടുകയാണ് .

തെരുവുകളില്‍ ഇലകള്‍ പൊഴിഞ്ഞു കിടക്കുന്നു .മരങ്ങള്‍ കനത്ത ദുഖത്തിന്റെ കദനം പൊഴിച്ചുകൊണ്ടേ ഇരിക്കുന്നു .കാലത്തിനൊത്തു നിറം മങ്ങി മാറുന്ന മരങ്ങള്‍ പോലും വരാന്‍ പോകുന്ന കടുത്ത മഞ്ഞ് കാലത്തിനെ വരവേല്‍ക്കുവാന്‍ ഒരുങ്ങുകയാണ് .മഞ്ഞ് വീണില്ലെങ്കില്‍ പിന്നെ ഇവിടമാകമാനം സങ്കട കടലായി മാറും.ഇന്ന് മുതല്‍ അടുത്ത രണ്ടാഴ്ചക്കാലത്തെക്ക് ഇവിടെ മാന്‍ വേട്ടയാടല്‍ അനുവദനീയമാണ് .മാനിനെ വേട്ടയാടിയതിന് ജയിലില്‍ പോയ സല്‍മാന്‍ ഖാനെ ഞാനീ സമയം ഓര്‍ക്കുന്നു ! ഇന്നലെ ഫ്രീ വേ യില്‍ കൂടി കാറില്‍ യാത്ര ചെയ്യുമ്പോള്‍ പൊടുന്നനെ ഒരു മാന്‍ മുന്നില്‍ എടുത്ത് ചാടി കൂളായി റോഡിന്റെ അപ്പുറം കടന്ന് പോയി . ഒന്ന് ബ്രേക്ക് ചെയ്തില്ലായിരുന്നുവെങ്കില്‍ ഒരു മരണം കൂടി നടക്കുമായിരുന്നു . മാന്‍ ചത്തു പോകുന്നതില്‍ അല്ല എനിക്ക് കൂടുതല്‍ സങ്കടം .മാന്‍ വന്നിടിച്ചു കഴിഞ്ഞാല്‍ വണ്ടിയുടെ പണി അതോടെ തീരും .പിന്നെ ഇന്‍ഷുറന്‍സ് .കുന്തം .കുടച്ചക്രം .

(ഇത്തവണ മാനുകള്‍ ധാരാളം പെറ്റു പെരുകി എന്നാണ് അറിയാന്‍ കഴിയുന്നത്‌ .കുറെ മാനിനെ പിടിച്ചാലും കുഴപ്പമില്ല ).

ഇവിടുത്തെ വിളവെടുപ്പുകള്‍ ഏകദേശം കഴിഞ്ഞിരിക്കുന്നു . ഇത്തവണ കുറെയധികം വിളകള്‍ കിട്ടി . ആപ്പിളും മുന്തിരി കുലകളും ബെറികളും ഇനി അടുത്ത വര്‍ഷത്തേക്ക് യാത്രയായി . എന്‍റെ ചെടി ചട്ടികളിലും കുറെയധികം ഇനങ്ങളില്‍ ഉള്ള തക്കാളികളും മുളകുകളും വളര്‍ന്ന് നില്‍ക്കുന്നു .മുളകുകള്‍ ചുവന്ന് തുടങ്ങി എങ്കിലും ഈ തണുപ്പ് കാലത്ത് അവയ്ക്ക് ഇനി പിടിച്ചു നില്‍ക്കുവാന്‍ കഴിയില്ല .ഏകദേശം രണ്ട് കിലോ മുളക് പൊടി ഉണ്ടാക്കുവാനുള്ള മുളകുകള്‍ ഇപ്പോഴും ചുവന്ന് നില്‍ക്കുന്നു . ഇനി അടുത്ത വര്‍ഷം ചോളം കുറെ കൃഷി ചെയ്തു നോക്കണം . യാതൊരു വിധ കീടനാശിനികളും കൂടാതെയാണ് ഞങ്ങള്‍ കൃഷി ചെയ്യുന്നത് .എന്നിട്ടും ഞങ്ങള്‍ക്ക് നല്ല വിളകള്‍ കിട്ടുന്നു .അത്യാവശം കൃഷി ചെയ്യുവാനുള്ള ചുരുങ്ങിയ സ്ഥലത്ത് കൃഷി ചെയ്യുന്ന ഞങ്ങള്‍ കേരളീയ തനിമ മറന്നു പോകാതിരിക്കുവാനാണ് ഇതെല്ലാം ചെയ്യുന്നത് .അമേരിക്കയിലും കൃഷി ചെയ്യുവാനും വിളകള്‍ എടുക്കുവാനും ലഭിച്ച ഭാഗ്യം തീര്‍ച്ചയായും ദൈവ കൃപ തന്നെയാണ് .

പ്രകൃതി നമുക്ക് വേണ്ടത് എല്ലാം തരുന്നുണ്ട് .മഞ്ഞും മഴയും വെയിലും കുളിരും എല്ലാം . എന്നിട്ടും ക്രൂരമായി അതിക്രൂരമായി പ്രകൃതിയെ പീഡിപ്പിക്കുകയും കൃഷികള്‍ ചെയ്യാതിരിക്കുകയും ചെയ്യുന്ന ആളുകളോട് പ്രകൃതി തന്നെ പകരം ചോദിച്ചു തുടങ്ങി .അതിന് ആരെയും ആരും കുറ്റം പറഞ്ഞിട്ട് കാര്യമില്ല . പൂമ്പാറ്റകളും പൂക്കളും തേനീച്ചകളും കേരളത്തിന് നഷ്ടമായെങ്കില്‍ അത് കേരളത്തിന്റെ കുഴപ്പമാണ് . ശരത്‌കാലത്തിന്റെ വര്‍ണ്ണന ചെയ്യാന്‍ പോയിട്ട് ഞാന്‍ എവിടെ എത്തി . ഇതാണ് എന്‍റെ കുഴപ്പം . ഒന്നും ശരിയാകില്ല .

Tuesday, November 9, 2010

തിരിഞ്ഞ് കടിക്കുന്ന കുണ്ടന്മാര്‍ !

വടക്കന്‍ മലബാറിലെ കാക്കാമാര്‍ക്ക് പണ്ട് പുരാതന കാലം മുതലേ , അതായത് കേരളം ഉണ്ടാകുന്നതിന് മുന്‍പ് മുതല്‍ തന്നെ ജനം കല്പിച്ചു നല്‍കിയ അവകാശമാണ് പതിനെട്ടു ബീബിമാരും അതിനൊത്ത കുണ്ടന്മാരും . അതില്‍ ആരും അസൂയപെട്ടിട്ടോ ചഞ്ചലപെട്ടിട്ടോ കാര്യമില്ല . അതൊക്കെ ആണുങ്ങള്‍ക്ക് പറഞ്ഞിട്ടുള്ള കാര്യങ്ങള്‍ .ബ്ലോഗില്‍ ഇതിന് മുന്‍പും കുണ്ടനിസത്തിന്റെ കുണ്ടനിട വഴിയില്‍ മണ്ടി നടക്കും കുണ്ടാന്മാരെ പറ്റി പരാമര്‍ശങ്ങള്‍ വന്നിട്ടുണ്ട് .അപ്പോഴൊക്കെ ഇതൊരു മാനസിക വൈകല്യമാണ് . ലിന്ഗോദ്ധരണ ശേഷി കുറവുള്ളവര്‍ക്ക് കൂട്ടുവാന്‍ വേണ്ടിയുള്ള സ്റ്റഡി ക്ലാസ്സ്‌ ആണ് കുണ്ടനിസം എന്നെല്ലാം പറഞ്ഞു നമ്മള്‍ തള്ളികളയുകയായിരുന്നു പതിവ്.എന്നാല്‍ ഹംസ ആലുങ്ങല്‍ എന്ന പ്രശസ്ത കഥാകൃത്ത് വീണ്ടും ഈ അവസ്ഥയുടെ ഭീകരമായ ഒരു മുഖം എന്ന് അദ്ദേഹം അവകാശപ്പെടുന്ന ” മാംസ വിപണിയിലെ ആണ്‍ കുട്ടികള്‍ ” എന്ന ലേഖന പരമ്പര ബൂലോകത്ത് കൊണ്ട്‌ വരുന്നത് .അതിലെ രണ്ടാം ഭാഗത്തുള്ള ” ഭാര്യക്കും ഭര്‍ത്താവിനും ഒരേ പങ്കാളി ” എന്ന ഭാഗത്തേക്ക് അല്പം വെളിച്ചം കൂടി വീശുവാന്‍ ഉള്ള കഠിനമായ പ്രയക്ത്നമാണ് എന്‍റെ ഈ ശ്രമം . നിങ്ങള്‍ എല്ലാവരും സഹകരിച്ചു ഇതൊരു വന്‍ വിജയമാക്കി തീര്‍ക്കണം .



കുണ്ടനിസം ഒരു സാമൂഹിക ദ്രോഹമാണ് എന്ന് ഞാന്‍ പറയാതെ തന്നെ നിങ്ങള്‍ക്കറിയാം . മാത്രമല്ല , വടക്കന്‍ മലബാറിലെ കാക്കാമാരില്‍ മാത്രം ഒതുങ്ങി നില്‍ക്കുന്നതല്ല ഈ കുണ്ടനിസം .മറിച്ച് അതൊരു ആഗോള പ്രശനമാണ് .ചെറു പ്രായം മുതല്‍ കുണ്ടനിസത്തിന്റെ ഇടവഴികളില്‍ മണ്ടി മണ്ടി നടന്നു മദ്യത്തിനും മയക്കു മരുന്നിനും അടിമകളായി തീരുന്ന ഇത്തരം കുണ്ടാന്മാരെ നമ്മള്‍ കണ്ടില്ല എന്ന് നടിക്കുന്നത് മണ്ടത്തരമാണ് . മാനസിക വൈകല്യം എന്ന് പറഞ്ഞു നമുക്ക് ഒഴിഞ്ഞ് മാറാം എങ്കിലും അതൊരു മാനസിക വൈകല്യം എന്ന് എനിക്ക് തോന്നുന്നില്ല .കാരണം ഹംസ തന്റെ രണ്ടാം ഭാഗത്ത് പറയുന്ന കുണ്ടന്മാരുടെ പ്രത്യേകത അവര്‍ക്ക് പണ്ട് കൊടുത്ത ബിരിയാണി പോരാ മറിച്ച് വീട്ടില്‍ ഇരിക്കുന്ന കാക്കയുടെ ബീബി ഫാത്തിമയെ കൂടി വേണമെന്നാണ് . പണ്ടത്തെ കാക്കാമാര്‍ ” കുണ്ടനിക്ക് ഒരു ബിരിയാണീം എനക്കൊരു സുലൈമാനീം ” എന്ന് പറഞ്ഞെങ്കില്‍ ഇന്ന് കുണ്ടന്മാരുടെ അവസ്ഥ മാറിയിരിക്കുന്നു . ബിരിയാണി കാക്കയുടെ കയ്യില്‍ ഇരിക്കട്ടെ എനിക്ക് കാക്കയുടെ ബീബി ഫാത്തിമയെ മതി എന്ന് പറയുന്ന ഒരവസ്ഥ , എത്ര ഭീകരമാണ് എന്ന് നമ്മള്‍ ചിന്തിക്കണം . സ്വന്തം ബീബിയെ ആരും കാണാത്ത പര്‍ദ്ടക്കുള്ളിലും അറയ്ക്കുള്ളിലും ഒളിപ്പിച്ച കാക്കയാണ് ,സ്വന്തം ഭോഗ സുഖത്തിനു വേണ്ടി അറയ്ക്കുള്ളില്‍ ഇരിക്കുന്ന സ്വന്തം ബീബിയുടെ അടുക്കലേക്ക്‌ കുണ്ടനെ കൂട്ടി കൊണ്ട്‌ പോകുന്നത് . എത്ര ഭീകരമാണ് ഈ അവസ്ഥ ! തടവറക്കുള്ളില്‍ കഴിയുന്ന താത്താക്കും ഈ കുണ്ടനെ ഇഷ്ടപ്പെടുന്നു .അവരുടെയും ഭോഗ സുഖത്തിനു വേണ്ടി കുണ്ടനെ ആശ്രയിക്കുന്നു !. ഇവിടെ എവിടെയാണ് മാനസിക വൈകല്യം ? ആര്‍ക്കാണ് മാനസികമായ വെപ്രാളങ്ങള്‍ !



എന്നാല്‍ ഇത്തരമൊരു അവസ്ഥയെ , ആരും ഒരിക്കലും പറയാത്ത ഈ കേരളീയ അന്തരീക്ഷത്തെ ഹംസ ആലുങ്ങല്‍ തുറന്ന് കാട്ടുമ്പോള്‍ അദ്ദേഹത്തിന് സ്വന്തം സമൂഹത്തില്‍ നിന്ന് തന്നെ ധാരാളം എതിര്‍പ്പുകള്‍ നേരിടേണ്ടി വരുന്നു എന്ന് വായിച്ചു .ആരോ ഹംസയുടെ ബ്ലോഗില്‍ എഴുതിയിരിക്കുന്നത് കണ്ടു” കേരളത്തിന്റെ സാംസ്കാരിക അധപതനം ” എന്ന് . എന്ത് കേരളീയ സംസ്കാരം ? സ്വന്തം ഭോഗ സുഖത്തിനു വേണ്ടി മകന്‍ അമ്മയെയും അച്ഛന്‍ മകളെയും സഹോദര സഹോദരികള്‍ തമ്മിലും വേഴ്ചകളില്‍ ഏര്‍പ്പെടുന്ന നാട്ടില്‍ എന്ത് സംസ്കാരം ? ഉയരത്തില്‍ നിന്നും വീഴുന്ന വീഴ്ചയിലെ അപകടങ്ങള്‍ പറ്റു . നിലം പറ്റെ കിടക്കുന്നതില്‍ നിന്നും ഇനി എവിടെ പോകാന്‍ ? അല്ലെങ്കില്‍ കുഴിച്ചു കുഴിച്ചു പാതാളങ്ങളിലേക്ക് പോകണം .നമുക്ക് ആഴങ്ങളിലേക്ക് കുഴിച്ചു കുഴിച്ചു പോകാം .



ജയഹോ .

Monday, October 4, 2010

ഒരു ബ്ലോഗ്ഗറുടെ ആത്മകഥ



പബ്ലിഷര്‍ — സി എല്‍ .എസ് ബുക്സ് തളിപറമ്പ് . വില 150 ക

ആമുഖം

ഇതിന് മുന്‍പും മലയാളത്തില്‍ പല ആത്മകഥകളും ഇറങ്ങിയിട്ടുണ്ട് എങ്കിലും മലയാള ബ്ലോഗില്‍ നിന്നും ആദ്യമായാണ്‌ ഒരു ആത്മ കഥ പ്രിന്റ്‌ ലോകത്ത് എത്തുന്നത് .കാശുള്ളവര്‍ക്കൊക്കെ എന്തുമാകാമല്ലോ എന്ന് കരുതിയാല്‍ തെറ്റി ! ഇത് തികച്ചും ബ്ലോഗിനെ കുറിച്ച് പഠിക്കുന്ന കുഞ്ഞ് കുട്ടി പരാദീനങ്ങള്‍ക്ക് വേണ്ടിയാണ് .അവര്‍ക്കായി ഞാന്‍ ചെയ്തു കൊടുക്കുന്ന ഒരു സേവനം .മാത്രമല്ല ഞാന്‍ അവസാനിക്കുന്നതോട് കൂടി ഈ കഥകള്‍ എല്ലാം അവസാനിച്ചാല്‍ .... ഹോ അതൊന്നും എനിക്കോര്‍ക്കാന്‍ കൂടി കഴിയുന്നില്ല .ആരെങ്കിലുമൊക്കെ അറിയണ്ടേ .ഷാപ്പന്നൂരും , നാടകവും ആശ്രമവും എല്ലാം എല്ലാം ... ഞാന്‍ നടത്തിയ ധീര പടയോട്ടങ്ങള്‍ .. അല്‍പ സ്വല്പ പൊടിപ്പും തൊങ്ങലും സ്വാഭാവികമായിട്ടും ഉണ്ടാകാമെങ്കിലും മിക്കവയ്ക്കും തെളിവുകള്‍ ഉള്ളവയാണ് .ആ തെളിവുകള്‍ ഈ ആശ്രമത്തില്‍ തന്നെയുണ്ട്‌ .

എന്‍റെ മനസിലേക്ക് ഇങ്ങനെ ഒരു വിത്തിറക്കിയ മത്തായിക്ക് ആദ്യമേ നന്ദി അറിയിക്കുന്നു .അതിലും ഉപരിയായി ഇത്രയും നാള്‍ എന്നോട് സഹകരിച്ച എല്ലാവരോടും ഉള്ള നന്ദി അറിയിക്കുകയാണ് .ഞാന്‍ ഒരിക്കലും എങ്ങും ഒന്നുമായിരുന്നില്ല .എങ്കിലും കഥയുള്ളവനല്ലേ ഒരു കഥ പറയുവാന്‍ കഴിയൂ എന്ന് ചോദിക്കുന്നത് പോലെ എന്‍റെ ജീവിതത്തില്‍ വന്നും നിന്നും ഇരുന്നും കിടന്നും പോയ ചില മുഖങ്ങളെ സംഭവങ്ങളെ ഒക്കെ ഒന്ന് ചേര്‍ത്ത് വെയ്ക്കുവാന്‍ ഉള്ള എളിയ ശ്രമമായി മാത്രം ഇതിനെ കണക്കാക്കുക . ആരെയും മനപൂര്‍വ്വം ദ്രോഹിക്കുവാനോ കരിവാരി തേയ്ക്കുവാനോ ഉള്ള ശ്രമമല്ല ഇത് .അഥവാ അങ്ങനെ ആര്‍ക്കെങ്കിലും തോന്നുന്നുവെങ്കില്‍ അതൊക്കെ അവരുടെ മനോവ്യാപാരം പോലെ ഇരിക്കും .എന്‍റെ കഥ പറയുന്നതിനിടയില്‍ ചിലപ്പോള്‍ ബ്ലോഗിലെ സംഭവങ്ങളും വന്നു പോയി എന്നിരിക്കും . ആര്‍ക്കെങ്കിലും എന്തെങ്കിലും വിഷമങ്ങള്‍ ഉണ്ടെങ്കില്‍ സദയം ഷമിക്കുക .

പുസ്തകത്തില്‍ കൂടി പരാമര്‍ശിച്ചു പോകുന്ന ചില പ്രധാന ഭാഗങ്ങള്‍ ഒന്ന് പറയട്ടെ .




തീയില്‍ കുരുത്തത്

ആദ്യകാല ജീവിതവും പ്രയാസങ്ങളും . ഞാന്‍ പലപ്പോഴും പറഞ്ഞിട്ടുള്ള ഒരു കാര്യമാണ് ഞാന്‍ ഒരിക്കലും ഒരു കവിയോ എഴുത്തുകാരനോ അല്ല എന്ന് . എന്‍റെ ജീവിത സാഹചര്യങ്ങള്‍ അങ്ങനെയായിരുന്നു . എങ്കിലും ചില മിന്നലാട്ടങ്ങള്‍ പലപ്പോഴായി എന്‍റെ ബാല്യകാല സുഹൃത്തുക്കള്‍ക്ക് അനുഭവപ്പെട്ടത് കൊണ്ടാണ് ഞാന്‍ ഇങ്ങനെയുള്ള ഒരു ലോകത്ത് എത്തപ്പെട്ടത് .


ഗള്‍ഫ് ചൂടും ജയില്‍വാസവും

പതിനഞ്ചു വര്‍ഷത്തെ ഗള്‍ഫ് ജീവിതം എന്നെ പലതും പഠിപ്പിച്ചു . അതില്‍ ഒരാഴ്ച ജയില്‍ വാസവും .ഗള്‍ഫ് ജീവിതത്തിലെ രസകരമായ സംഭവങ്ങള്‍ ഇതില്‍ ഉള്‍ക്കൊള്ളിച്ചിട്ടുണ്ട് .


അമേരിക്കന്‍ സ്വപ്‌നങ്ങള്‍ പൂവണിയുന്നു

അമേരിക്ക എന്നും എന്‍റെ ഒരു സ്വപനമായിരുന്നു .അതിന് പല കാരണങ്ങള്‍ ഉണ്ട് . എന്നാല്‍ ഗള്‍ഫില്‍ നിന്നും അമേരിക്കയില്‍ എത്തിയ ഞാന്‍ തികച്ചും ഒരു ഭ്രാന്തനായി മാറി . യാതൊരു വിധത്തിലും എനിക്ക് ഉള്‍ക്കൊള്ളാന്‍ കഴിയുന്നതായിരുന്നില്ല ഞാന്‍ കണ്ട അമേരിക്ക .


ബൂലോക മണ്ഡലം അണിയിച്ചൊരുക്കി

പിഴച്ചവര്‍ എന്ന കവിതയോട് കൂടിയാണ് ഞാന്‍ ആദ്യമായി ബൂലോകത്ത് എത്തുന്നത് . അതില്‍ ആദ്യ
കമെന്റ് ജി .മനുവിന്റെ *അത് സത്യമാണ് മാഷേ * എന്നതും . ഞാന്‍ പറയുന്നത് എല്ലാം തന്നെ സത്യങ്ങളാണ് .വിശ്വസിക്കെണ്ടാവര്‍ക്ക് വിശ്വസിക്കാം .ധാരാളം കവിതകള്‍ എഴുതി . ഞാന്‍ എഴുതിയത് കവിതകള്‍ ആണെന്ന് വായനക്കാര്‍ പറയുമ്പോഴാണ് ഞാന്‍ മനസിലാക്കുന്നത്‌ .അങ്ങനെ ഞാന്‍ ഒരു കവിയായി .
കവിതകള്‍ വീണ്ടും വീണ്ടും കവിതകള്‍ !!

ബൂലോകത്തെ ആദ്യ ഇടിനാശം

ബൂലോകത്ത് കവിതകള്‍ മാത്രം എഴുതിയാല്‍ ശരിയാവില്ല എന്ന് കരുതി ആദ്യമായി എന്‍റെ കഥ *അന്നക്കുട്ടി അഥവാ അന്നാ നിക്കോളാസ്*. ഇതിലാണ് ആദ്യമായി ചിക്കാഗോക്കാരന്‍ വിന്‍സ് ഞാനുമായി
കൊമ്പ് കോര്‍ക്കുന്നത് .അമേരിക്കയിലെ പെണ്ണുങ്ങളെ പറ്റി അപവാദം പറയുന്നുവോ എന്ന് ചോദിച്ചു കൊണ്ട്‌ ആദ്യ പടക്കം , തെറി വിളി ഭീക്ഷണി .. ഹമ്മോ ചുറ്റി !.
വിന്‍സിനെയും ഇതില്‍ ഉള്‍ക്കൊള്ളിച്ചിട്ടുണ്ട് . അങ്ങനെ എനിക്കവനെ മറക്കാന്‍ കഴിയുമോ ?

ബൂലോക കള്ള് ഷാപ്പ്

വധഭീക്ഷണി കോമ്പ്ലിമെന്റ്സ് ആക്കി ആദ്യമായി ബൂലോകത്ത് കള്ള് ഷാപ്പ്‌ തുടങ്ങുന്നു . കുടിയന്മാരായും ഒഴിച്ച് കൊടുപ്പുകാരായും പലരും രംഗപ്രവേശം ചെയ്തു . കാപ്പു , പാമൂ , നീരു എന്നിങ്ങനെ മൂന്ന് താരോദയങ്ങള്‍.!
നാടന്‍ പാട്ടും വെള്ളമടിയുമായി പോയ നാളുകള്‍ .വെറുതെ പോട്ടം പിടിച്ചു നടന്ന അണ്ണന്മാരെയും താരങ്ങളാക്കി !പണ്ടത്തെ രാജാക്കന്മാര്‍ കുടിയാന്മാര്‍ക്ക് പട്ടം ചാര്‍ത്തി കൊടുക്കുന്നത് ഈ പേരുകള്‍ ഇപ്പോഴും യാതൊരു ചളിപ്പുമില്ലാതെ അഭിമാനത്തോടെ ഉപയോഗിച്ചു കാണുന്നുണ്ട് . നന്നായി വരട്ടെ !

കരിമ്പിന്‍ കാല രംഗത്ത്

കാപ്പിലാന്റെ ഷാപ്പ് പൂട്ടണം എന്ന ആവശ്യവുമായി ദുബായിലെ കരിമ്പിന്‍ കാല രംഗത്ത് . ഒടുവില്‍ ആവശ്യം പരിഗണിച്ചു ഷാപ്പ്‌ പൂട്ടുന്നു .ഈ ബ്ലോഗറെ പറ്റി ഇതുവരെ ആര്‍ക്കും അറിയില്ല എങ്കിലും ഈ പുസ്തകത്തില്‍ പറയുന്നുണ്ട് .

ലേഡീസ് ഒണ്‍ലി ഷാപ്പ്
ആണുങ്ങളുടെ ഷാപ്പ് പൂട്ടിയെങ്കിലും പെണ്ണുങ്ങളുടെ ആവശ്യം പരിഗണിച്ച്
പെണ്ണുങ്ങള്‍ക്കായി ഷാപ്പ് തുറക്കുന്നു . ഈ ഷാപ്പിലെ ഒഴിച്ച് കൊടുപ്പുകാരിയായിരുന്നു ഇന്നത്തെ പ്രശസ്ത ബ്ലോഗിണി . എനിക്കവരുടെ പേര് അറിയില്ലെങ്കിലും തൊട്ട് കാണിക്കാം ! അവരും നന്നായി കിടക്കട്ടെ .
ഇതിനിടയില്‍ തട്ട് കട തുടങ്ങിയെങ്കിലും കാര്യമായ ലാഭം അതില്‍ നിന്നും ഉണ്ടാക്കാന്‍ കഴിയില്ല
എന്ന് കരുതി അടുത്ത പ്രസ്ഥാനം ആരംഭിക്കുന്നു .

ബ്ലോഗിലെ ആദ്യ ജനകീയ നാടകം

ഷാപ്പില്‍ നിന്നും തട്ട് കടയില്‍ നിന്നും കിട്ടിയ ലാഭം കൊണ്ട്‌ ആദ്യ ജനകീയ നാടക പ്രസ്ഥാനം ബ്ലോഗില്‍ രൂപം കൊള്ളുന്നു .*ആരട വീര പോരിന് വാടാ* എന്ന നാടകം വമ്പിച്ച ലാഭം കമ്പനിക്ക് ഉണ്ടാക്കി കൊടുത്തു . അതേ തുടര്‍ന്ന് കരളേ നീയാണ് കുളിര് എന്ന നാടകവും എത്തി .

നാടകവേദി പിരിച്ചു വിടുന്നു


രണ്ട് നാടകങ്ങള്‍ക്ക് ശേഷം നാടകവേദിയിലെ മുന്‍കാല നടീനടന്മാര്‍ക്ക് പെന്‍ഷന്‍ കൊടുത്ത് നാടകവേദി പിരിച്ചു വിടുന്നു .

തോന്ന്യാശ്രമം ഉടലെടുക്കുന്നു .


അരൂപിക്കുട്ടന്റെ രംഗപ്രവേശം

അരൂപികുട്ടന്റെ അവതാരോദ്ദേശം എന്തായിരുന്നു ? ആരായിരുന്നു അരൂപി കുട്ടന്‍ ?? പുസ്തകം വായിക്കുക .

ഒരു മിന്നാമിനുങ്ങിന്റെ നുറുങ്ങു വെട്ടം

മിന്നാമിനുങ്ങ് /സജി വളരെ പ്രശസ്തനായ ബ്ലോഗര്‍ .

 അവനെ ചതിച്ചത് ആര് ? എന്തായിരുന്നു നിലാവിന്റെ ഡയറക്ടര്‍ ബഹറിന്‍ ബൂലോകത്തിന്റെ പൊന്നോമന പുത്രന്‍ അജിത്‌ നായരുമായ പ്രശനം ?

ഹെലാസ ഇന്നാ പിടി .. ചതിയുടെ ചുരുളുകള്‍ നിവരുന്നു .

ആല്‍ത്തറ രൂപികരണം

നാടകവും കള്ള് ഷാപ്പും മാത്രം കൊണ്ട്‌ കമ്പനി മുന്നോട്ട് പോകില്ല എന്ന് കരുതി ആദ്യമായി ബൂലോകത്ത് ആല്‍ത്തറ വന്നു . അതിന്റെ സ്ഥാപനം . മറ്റ് കാര്യങ്ങള്‍ .
ഇന്ന് ആല്‍ത്തറക്ക് അവകാശികള്‍ ഏറെ !!. അങ്ങനെ തന്നെ വേണമെന്നാണ് എന്റെയും ആഗ്രഹം .

മിന്നാമിന്നിയും കേരള്‍.കോം പിന്നെ ഞാനും

എന്തായിരുന്നു കേരള്‍.കോം പ്രശനം ? എവിടെ തുടങ്ങി എവിടെ അവസാനിച്ചു . ഒരന്വഷണം .

ഗവിത പ്രസ്ഥാനം രൂപം കൊള്ളുന്നു.

ബൂലോക കവികള്‍ കാപ്പിലാന്റെ കവിതകള്‍ കവിതകളല്ല എന്ന് പറഞ്ഞു കൊണ്ട്‌ മുന്നേറുന്നു . ഉടനെ
ബൂലോകത്ത് ഗവിത പ്രസ്ഥാനം രൂപം കൊള്ളുന്നു . രസകരമായ ചില സംഭവങ്ങള്‍ .

അല്ലറ ചില്ലറ ഉടക്കുകള്‍

കൈപ്പള്ളി , ഇഞ്ചി പെണ്ണ് , ഗുപ്തന്‍ തുടങ്ങിയവരുമായി ചില അസ്വാരസ്യങ്ങള്‍ .

ദുഷ്ട ശക്തികള്‍ ബൂലോകത്ത് പെരുകുന്നു

കാപ്പിലാന് എതിരെ കാപ്പിലാന്റെ പ്രസ്ഥാനങ്ങള്‍ക്കെതിരെ ആദ്യമായി ഒരു മുന്നേറ്റം . നട്ടെല്ല് ഉള്ളവര്‍ക്ക് സ്വാഗതം .
പലരും ആ വലയില്‍ വീണു.ഒടുവില്‍ നട്ടെല്ല് പൊളിച്ച ചില സംഭവങ്ങള്‍ .
 ആനനോണി ആരാണ് ?
ഒരു തുറന്ന് പറച്ചില്‍ .പുസ്തകം വായിക്കുക .
ഒന്ന് പറയാം ആനനോണി ഞാനല്ല .ചില സംഭവങ്ങള്‍ !!

ബ്ലോത്രം — ആരംഭം, പ്രവര്‍ത്തനം , പതനം

വെട്ടിക്കാട് രാമചന്ദ്രന്റെ നെത്ര്വത്വത്തില്‍ ആരംഭിച്ച ബൂലോകത്തെ ആദ്യ പത്രം .ആരും അറിയാത്ത ചില വിവരങ്ങള്‍.പുസ്തകം വായിക്കുക .

മീറ്റോ അതോ തീറ്റോ ?

ദുബായ് മീറ്റിന്റെ ആവേശം കൊണ്ട്‌ ആദ്യമായി തൊടുപുഴയില്‍ മീറ്റ്‌ .ഇതിന്റെ രസകരമായ റിപ്പോര്‍ട്ട്‌ !

നിഴല്‍ ചിത്രങ്ങള്‍ പ്രകാശനം ചെയ്യുന്നു
ആദ്യമായി എന്‍റെ കവിതാ സമാഹാരം പുറത്തിറങ്ങുന്നു .

ബൂലോകത്തെ ആദ്യ പൊതു തിരഞ്ഞെടുപ്പ് .

ബൂലോകത്തെ ആവേശ തിരയിളക്കിയ ആദ്യ ബൂലോക തിരഞ്ഞെടുപ്പ് .അതിന്റെ വിശദ റിപ്പോര്‍ട്ട്‌ .

ബ്ലോഗേര്‍സ് കോളേജ് സ്ഥാപനം


ചെറായി മീറ്റ്‌

തൊടുപുഴയിലെയും ദുബായിലെയും മീറ്റിന്റെ ആവേശ തിരയിളക്കം .കാപ്പിലാന്റെ ശത്രുക്കളുടെ എണ്ണം
കൂടുന്നു .മുഖ്യാസനം ആര്‍ക്ക് കിട്ടും എന്ന അങ്കലാപ്പ് .വിവാദമായ ചെറായി പോസ്റ്റ്‌ .കൂടെ നിന്നവര്‍ മറുകണ്ടം ചാടുന്നു . മണ്‍ മറഞ്ഞു പോയ വിവാദ ചെറായി പോസ്റ്റ്‌ ഈ പുസ്തകത്തില്‍ കൂടി പുനര്‍ജനിക്കുന്നു .ഒന്നാം ബ്ലോഗ്‌ മഹായുദ്ധത്തിന്റെ ആരംഭം .

ഒന്നാം ബ്ലോഗ്‌ മഹായുദ്ധം

ഒന്നാം ബ്ലോഗ്‌ മഹായുദ്ധത്തിന്റെ കാരണങ്ങള്‍ , അനന്തര ഫലങ്ങള്‍ എന്നിവ വിശകലനം ചെയ്യുന്നു .
ഒന്നാം ബ്ലോഗ്‌ മഹായുദ്ധത്തിന്റെ കാലത്തും ചതിക്കാത്ത ചന്തുവായി ഞാന്‍ കൂടെയുണ്ടായിരുന്നു .പലരും അതിന് സാക്ഷികള്‍ . സാക്ഷികളുടെ സാക്ഷി മൊഴികള്‍ !
എനിക്കെതിരെ കള്ളസാക്ഷികള്‍ നിരനിരയായി അണി നിരന്നു .ആ കഥകള്‍ !

ഭയപ്പാടോടെ ചെറായി മീറ്റ്‌

ബെര്‍ളിയും കാപ്പിലാനും ഭീകരരായി എത്തും മീറ്റ്‌ കലക്കും എന്ന് കരുതി ഭയത്തോടെ മീറ്റ്‌ നടത്തി ചരിത്രം കുറിച്ചവര്‍ .വിജയം ആഘോഷം കഴിയും മുന്‍പേ രണ്ടാം വെടി പൊട്ടി .

രണ്ടാം ബ്ലോഗ്‌ മഹായുദ്ധം

സിയാബ് തെറ്റുകാരനോ ? ഒരു അന്വഷണം ..ഇതിനെ തുടര്‍ന്ന് വന്ന രണ്ടാം ബ്ലോഗ്‌ മഹായുദ്ധം ..

ജ്യോനവന്‍ വിടപറയുന്നു .
ജ്യോനവന്റെ മരണം യുദ്ധങ്ങള്‍ക്ക് താല്‍ക്കാലിക ശാന്തി വരുത്തുന്നു .

മാദ്ധ്യമ പിണ്ടിക്കേറ്റുകള്‍ അരങ്ങു വാഴുമ്പോള്‍

കാപ്പിലാന്റെ പത്രം എന്ന തെറ്റിദ്ധാരണയില്‍ ബ്ലോത്രത്തിനെതിരെ അനോണികള്‍ നിരക്കുമ്പോള്‍ .ഇതേ സമയം തന്നെ ലണ്ടനില്‍ നിന്നും മറ്റൊരു പത്രം ബൂലോകം ഓണ്‍ലൈന്‍ .

ബൂലോകം പിളര്‍പ്പിലേക്ക്

അന്ന് വരെ ഒന്നായിരുന്ന ബൂലോകം മീറ്റുകളും എതിര്‍പ്പുകള്‍ക്കും ശേഷം രണ്ടായി പിളരുന്നു .ചില കാഴ്ചകള്‍ .

ഇന്ത്യയിലെ ആദ്യ പ്രിന്റ്‌ ബ്ലോഗ്‌ പത്രം

ചെറായി മീറ്റിനെ ചതിക്കാത്ത ചന്തുവായ ഞാനും ഡോക്ടര്‍ ജെയിംസ്‌ കൂടി ബൂലോകം ഓണ്‍ലൈന്‍ പത്രത്തില്‍ പ്രവര്‍ത്തിക്കുന്നു .ഇന്ത്യയിലെ ആദ്യ പ്രിന്റ്‌ പത്രം ബൂലോകം ഓണ്‍ലൈന്‍ എന്നതും ഏവര്‍ക്കും അറിയാം .

സംഭ്രമ ജനകമായ മറ്റനേകം സംഭവങ്ങള്‍ !!
ബൂലോകത്തിന്റെ അണിയറയില്‍ നടന്ന രക്തം തണുപ്പിക്കുന്ന അണിയറ നീക്കങ്ങള്‍ !!
ഉടമ്പടികള്‍ ... നാഴിക കല്ലുകള്‍ ..
മലയാള ബ്ലോഗിലെ സമ്പൂര്‍ണ്ണ കാപ്പിലാന്‍ വധം ആട്ടക്കഥകള്‍ !!!

വാങ്ങിക്കുക വായിക്കുക . മലയാള ബ്ലോഗിലെ ആദ്യ സംരംഭം ഒരു ബ്ലോഗറുടെ ആത്മ കഥ .

Thursday, September 16, 2010

റാറ്റ് കിംഗ്‌

വളരെ നാളുകളായി ആശ്രമത്തിലും കൊള്ളികളിലും എല്ലാം എന്തെങ്കിലുമൊക്കെ എഴുതിയിട്ട് .ബ്ലോഗില്‍ മരപ്പട്ടികളും വാവലും ചിലന്തിയും കൂട് വെയ്ക്കുകയും വലകെട്ടുകയും ഒക്കെ ചെയ്തു കിടക്കുന്നു എങ്കിലും ഒന്നും ചെയ്യാന്‍ കഴിയാറില്ല . അതെങ്ങനെ ?
അലക്കുകാരന് അലക്കൊഴിഞ്ഞ് നേരമില്ല എന്നത് പോലെയാണ് എന്‍റെ ഓരോരോ കാര്യങ്ങള്‍ ! എന്നെ കൊണ്ട്‌ ഞാന്‍ തന്നെ തോറ്റു !! .പണ്ടേ ദുര്‍ബല പിന്നെ ഗര്‍ഭിണിയും എന്നപോലെ വല്ലാത്ത മടിയും .. ഉം ..

 സത്യം ഇങ്ങനൊക്കെയാണ് എങ്കിലും ഇനീം മുതല്‍ ഞാന്‍ ഈ പ്രദേശങ്ങളില്‍ എല്ലാം കാണും . എല്ലാ അന്തേവാസികള്‍ക്കും ആശ്രമ ഭക്തര്‍ക്കും സുഖം തന്നെയല്ലേ ?
ഇതിനിടക്ക്‌ ഞാന്‍ നാട്ടിലൊക്കെ ഒന്ന് പോയീം വെച്ച്‌ വന്നു .നാട്ടുകാര്‍ക്കും വീട്ടുകാര്‍ക്കും എല്ലാം സുഖം . എനിക്കൊഴികെ .

 ഈ മടുപ്പ് വരാന്‍ മറ്റൊരു കാരണം കൂടിയുണ്ട് . ബ്ലോഗിലെ എഴുത്തു കുത്തുകള്‍ പുറമ്പോക്ക് സാഹിത്യം പോലെയാണ് എന്ന് നാട്ടില്‍ പോയപ്പോള്‍ മാത്രമാണ് എനിക്ക് മനസിലായത് ! നമ്മള്‍ വിചാരിക്കുന്നത് പോലെ ഒരു കാര്യവുമില്ല . സത്യം .


ധനവാന്റെ മേശപ്പുറത്തു നിന്നും വീണ അപ്പക്കഷണങ്ങള്‍ കൊണ്ട്‌ ജീവിച്ച ലാസറിനെ പോലെ വല്ലപ്പോഴും ബ്ലോഗനയിലോ മറ്റ് മാധ്യമങ്ങളിലോ എന്തെങ്കിലും അച്ചടിച്ച്‌ വന്നാല്‍ പുരപ്പുറത്തു നിന്ന് കൂവി നാട്ടാരെ അറിയിക്കുന്ന കള്ളക്കോഴികളെ പോലെയാണ് ബ്ലോഗും ബ്ലോഗ്‌ എഴുത്തുകളും . മുഖ്യധാര മാധ്യമങ്ങളില്‍ നിന്നും എത്രയോ കാതങ്ങള്‍ അകലെ !!. ഇത്രയും നാളും ചൊരച്ചിട്ടും ബ്ലോഗ്‌ കൊണ്ട്‌ എന്തെങ്കിലും ചലനങ്ങള്‍ സമൂഹത്തില്‍ ഉണ്ടാക്കാന്‍ കഴിഞ്ഞോ എന്നും ഞാന്‍ സംശയിക്കുന്നു .ഇനീം ബ്ലോഗ്‌ തുടര്‍ന്ന് പോയാലും എന്തെങ്കിലും പ്രത്യേകിച്ച മാറ്റങ്ങള്‍ ഇത് മൂലം ഉണ്ടാകും എന്ന തോന്നലുകളും ഇല്ല .

പിന്നേം ആകേം പോകേം ബ്ലോഗില്‍ ഉണ്ടായിരുന്നത് , തമ്മില്‍ തല്ലും ചവിട്ടും തൊഴിയുമോക്കെയായിരുന്നു. തമ്മില്‍ തല്ലി തല്ലി പുലികളെ പോലുള്ള എലികളെല്ലാം ചത്തൊടുങ്ങി . ഇങ്ങനെ എലികള്‍ കൂട്ടമായി വാലില്‍ കുരുക്ക് വീണു ചാവുന്നതിനെയാണ് സായിപ്പന്‍മാര്‍ റാറ്റ് കിംഗ്‌ റാറ്റ് കിംഗ്‌ എന്ന ഓമനപേരില്‍ വിളിച്ച് താലോലിക്കുന്നത് . ഈ അവസ്ഥയാണ് ഇന്ന് ബ്ലോഗിന് . കുറെയധികം പു (എ ) ലികളെ ഇപ്പോള്‍ കാണാന്‍ കൂടി കഴിയുന്നില്ല . ചില ആളുകള്‍ ബസില്‍ കയറി പറ്റിയെങ്കിലും അതിന്റെയും ആയുസ് എത്ര എന്ന് പറയുവാന്‍ നിവര്‍ത്തിയില്ല . ഒരു പ്രഭാതത്തില്‍ അതും ഇതുപോലെ പോഹുമായിരിക്കും .. ഹാ ആര്‍ക്കറിയാം !

അപ്പോള്‍ വീണ്ടും നാളെ മുതല്‍ ആശ്രമത്തില്‍ കാണാം .

Monday, July 26, 2010

ഓട്ടോക്കാശില്ല

ഓട്ടോ വിളിക്കണമെന്നും മൈക്ക് വെച്ച്‌ കെട്ടി നാട് നീളെ വിളിച്ച് പറയണം എന്നും എല്ലാവരെയും നേരില്‍ കണ്ട് വിളിക്കണം എന്നും ആഗ്രഹമുണ്ട് .പൊതുനിരത്തില്‍ പൊതുജനങ്ങള്‍ക്കു ദ്രോഹകരമായ പൊതുയോഗങ്ങള്‍ നടത്താന്‍ കോടതി അനുവദിക്കാത്തത് കൊണ്ടും , ഓട്ടോ വിളിക്കാന്‍ ഓട്ടോ കാശ് ഇല്ലാത്തത് കൊണ്ടും ബഹുമാന്യ മാന്യ മാന്യ ശ്രീ ബ്ലോഗര്‍മാര്‍ ഇതൊരു അറിയിപ്പായി സ്വീകരിച്ചു കൊണ്ട്‌ കഴിയുന്ന എല്ലാവരും പരിപാടിയില്‍ പങ്കെടുക്കണം .

എല്ലാവര്‍ക്കും സ്വാഗതം

ജയഹോ

Wednesday, July 21, 2010

ബസിനെ വെല്ലാന്‍ കാര്‍ !!

ഇതെങ്കിലും അമേരിക്കയുടെ അല്ല എന്ന് പറയല്ലേ !!.അല്ലെങ്കില്‍ തന്നെ മലയാളി ബ്ലോഗര്‍മാര്‍ കാരണം അമേരിക്കക്ക് തലപൊക്കി നടക്കാന്‍ വയ്യാത്ത സ്ഥിതിയാണ് .എന്ത് കൊടുത്താലും ചീത്തവിളികള്‍ക്ക് ഒരു കുറവുമില്ല .ഈ ചീത്തവിളികള്‍ കാരണം അമേരിക്കക്ക് കിടക്കപ്പൊറുതിയും ഇല്ല . ബ്ലോഗ്‌ വേണമെന്ന് പറഞ്ഞപ്പോള്‍ ബ്ലോഗ്‌ കൊടുത്തു ,അതില്‍ അസോസിയേഷന്‍, അസോസിയേഷന്റെ അസ്സോസിയെസ്സിന്‍ , ബ്ലോഗ്‌ മീറ്റ്‌ , യൂണിയന്‍ ഹമ്മോ ...വയ്യ .അതിന് ശേഷമാണ് കഷ്ടമല്ലിയോ എന്നോര്‍ത്ത് ബസ്‌ കൊടുത്തത് ,ബസ് കൊടുത്തപ്പോള്‍ അലവലാതി മലയാളി ബ്ലോഗര്‍മാര്‍ എല്ലാം ബ്ലോഗ്‌ വിട്ട് ബസില്‍ അടിഞ്ഞു കൂടി .വല്ലപ്പോഴും ട്വിറ്റിക്കൊണ്ടിരുന്നവരും ട്വിറ്റല്‍ നിര്‍ത്തി ബസില്‍ കൂടി .അങ്ങനെ ട്വിട്ടെരും ബസും തമ്മില്‍ അടിപിടി ലഹളയായി , മത്സരമായി .ഇപ്പോള്‍ ദാണ്ടേ കാറും നമ്മളെ കമെന്റ് അടിക്കാന്‍ തുടങ്ങി .

അമേരിക്കയില്‍ ‍ 2011 - ല്‍ പുറത്തിറങ്ങുന്ന ഫോര്‍ഡ് ഫിയെസ്റ്റ എന്ന കാറാണ് ഇനി മുതല്‍ ട്വിറ്റാന് തുടങ്ങുന്നത് .ഇപ്പോള്‍ തന്നെ ഫോര്‍ഡ് കാറില്‍ ഇന്റര്‍നെറ്റ്‌ ഉള്ളതുകൊണ്ട് ബ്ലോഗിങ് ബസ്‌ എന്നിവ മുടക്കം കൂടാതെ ചെയ്യുവാന്‍ സാധിക്കും .എന്നാല്‍ ഇനി മുതല്‍ " ബ്രേക്കില്‍ കാല് അമര്ത്തട " " മുന്‍പില്‍ പോകുന്ന സുന്ദരി കൊച്ചിനെ കണ്ടോട ചെക്കാ " എന്നെല്ലാം കാറും നമ്മളെ ട്വിട്റ്റ് ചെയ്തു കാര്യങ്ങള്‍ ഓര്‍മ്മിപ്പിക്കുകയും മുന്നറിയിപ്പുകള്‍ തരികയും ഓരോരോ പുതിയ വാര്‍ത്തകള്‍ എത്തിച്ചു തരികയും ചെയ്യും .ആനന്ദ ലബ്ധിക്കിനി എന്താണ് വേണ്ടത് .

ട്വിറ്റെര്‍ കാറ്‌ ബസിന്റെ കാറ്റ് കുത്തിവിടുമോ എന്നത് മാത്രം ഇനി ഓര്‍ത്താല്‍ മതി .പിന്നൊരു കാര്യം ശ്രദ്ധിക്കുവാനുള്ളത് ,ട്വിറ്ററും ബസും കാറില്‍ തന്നെ ഇരുന്നു ചെയ്യുമ്പോള്‍ കാറും ബസും റോഡില്‍ കൂട്ടിമുട്ടരുത് എന്ന കാര്യം മാത്രമാണ് . യാത്ര സുഖകരം തന്നെയാകും എന്നതില്‍ സംശയം വേണ്ട .ഒരു സുഹൃത്തിനെപ്പോലെ നമ്മോടൊപ്പം ട്വിറ്ററും കാണും എങ്കിലും ഞാനീ കാറ്‌ വാങ്ങാന്‍ പോകുന്നില്ല . നാനോ കാറ്‌ ഇവിടെ കിട്ടുമോന്നു നോക്കട്ടെ .അതാണ്‌ സുഖം . ‍



-

Sunday, July 18, 2010

സമാനമായി.. സമാധിയായി ..

അങ്ങനെ ആ കാര്യത്തില്‍ ഒരു തീരുമാനമായി .

പെണ്മക്കളെ ഉത്തരവാദിത്വമുള്ള  ആമ്പിള്ളാരുടെ കയ്യില്‍ പിടിച്ചേല്‍പ്പിച്ച് സ്വസ്ഥമായിട്ടിരിക്കുന്ന തന്തമാരുടെ മാനസികാവസ്ഥയിലാണ് ഞാനിപ്പോള്‍ . ഇനി വീട്ടുകാര്യങ്ങളും ആശ്രമകാര്യങ്ങളും ഒക്കെയായി ശിഷ്ടജീവിതം കഴിക്കണം എന്നൊരാഗ്രഹം മാത്രമേ ഉള്ളൂ .എന്‍റെ മാനസികാവസ്ഥ മനസിലാകണമെങ്കില്‍ നിങ്ങള്‍ പെണ്മക്കളുടെ തന്തമാരായി ജനിക്കണം   .

 ഒരു കുഞ്ഞുണ്ടായാല്‍ പ്രത്യേകിച്ചും പെണ്‍ കുട്ടിയായാല്‍ എന്തോരം കാര്യങ്ങള്‍ അവളുടെ വളര്‍ച്ചയുടെ ഘട്ടത്തില്‍ നമ്മള്‍ ശ്രദ്ധിക്കണം . വഴിയേ പോകുന്ന വല്ലവന്മാരും കമെന്റ് അടിക്കുന്നുണ്ടോ എന്ന് നോക്കണം , പീഡനത്തിന്റെ കാലത്ത് ആരെങ്കിലും അവളെ പേടിപ്പിക്കുന്നുണ്ടോ പീഡിപ്പിക്കുന്നുണ്ടോ എന്ന് നോക്കണം . ഒടുവില്‍ വളര്ച്ചയെത്തിയാല്‍ കാണാന്‍ കൊള്ളാവുന്ന ആരോഗ്യമുള്ള ഒരുവിധം തരക്കേടില്ലാത്ത സൌകര്യങ്ങള്‍ എല്ലാം ഉള്ള ഒരുത്തന്റെ കയ്യില്‍ പിടിച്ചേല്‍പ്പിക്കണം . കഴിഞ്ഞു ..
 അവരായി അവരുടെ പാടായി .ഇനി സ്വസ്ഥമായി , മനസമാധാനത്തോടെ സമാധിയാകണം.


ഈ മാസം മുപ്പത്തി ഒന്നിനാണ് ആ മംഗളകര്‍മ്മം നടക്കുന്നത് . എല്ലാവരും വരണം . ഇനി നേരില്‍കണ്ടില്ല , വിളിച്ചില്ല എന്നുള്ള പരാതികള്‍ ഒന്നും വേണ്ടാ . എല്ലാവരും വന്ന് ഓരോഗ്ലാസ് നാരങ്ങാ വെള്ളമെങ്കിലും കുടിച്ചും വെച്ചേ പോകാവൂ .ബാക്കിയുള്ള കാര്യങ്ങള്‍ ഇവിടെ ഉണ്ട് .
പ്രകാശനം

Thursday, July 15, 2010

വലയില്‍ ചരിത്രം നെയ്യുന്നവര്‍

സന്മനസുള്ളവര്‍ക്ക്‌ ബൂലോകത്തും കേരളത്തിലും സമാധാനം !!


നല്ല മനസുകളില്‍ മാത്രമേ നല്ല ആശയങ്ങളും ചിന്തകളും പ്രവര്‍ത്തനങ്ങളും ഉണ്ടാകുകയുള്ളൂ .മുകളില്‍ പറഞ്ഞ കാര്യം ഞാന്‍ വെറുതെ പറഞ്ഞതാണ് . നിങ്ങള്‍ക്ക് വേണേല്‍ ചിന്തിക്കാം .നല്ല മനസുകള്‍ ഇല്ലാത്തവര്‍ സ്വയം മുരടിച്ചു പോകുന്നതല്ലാതെ ആയുസില്‍ അവര്‍ ഉന്നതങ്ങളില്‍ എത്തില്ല . കേരളത്തിലെ ഇപ്പോഴത്തെ സാമൂഹിക രാഷ്ട്രീയ പശ്ചാത്തലങ്ങളുമായി ചേര്‍ത്ത് വായിക്കുക . കേരളത്തെ കുറിച്ചോര്‍ക്കുമ്പോള്‍ ഇപ്പോള്‍ മനസ്സില്‍ ഭയമാണ് തോന്നുന്നത് . ചുറ്റും അരഷിതാവസ്ഥ മാത്രം .രക്ഷകര്‍ ശിക്ഷകരുടെ രൂപത്തില്‍ എത്തുക . ദൈവത്തെ രക്ഷിക്കുവാന്‍ വേണ്ടി മനുഷ്യന്‍ പെടുന്ന പാട് കണ്ടാല്‍ ദൈവത്തിന് പോലും ഇവരോട് സഹതാപം തോന്നും .അതവിടെ നില്‍ക്കട്ടെ . കേരളത്തെക്കുറിച്ച് ചിന്തിച്ചാല്‍ ഭ്രാന്ത് പിടിക്കും .അതുകൊണ്ട് നമുക്ക് ബൂലോകത്തെക്കുറിച്ചും ബ്ലോഗിനെ കുറിച്ചും ചിന്തിക്കാം .
 
2010 ജൂലൈ മാസം മലയാള ബ്ലോഗിന്റെ സുവര്‍ണ്ണ താളുകളില്‍ എഴുതപ്പെടുന്ന മാസമാണ് .പില്‍ക്കാലത്ത് എപ്പോഴെങ്കിലും മലയാള ബ്ലോഗിന്റെ ചരിത്രം ആര്‍ക്കെങ്കിലും എഴുതണം എന്ന് തോന്നുകയാണെങ്കില്‍ 2010 ജൂലൈ മാസവും ഒഴിവാക്കാന്‍ കഴിയുകയില്ല ,കാരണം അന്നാണ്  ഓണ്‍ലൈന്‍ പത്രമായ ബൂലോകം ഓണ്‍ലൈന്‍ പ്രിന്റ്‌ മീഡിയയിലേക്ക് എത്തുന്നത് . പല പ്രിന്റ്‌ മീഡിയകളും ഓണ്‍ലൈന്‍ ആയി കാണാം എങ്കിലും നേരെ തിരിച്ച് ചെല്ലുന്നത് ഇന്ത്യയില്‍ ആദ്യമായിട്ടാണ് . ബ്ലോഗ്‌ എന്ന വട്ടത്തില്‍ കിടന്ന് കറങ്ങാതെ വിശാലമായ മേച്ചില്‍ പുറങ്ങളിലേക്ക് മലയാള ബ്ലോഗര്‍മാര്‍ എത്താന്‍ തുടങ്ങുന്നു .ഒരോ മലയാള ബ്ലോഗര്‍മാര്‍ക്കും ഇതില്‍ അഭിമാനിക്കാം .മലയാള ബ്ലോഗിന്റെ വളര്‍ച്ച രാജ്യത്തിന്റെ മറ്റ് ഭാഷയിലുള്ള ബ്ലോഗര്‍മാര്‍ക്ക് അസൂയയോടെ മാത്രമേ നോക്കിക്കാണുവാന്‍ കഴിയൂ !!.
 
ലോകത്തിലാദ്യമായി ബ്ലോഗ്‌ പത്രം പ്രിന്റ്‌ ചെയ്യുന്നത് , ജോഷ്വ കാര്‍പ്പ് എന്ന ചിക്കാഗോക്കാരന്റെ ദി പ്രിന്റെഡ്‌ ബ്ലോഗ്‌ എന്ന സൈറ്റില്‍ വന്ന ബ്ലോഗ്‌ പോസ്റ്റുകള്‍ ആണ് . ഈ പോസ്റ്റുകള്‍ 2008 ജൂണ്‍ മാസം പ്രിന്റ്‌ ചെയ്ത് അമേരിക്കയിലെ സിറ്റികളില്‍ കൊടുക്കുകയുണ്ടായി . അതിന് ശേഷം ലണ്ടനിലും ഇങ്ങനെ ചെയ്യുകയുണ്ടായി .ഇത് രണ്ടുമല്ലാതെ ലോകത്തില്‍ വേറെ ഇത്തരത്തിലുള്ള സംഭവങ്ങള്‍ ഉണ്ടായിട്ടില്ല എന്ന് തന്നെ പറയാം . ഒരു പക്ഷേ ലോകത്തിലെ മൂന്നാമത്തെ പ്രിന്റെഡ്‌ ബ്ലോഗ്‌ പത്രമാണ്‌ ബൂലോകം ഓണ്‍ലൈന്‍ പത്രം .
 
മലയാളിക്ക്‌ ഒന്ന് കൂടി അഭിമാനിക്കാം കാരണം , അമേരിക്കയിലും ലണ്ടനിലും പ്രിന്റ്‌ ചെയ്ത ബ്ലോഗ്‌ പത്രത്തിനേക്കാള്‍ കൂടുതല്‍ ആകര്‍ഷകമായി ഗുണനിലവാരം കൂടിയ പേപ്പറിലാണ് ബൂലോകം ഓണ്‍ലൈന്‍ പത്രം പ്രിന്റ്‌ ചെയ്യുന്നത് . ഇതിന്റെ ചുക്കാന്‍ പിടിച്ച ബൂലോകം ഓണ്‍ലൈന്‍ ക്രിയേറ്റിവ് എഡിറ്റര്‍ സുനില്‍ പണിക്കര്‍ക്ക് ഈ കാര്യത്തില്‍ തീര്‍ച്ചയായും അഭിമാനിക്കാം .ഇതിന്റെ പിന്നില്‍ വളരെയധികം സാമ്പത്തിക ചിലവുകളും അധ്വാനങ്ങളും ഉണ്ട് . ആദ്യ ഘട്ടം എന്ന നിലയില്‍ ഒരോ മാസവും ഒരോ പതിപ്പുകള്‍ വീതം ഇറക്കണം എന്നാണ് ഡയറക്ടര്‍ ബോര്‍ഡ്‌ തീരുമാനം . പിന്നീട് ആഴ്ചകള്‍ തോറും ഓരോന്ന് വീതം . ഈ കാര്യങ്ങള്‍ എല്ലാം തന്നെ പത്രത്തില്‍ വരുന്ന പരസ്യങ്ങളും വിതരണ രീതിയും അടിസ്ഥാനപ്പെടുത്തിയാണ് .ഇതിനെല്ലാം മലയാള ബ്ലോഗര്‍മാരുടെ നിസ്വാര്‍ഥമായ സഹകരണങ്ങള്‍ കൂടിയേ കഴിയൂ .പരസ്യങ്ങള്‍ തരുവാന്‍ വേണ്ടി കേരളത്തിലെയും ലണ്ടന്‍ അമേരിക്ക എന്നീ ഭാഗങ്ങളിലെയും കമ്പനികള്‍ മുന്നോട്ട് വന്നിട്ടുണ്ട് എന്നാണ് അറിയാന്‍ കഴിയുന്നത്‌ .എങ്കിലും ആദ്യ പതിപ്പ് , പരസ്യങ്ങള്‍ കൂടാതെയാണ് പ്രസിദ്ധികരിക്കുന്നത്.
 
കേരളത്തിലെ എല്ലാ ജില്ലകളിലും , ഇന്ത്യയിലെ വിവിധ ഭാഗങ്ങളിലും മിഡില്‍ ഈസ്റ്റ്‌ , അമേരിക്കയിലെ ചില ഭാഗങ്ങള്‍ . ലണ്ടന്‍ എന്നീ സ്ഥലങ്ങളില്‍ വിതരണത്തിനുള്ള തയ്യാറെടുപ്പുകള്‍ നടത്തിക്കഴിഞ്ഞു . ബാക്കിയുള്ളവര്‍ക്ക് പ്രകാശനത്തിന് ശേഷം ബൂലോകം ഓണ്‍ലൈന്‍ സൈറ്റില്‍ നിന്നും ഡൌണ്‍ ലോഡ് ചെയ്യാന്‍ തക്ക വിധത്തില്‍ പീ ഡി എഫ് ഫയലുകള്‍ ആക്കുന്നതാണ് .


കഴിഞ്ഞ ഒരു വര്‍ഷം കൊണ്ട്‌ ലോകത്തിലെ പലഭാഗങ്ങളിലെ സമൂഹത്തിന്റെ വിവിധ തുറകളില്‍ പ്രവര്‍ത്തിക്കുന്ന ഇരുന്നൂറോളം ബ്ലോഗര്‍മാര്‍ അതില്‍ എഴുതുന്നുണ്ട് . കൂടുതല്‍ അംഗങ്ങള്‍ അതില്‍ ചേരുകയും ഒത്തൊരുമിച്ച് മുന്നോട്ട് പോകുകയും ചെയ്യണം . അങ്ങനെയെങ്കില്‍ തീര്‍ച്ചയായും മലയാള ഭാഷയിലും സമൂഹത്തിലും വിപ്ലവങ്ങള്‍ സൃഷ്ടിക്കുവാന്‍ കഴിയും എന്നതില്‍ സംശയമില്ല .ബ്ലോഗ്‌ എന്ന മാദ്ധ്യമം , അതിലെ എഴുത്തുകാര്‍ പുറം ലോകത്തേക്കും എത്തപ്പെടുകയും സമൂഹത്തില്‍ അവരുടെ ചിന്തകളും എഴുത്തുകളും ചര്‍ച്ചകള്‍ ആകുകയും ചെയ്യുന്ന കാലം അധികം വിദൂരമല്ല . ബ്ലോഗ്‌ എഴുത്തുകാര്‍ക്ക് അതിന് കഴിയട്ടെ എന്നാശംസിക്കുന്നു .

പ്രിവ്യു

Wednesday, July 7, 2010

ബ്ലോഗേര്‍സ് സമ്മേളനം

 ഭാരത്‌ ബന്ദും ജൂലൈ നാലും ഒരേ മാസം അടുപ്പിച്ചടുപ്പിച്ച് വന്നതുകൊണ്ട് ഒരു അന്താരാഷ്ട്രാ പൗര ബ്ലോഗര്‍ക്ക് അടങ്ങിയിരിക്കാന്‍ കഴിഞ്ഞില്ല .തീര്‍ച്ചയായും ഇങ്ങനെയുള്ള ദിവസങ്ങളില്‍ വീട്ടില്‍ അടങ്ങി ഒതുങ്ങി കഴിയരുത്‌ .ഭാരത്‌ ബന്ദ്‌ പോലുള്ള ദിവസങ്ങള്‍ വിദേശങ്ങളില്‍ പാര്‍ക്കുന്ന ഭാരതീയ പൌരന്മാര്‍ക്കും ആഘോഷിക്കുവാന്‍ ഉള്ള അവസരങ്ങളായി ഉപയോഗിക്കണം എന്നതിന്റെ വിദൂര വീക്ഷണത്തിന്റെ അനന്തരഫലമായാണ് ആഫ്രിക്കന്‍ സഫാരിക്ക്‌ പിള്ള തള്ള പരിവാരങ്ങളുമായി ഇറങ്ങി പുറപ്പെട്ടത്‌ .

ആഫ്രിക്കന്‍ സഫാരി തന്നെ തിരഞ്ഞെടുക്കുവാന്‍ കാരണം , തങ്കമ്മയെയും കാണാം താളിയും ഒടിക്കാം എന്ന് മനസ്സില്‍ കരുതിക്കൊണ്ടാണ് .സൌത്ത് ആഫ്രിക്കയില്‍ ക്രിക്കെറ്റ് കളി ( അങ്ങനെതന്നെയല്ലേ അതിന്റെ പേര് ) നടക്കുന്നത് കൊണ്ട്‌ മിക്ക ബ്ലോഗര്‍മാരും ആഫ്രിക്കന്‍ വനാന്തരങ്ങളില്‍ കുറ്റീം അടിച്ച് കിടപ്പുണ്ടാകും എന്നും അങ്ങനെയെങ്കില്‍ കളീം കാണാം കുറെ ബ്ലോഗര്‍മാരെയും ആ കൂട്ടത്തില്‍ കാണാം എന്ന് മനസ്സില്‍ കണ്ടുകൊണ്ടാണ് . എന്തായാലും പ്രതീക്ഷകള്‍ തെറ്റിയില്ല .പല ബ്ലോഗര്‍മാരെയും ആഫ്രിക്കന്‍ വനാന്തരങ്ങളില്‍ വെച്ചു കണ്ടു മുട്ടി .

പ്രതീക്ഷ തെറ്റിയില്ല . കുറച്ചകലെയായി കുറെ ബ്ലോഗര്‍മാര്‍ സമ്മേളനം നടത്തുന്നുണ്ടായിരുന്നു . എന്നെ കണ്ടു കൊണ്ട്‌ പരിചയം പുതുക്കുവാന്‍ വേണ്ടി പലരും എന്‍റെ അടുക്കലേക്ക്‌ ഓടി എത്തി . നമ്മള്‍ പലപ്പോഴും പറയാറില്ലേ , വയല്‍ക്കുരു ,ധാന്യം എന്നൊക്കെ ..ഈ ബ്ലോഗ്‌ സമ്മേളനത്തിന്റെയും ഓടി വരവിന്റെയും പ്രധാന ലക്‌ഷ്യം വയല്‍ക്കുരു തന്നെയായിരുന്നു . പലപ്പോഴായി ഞാന്‍ സമ്പാദിച്ചു കൂട്ടിയ വയല്ക്കുരുക്കള്‍ മുഴുവനും ഞാന്‍ അവര്‍ക്ക് കൊടുത്തു.

ചെറിയ ചെറിയ ബ്ലോഗര്‍മാര്‍ വയല്‍ക്കുരു തിന്നുന്നത് കണ്ട് , ചില അനോണി ബ്ലോഗര്‍മാരും ,കൊമ്പന്മാരും അടുത്തു കൂടിയെങ്കിലും ഭയത്തോടു കൂടി ഞാന്‍ ദൂരെ മാറി .അല്ലെങ്കിലും പണ്ട് മുതലേ എനിക്കിവരെയൊക്കെ ഭയമാണ് എന്ന് നിങ്ങള്‍ക്ക്രിയാമല്ലോ









സമ്മേളന സ്ഥലത്ത് എത്താന്‍ കഴിയാതിരുന്ന ബ്ലോഗര്‍മാര്‍ ,ദൂര ദര്‍ശിനി കുഴലില്‍ കൂടി സമ്മേളന നഗരിയിലേക്ക് എത്തി നോക്കി സമ്മേളന വിവരങ്ങള്‍ ലൈവായി കണ്ടുകൊണ്ടിരുന്നു .

പടമായി പോയ ധ്രുവ കരടികളുടെ കട്ട്‌ ഔട്ടുകള്‍ സമ്മേളന നഗരിയില്‍ പ്രദര്‍ശിപ്പിച്ചു . പല പുലികളും ഇപ്പോള്‍ ഉറക്കത്തിലാണ് എന്ന കാര്യം സംഭവ സ്ഥലത്ത് എത്തിയതിനു ശേഷം മാത്രമാണ് എനിക്ക് ബോധ്യമായത് .
ബ്ലോഗ്‌ സമ്മേളന നഗരിയുടെ ഉള്‍ഭാഗങ്ങളില്‍ അപ്പോഴും ഉറക്കമില്ലാതെ അല്‍പ ജീവന്‍ ബാക്കിയുള്ള കാട്ടാനകളും കരടികളും അലസമായി വിഹരിക്കുന്നുണ്ടായിരുന്നു .






ഒടുവില്‍ , സമ്മേളന സ്ഥലത്ത് നിന്നും യാത്ര പറഞ്ഞ് പിരിയുമ്പോള്‍ ബാര്‍ബിഖ്യൂവിന്റെ മസാല കൂടിയിട്ടോ എന്തോ നാവ് വല്ലാതെ എരിക്കുന്നുണ്ടായിരുന്നു. ജീവിതത്തില്‍ ഒരിക്കലും മറക്കാത്ത ഒരു സൌഹൃദാന്തരീക്ഷമാണ് അവിടെ കാണുവാന്‍ കഴിഞ്ഞത് .




Tuesday, June 29, 2010

ബന്ദ്‌ നല്ലതാണ് .

ജൂലൈ അഞ്ചാം തീയതി ആഘോഷപൂര്‍വ്വമായി നടത്താന്‍ തീരുമാനിച്ചിരിക്കുന്ന ഭാരത്‌ ബന്ദിനെ കുറിച്ചും , കേരളത്തിലെ ആരോഗ്യ മന്ത്രിണി ശ്രീമതി പി.കെ ശ്രീമതിയുടെ അമേരിക്കന്‍ സന്ദര്‍ശനത്തെ കുറിച്ചും തീപ്പൊരിയും കണ്ണീരും നിറഞ്ഞ ചില പോസ്റ്റുകള്‍ കാണുവാന്‍ ഇടയായി .ചിലര്‍ ചോദിക്കുന്നത് എന്തിന് വേണ്ടിയാണ് മുറക്ക് മുറക്കുള്ള ഈ ഹര്‍ത്താലുകളും ബന്ദുകളും എന്നാണ് .മറ്റ് ചിലര്‍ റോമാ സാമ്രാജ്യം കത്തി എരിയുമ്പോള്‍ വീണ വായിക്കുന്ന ചക്രവര്‍ത്തിനിയോട് ബഹുമാനപ്പെട്ട മന്ത്രിയെ ഉപമിക്കുന്നു . എന്നാല്‍ ഇവര്‍ സാമൂഹിക ശാസ്ത്രവും സാമ്പത്തിക ശാസ്ത്രവും പഠിക്കാത്തത് കൊണ്ടുള്ള പോരായ്മകള്‍ കൊണ്ടാണ് ഇത്തരത്തില്‍ ചിന്തിക്കുകയും പോസ്റ്റുകള്‍ ഇടുകയും ചെയ്യുന്നത് എന്നാണ് എനിക്ക് പറയുവാന്‍ ഉള്ളത് .

എന്‍റെ അഭിപ്രായത്തില്‍ ഒരോ മാസവും കുറഞ്ഞത്‌ രണ്ട്  സമ്പൂര്‍ണ്ണ ബന്ദുകളും ഭാഗികമായോ  ‍ പൂര്‍ണ്ണമായോ ഒന്നോ രണ്ടോ ഹര്‍ത്താലുകളും നടത്തണം എന്ന് തന്നെയാണ് . ഒരു ദിവസം ഭാരതത്തിലെ വാഹനങ്ങള്‍ റോഡില്‍ ഇറങ്ങാതെ ഇരുന്നാല്‍ തന്നെ ആ വകയില്‍ കോടിക്കണക്കിനു രൂപ ലാഭം ഉണ്ടാകും .അതിനിടയില്‍ ഒന്നോ രണ്ടോ വാഹനങ്ങള്‍ കല്ലെറിഞ്ഞോ തീവെച്ചോ നശിപ്പിച്ചാലും ഒന്നും തന്നെ സംഭവിക്കില്ല . കേരളത്തിലെ പബ്ലിക്‌ ബസ്‌ സര്‍വീസ് ഒരു ദിവസം ഓടാതിരുന്നാല്‍ തന്നെ ആ വകയില്‍ കോടികള്‍ ഖജനാവില്‍ എത്തിച്ചേരും .

ജീവിതം തികച്ചും ആനന്ദിക്കുവാന്‍ വേണ്ടിയാണ് എന്ന സിദ്ധാന്തത്തില്‍ അടിയുറച്ചു വിശ്വസിക്കുന്നവരാണ് അമേരിക്കന്‍ ജനത .അമേരിക്കന്‍ സംസ്കാരം പകര്‍ത്തുന്ന കേരളത്തിലും ആഘോഷിക്കുവാന്‍ വേണ്ടി ഒന്നോ രണ്ടോ ദിവസങ്ങള്‍ മാസത്തില്‍ അധികം കിട്ടി എന്ന് കരുതി സര്‍ക്കാരിനു യാതൊരു നഷ്ടവും സംഭവിക്കുവാന്‍ പോകുന്നില്ല .ഇനി ഒരു വശത്ത്‌ കൂടി നഷ്ടം സംഭവിച്ചാലും മറു ഭാഗത്ത് കൂടി സര്‍ക്കാരിലേക്ക് എത്തി ചേരുന്ന പണത്തിന്റെ അളവ് നോക്കിയാല്‍ ഈ നഷ്ടം എത്രയോ ചെറുതാണ് എന്ന് മനസിലാകും . ഹര്‍ത്താലിന്റെ തലേ ദിവസം വിദേശ മദ്യ ഷാപ്പില്‍ എത്തിച്ചേരുന്ന രൂപയുടെ കണക്ക് ഓണത്തിനോ മറ്റ് പെരുന്നാള്കള്‍ക്കോ കിട്ടുന്ന തുകയുടെ അടുത്തുണ്ടാകും എന്നതില്‍ തര്‍ക്കമില്ല .മറ്റൊന്ന് ഹര്‍ത്താല്‍ ദിനത്തില്‍ സര്‍ക്കാര്‍ ജീവനക്കാര്‍ക്കും മറ്റുള്ള തൊഴിലാളികള്‍ക്കും കൊടുക്കേണ്ട ശമ്പള തുകയുടെ കണക്ക് തന്നെ നോക്കുക . എത്രയോ വലുതാണ്‌ . ഇവര്‍ രാവിലെ മുതല്‍ വൈകുന്നേരം വരെ ഓഫീസില്‍ കുത്തി ഇരുന്നാലും മല മറിക്കുവാന്‍ പോകുന്നില്ലല്ലോ . ഇങ്ങനെയൊക്കെ ചിന്തിക്കുമ്പോള്‍ ബന്ദുകളും ഹര്‍ത്താലുകളും നാടിന്റെ നന്മക്ക് വേണ്ടിയാണ് എന്നത് സുവ്യക്തം .

ഇനി ഇപ്പോള്‍ നടക്കാന്‍ പോകുന്ന ഭാരത്‌ ബന്ദ് എന്തിന് വേണ്ടി എന്ന് നോക്കാം . ഭാരതത്തില്‍ എണ്ണയുടെയും പിണ്ണാക്കിന്റെയും വില കൂടാന്‍ പോകുന്നു എന്നതാണല്ലോ കേസ് . കഴിഞ്ഞ നാലഞ്ചു മാസമായി ബി.പി യുടെ പൈപ്പ് ലൈന്‍ അമേരിക്കയില്‍ ലീക്കാകാന്‍ തുടങ്ങിയിട്ട് . എണ്ണ മുഴുവന്‍ കടലില്‍ പോകുകയാണ് .ബി.പി യും അമേരിക്കയും ആവതു ശ്രമിച്ചിട്ടും ലീക്ക് തടയാന്‍ കഴിയുന്നില്ല .
ഈ വകയില്‍ ബി പി ക്കുണ്ടാകുന്ന നഷ്ടം കോടിക്കണക്കിനു ഡോളറാണ് . ഈ തുക എണ്ണയുടെ വില കൂട്ടണ്ടാ എന്ന് പറയുന്നവരുടെ കുടുംബത്ത് നിന്നും കൊണ്ടുക്കൊടുക്കുമോ ? ഇങ്ങനെയൊക്കെയേ അവരുടെ നഷ്ടങ്ങള്‍ നികത്താന്‍ കഴിയൂ . നിങ്ങളില്ലാതെ നമുക്കെന്താഘോഷം .അപ്പോള്‍ ഭാരത സര്‍ക്കാരിനും ഭാരതം മുഴുവന്‍ ഒരു ദിവസം ബന്ദ് നടത്തിയാലും ഒന്നും സംഭവിക്കില്ല . പിടിച്ചതിനേക്കാള്‍ വലുതാണ്‌ അളയില്‍ ഇരിക്കുന്നത് എന്ന് ഇപ്പോള്‍ മനസിലായല്ലോ .

ജീവിതം ആനന്ദിക്കുവാന് വേണ്ടിയുള്ളതാണെന്ന് ഞാന്‍ പറഞ്ഞുവല്ലോ , നമ്മള്‍ ഇപ്പോള്‍ കടക്കുവാന്‍ പോകുന്നത് ശ്രീമതിയുടെ അമേരിക്കന്‍ സന്ദര്‍ശനത്തിന്റെ കാര്യത്തിലെക്കാന് . ഇനിയും ഏറി വന്നാല്‍ ഒന്നര വര്‍ഷം കൂടി മാത്രമേ മന്ത്രിക്കസേരയില്‍ ശ്രീമതി കാണൂ എന്നത് നമുക്കെല്ലാവര്‍ക്കും അറിയാം . അടുത്ത ടേണ്‍ വരുവാന്‍ വേണ്ടി ഇനിം അടുത്ത അഞ്ച് കൊല്ലം കാത്തിരിക്കണം .അതിനിടയില്‍ എന്താ സംഭവിക്കുക എന്ന് ഒരു നിശ്ചയവും ഇല്ല . മനുഷേന്മാരുടെ കാര്യമാണ് .അതിനിടയില്‍ കേരളത്തില്‍ പനി വന്നെന്നോ ഇല്ലെന്നോ ഒക്കെ നോക്കി ഇരിക്കാന്‍ കഴിയുമോ ? കാല കാലങ്ങളായി കേരളത്തില്‍ പനി ഒരു നിത്യ സംഭവം ആയത് കൊണ്ട്‌ അതിന് വലിയ പ്രാധാന്യം കൊടുക്കുകയും വേണ്ടാ . എന്നാല്‍ അതിനേക്കാള്‍ വലുതാണ്‌ വരാന്‍ പോകുന്നത് .അമേരിക്കയില്‍ കാന്‍സര്‍ രോഗം കേരളത്തില്‍ കാണുന്നതിനേക്കാള്‍ കൂടുതലാണ് .പത്ത് പേരില്‍ ഒരാള്‍ക്കെങ്കിലും ഇവിടെ കാന്‍സര്‍ ഉണ്ട് .ഉണ്ടാകാന്‍ ഉള്ള സാധ്യതകള്‍ ഉണ്ട് .അമേരിക്കയിലെ ശാസ്ത്രഞ്ജന്മാര്‍ ഇതിന്റെ പ്രതിവിധികള്‍ തേടിക്കൊണ്ടേ
ഇരിക്കുകയാണ് .അതിനിടയിലാകാം ഒരു പുതിയ മരുന്ന് കണ്ടു പിടിച്ചത് . മൃഗ സ്നേഹികളുടെ പ്രശങ്ങള്‍ കാരണം ഇപ്പോള്‍ അവയിലൊന്നും ഇത്തരം മരുന്നുകള്‍ പ്രയോഗിക്കുക പണ്ടത്തെ പോലെ സാധ്യമാകില്ല . അപ്പോള്‍ പിന്നെ എവിടെയാകും കൂടുതല്‍ സുരക്ഷിതം . ബാക്കി എല്ലാം ചിന്തനീയം ഊഹനീയം.അതിനിടയില്‍ ഒന്നോ രണ്ടോ ഉത്ഘാടനമോ അല്ലെങ്കില്‍ സമ്മേളനത്തില്‍ പങ്കെടുത്തു എന്നോ ഒന്നും വലിയ കാര്യമല്ല . അതെല്ലാം നിസാര കാര്യങ്ങള്‍ . എന്തായാലും വരാന്‍ ഉള്ളതൊന്നും വഴിയില്‍ തങ്ങില്ല .

എല്ലാവരും അവരവരുടെ ആരോഗ്യം നോക്കണം .അതോടൊപ്പം തന്നെ ഭാരത്‌ ബന്ദില്‍ ഒരു മനസോടെ പങ്കെടുത്തു വമ്പിച്ച വിജയം ആക്കി തീര്‍ക്കുകയും ചെയ്യണം .

ഹാപ്പി ബന്ദ്‌ ആന്‍ഡ്‌ ഹര്‍ത്താല്‍ .
അമേരിക്കയില്‍ നിന്നും ഭാരത്‌ ബന്ദിലേക്ക് എല്ലാ വിജയാശംസകളും നേരുന്നു .
വിപ്ലവാഭിവാദനങ്ങള്‍ . ജയഹോ

  ‍  
 
 

Thursday, June 24, 2010

കാക്ക വാ വാക്ക

വാക്ക വാക്ക ഓ കാക്ക കാക്ക
കാക്ക കാക്ക ഓ വാക്ക വാക്ക
വാക്കാ വാക്ക താളത്തിനൊത്ത്
താള ചുവടുകള്‍ വെയ്ക്കും കാക്ക ,
നീ മുത്താണ് .
ബാബിലോണിയന്‍ കഥയിലെ ദേവനാണ് നീ.
നീ ഒരിക്കലും മലബാറിലെ കാക്കയല്ല .
കറുകറുത്ത പരുക്കന്‍ കാക്കയുമല്ല .
കരുത്തനാണ് നീ.
മലബാറിലെ കാക്ക ,
ലോകകപ്പിന്റെ കളിക്കളത്തില്‍ ഇറങ്ങാന്‍
ഇനിയും നൂറ്റാണ്ടുകള്‍ കാത്തിരിക്കേണ്ടി വരും .കാക്ക
പത്താം നമ്പറിന്റെ ഭാഗ്യവുമായി ,
പീതാംബര കുപ്പായവും അണിഞ്ഞു നീ
കളിക്കളത്തില്‍  ഇറങ്ങുമ്പോള്‍ ,
ശ്രീനാരായണ സേനയാണോ എന്ന സംശയത്തില്‍
നാട്ടില്‍ നിന്നെ പൂജിക്കാറുണ്ട് എന്ന് കേട്ടു.
സത്യമാണോ ?
സൂക്ഷിക്കണം .
മെസ്സിയുടെ കയ്കൊണ്ട്‌ മെസ്സ് ആകാതെ നോക്കണം .
കഴിഞ്ഞ നിന്‍റെ ഉഴപ്പന്‍ കളി ഞാന്‍ കണ്ടു .
എതിരാളിയെ ഇടിച്ചിട്ട്‌,
ഞാനൊന്നും അറിഞ്ഞില്ലേ രാമനാരായണ
എന്ന് പറഞ്ഞ നിന്‍റെ ആ നില്‍പ്പുണ്ടല്ലോ ,
എനിക്കത് പെരുത്തിഷ്ടപെട്ടു .
ഒടുവില്‍ ചുവപ്പ് കാര്‍ഡില്‍ നീ
കൂളായി പുറത്ത് പോയതും കണ്ടു .
ഭയക്കരുത് .
ചുവപ്പന്മാര്‍ക്ക് പണ്ടേ നമ്മളെ ഇഷ്ടമല്ലല്ലോ!!
അടുത്ത കളി നീ കളിച്ചില്ലെങ്കിലും ,
മഞ്ഞപ്പട ജയിച്ചു കയറും
നീ അതോര്‍ത്ത് ഭയക്കരുത് .
ലോക കപ്പിന്റെ അവസാന ദിവസം ഞാന്‍ വീണ്ടും വരും .
കപ്പില്‍ മുത്തം വെയ്ക്കാന്‍ പോകുന്ന ,
പത്താം നമ്പര്കാരാ ,
നീ കാക്കയല്ല കാക്ക ,മുത്താണ് .

വാക്ക വാക്ക ഓ കാക്ക കാക്ക
കാക്ക കാക്ക ഓ വാക്ക വാക്ക



Monday, June 21, 2010

അടിവാരം അമ്മിണി

ഞാന്‍ ഒരിക്കലും ഈ കഥ ആരോടും പറഞ്ഞിട്ടില്ല എന്നാണ് എന്‍റെ ഓര്‍മ്മ . ഇനിയും പറയാതിരുന്നാല്‍ എന്നോടൊപ്പം ആ കഥയും മരിച്ചു പോകുമല്ലോ എന്ന വല്ലാത്ത ധര്‍മ്മ സങ്കടം തോന്നുന്നതുകൊണ്ടാണ് ഇപ്പോഴെങ്കിലും ഈ കഥ പറയണം എന്നിപ്പോള്‍ എനിക്ക് തോന്നുന്നത് .മലകള്‍ക്കും പുഴകള്‍ക്കും അപ്പുറത്തുള്ള ആ താഴ്വരയില്‍ ഞാനെന്തിനാണ് ആ വെളുപ്പാങ്കാലം നാലുമണിക്ക് ആരുമറിയാതെ പോയത് . ഒരിക്കലും പ്രതീക്ഷിക്കാത്ത നിലയില്‍ കണ്ട ആ പെണ്ണിനെ കുറിച്ച് എങ്ങനെയാണ് നിങ്ങളോട് പറയുക എന്നൊരു ഊഹവും കിട്ടുന്നില്ല . എന്നാലും പറയാതിരിക്കുവാനും കഴിയുന്നില്ല . എങ്ങനെയും ഈ കഥ പൂര്‍ത്തിയാക്കിയേ മതിയാവൂ .അല്ലെങ്കില്‍ എന്‍റെ ഹൃദയം പൊട്ടി ഞാന്‍ ചാകും .


ഓട്ടത്തിനോ ചാട്ടത്തിനോ ഞാന്‍ ഒരിക്കലും ഒന്നാമന്‍ ആയിരുന്നില്ല .എന്തിന് ഞാനൊരു സ്പോര്‍ട്സ്മാന്‍ പോലും ആയിരുന്നില്ല . പിന്നെയും ഒരു ബുദ്ധനെപ്പോലെ മുട്ടിനിടയില്‍ മുട്ടി നിന്ന ചില ചിന്തകള്‍ പൊട്ടിക്കുന്നതിന് വേണ്ടി എന്തിന് വേണ്ടിയാണ് ഞാന്‍ വീട് വിട്ട് ഓടിപ്പോയത് ? മനുഷ്യന്‍ വയറില്‍ നിന്നും ജനിക്കുന്നു എന്നും വയറിന് വേണ്ടി മാത്രം ജീവിക്കുകയും മരിക്കുകയും ചെയ്യുന്നു എന്ന് തിരിച്ചറിഞ്ഞ നിമിക്ഷമായിരുന്നല്ലോ ഞാന്‍ വീട്ടില്‍ നിന്നും ദൂരേക്ക് ഓടിപ്പോയത് .ഓടി ഓടി ഞാന്‍ എവിടെയാണ് എത്തിച്ചേര്‍ന്നത് ? ഇപ്പോള്‍ ഏകദേശം ഓര്‍ക്കുന്നത് പോലെ .

അതി ഭയങ്കരമായി മഴ പെയ്യുകയാണ് . ഇത്ര ഭയങ്കരമായ മഴ എന്‍റെ ജീവിതത്തില്‍ ആദ്യമായിട്ടാണ് കാണുന്നത് .ഞാനിപ്പോള്‍ നില്‍ക്കുന്നത് ഏതോ താഴ്വരയിലാണ് . താഴ്വരയിലെ പുല്‍മേടുകള്‍ ആകെ മഴവെള്ളം കൊണ്ട്‌ നിറഞ്ഞു കിടക്കുന്നു . ചെറുതായി വെള്ളം താഴേക്ക് ഒഴുകി ഇറങ്ങാന്‍ തുടങ്ങുകയാണ് എന്ന് തോന്നുന്നു . ഞാനും മഴയും താഴ്വരയും അല്ലാതെ ആ പ്രദേശത്ത്‌ ആരെയും കാണുന്നില്ല . ആരെയെങ്കിലും ഒന്ന് കണ്ടിരുന്നെങ്കില്‍ ഈ സ്ഥലം ഏതാണ് എന്നെങ്കിലും ചോദിക്കാമായിരുന്നു . മഴ ഒന്ന് തോര്‍ന്നു കിട്ടാന്‍ വേണ്ടി അടുത്തുള്ള ഒരു സത്രത്തിന്റെ ഇറയത്തു കയറി നിന്നു. കഷ്ടിച്ച് തല മാത്രം നനയാതെ ഇരിക്കുന്നു എന്നതില്‍ കവിഞ്ഞ് വലിയ പ്രയോജനം ഒന്നും തന്നെ കിട്ടിയില്ല . സത്രത്തിന്റെ കാവല്‍ക്കാരന്‍ അകത്തെവിടെയോ കാണണം .അയാളെയും കാണുന്നില്ല . അല്ലെങ്കില്‍ അങ്ങനെ ഒരു കാവല്‍ക്കാരന്‍ ഈ സത്രത്തില്‍ ഉണ്ടാകുമോ ? കാഴ്ചയില്‍ ആരോരുമില്ലാതെ ഉപേക്ഷിക്കപ്പെട്ട രീതിയിലാണ് അതിന്റെ നില്പ് . എന്തായാലും കുറേക്കൂടി കാത്ത്‌ നോക്കാം .ഉള്ളിലെ ചിന്തയുടെ ചൂടും പുറത്തെ മഴയുടെ തണുപ്പും എന്നേ കൂടുതല്‍ ഭ്രാന്ത ചിത്തനാക്കുന്നു .കുറെ നേരം കൂടി ആരെയും കാണാതെ ആ നില്പ് ഞാന്‍ നിന്നിരുന്നെകില്‍ ഞാന്‍ തീര്‍ച്ചയായും ഒരു ഭ്രാന്തനായി മാറി തീരുമായിരുന്നു .

പെട്ടന്നാണ് എങ്ങുനിന്നാണ് എന്നറിയാതെ നീണ്ട മുടിയിഴകളുടെ സുഗന്ധം ഒരു മഞ്ഞ് തുള്ളിപോലെ എനിക്കനുഭവപ്പെട്ടു തുടങ്ങിയത് .പുത്തന്‍ മഞ്ഞ് തുള്ളിയുടെ ,പാലപ്പൂവിന്റെ , പുല്‍ക്കൊടിയുടെ , വേറെയും എന്തെല്ലാമോ സുഗന്ധങ്ങളുടെ സമ്മിശ്രങ്ങള് എന്‍റെ നാസാഗ്രങ്ങളെ വീര്‍പ്പു മുട്ടിക്കുന്നത്‌ പോലെ . ഭയത്തോടെയാണ് ഞാന്‍ ചുറ്റും നോക്കിയത് . ചുറ്റും നോക്കിയിട്ടും ആരെയും കാണുന്നില്ല . എനിക്ക് വല്ലാത്ത പരിഭ്രാന്തി തോന്നി തുടങ്ങിയിരിക്കുന്നു .ഇനി വല്ല .. വേണ്ട അശുഭ ചിന്തകള്‍ അസമയത്ത് നന്നല്ല . മനസിനെ പറഞ്ഞു മനസിലാക്കുവാന്‍ ഒരു വൃഥാ ശ്രമം കൂടി നടത്തി നോക്കി . ഒരു പക്ഷേ ഭ്രാന്ത ചിത്തന്റെ വെറും തോന്നലുകള്‍ മാത്രവുമാകാം . എങ്കിലും ഈ മണം ?

ഒന്ന് കൂടി ചുറ്റുപാടുകളും ശ്രദ്ധിച്ചു .ദൂരെനിന്നും കാറ്റില്‍ ഏതോ വസ്ത്രാഞ്ചലം അനങ്ങുന്നത് പോലെ .ഹേ അതൊക്കെ എന്‍റെ തോന്നലുകള്‍ ആകാം . വീണ്ടും വീണ്ടും അവിടെ എന്തോ അനങ്ങുന്നത് പോലെ !! ഇരുളില്‍ ഒന്നും വ്യക്തമല്ല . ആ രൂപം അടുത്തടുത്ത് വരുന്നു . ഒരു സ്ത്രീ രൂപമാണ് എന്ന് മനസിലായി . കാല്‍ചിലങ്കകളുടെ താളം . അവള്‍ നൃത്തം ചവുട്ടിയാണോ അടുത്തേക്ക്‌ വരുന്നത് .പെട്ടന്നാണ് ഒരു നിശാനര്‍ത്തകിയെ പോലെ നൃത്തത്തിന്റെ താള ചുവടുകളോട് കൂടി ഒരു പെണ്ണ് എന്‍റെ മുന്നില്‍ വന്ന് നിന്നത് . ഇവള്‍ തികച്ചും സുന്ദരി തന്നെ . ഇത്രയേറെ സൌന്ദര്യമുള്ള ഒരു സ്ത്രീയെ അടുത്ത സമയത്തൊന്നും ഞാന്‍ എവിടെയും കണ്ടിട്ടില്ല .സ്വര്‍ഗത്തില്‍ നിന്നും ഇറങ്ങി വന്ന അപ്സര കന്യകയെ പോലെ എത്ര തേജസാണ് ഈ പെണ്ണിന്റെ മുഖത്ത് . മലകള്‍ക്കിടയില്‍ നിന്നും പ്രഭാത സൂര്യന്‍ ഉദിച്ചു വരുന്നത് പോലെ !!.

ഞാന്‍ ഇവളുടെ മുന്നില്‍ തികച്ചും ഒരു പഴഞ്ചനായി മാറുന്നത് പോലെ എനിക്ക് തോന്നി തുടങ്ങി .
അപ്പോഴാണ്‌ ഞാന്‍ എന്നേ തന്നെ ശ്രദ്ധിക്കുവാന്‍ തുടങ്ങിയത് .വളരെ പഴകിയ വസ്ത്രങ്ങളാണ് ഞാന്‍ ധരിച്ചിരിക്കുന്നത്‌ .എത്ര പ്രാകൃതനായ ഒരു മനുഷ്യ രൂപമാണ് എന്റേത് .ഇവള്‍ സത്രത്തില്‍ മറ്റാരെയോ തേടി വന്നതാകും . അതൊരിക്കലും ഞാനാകരുതേ എന്ന് മനസാ ആശിച്ചു പോയ നിമിക്ഷങ്ങളായിരുന്നു അത് .പക്ഷേ താഴ്വരയില്‍ ഈ സമയം ഞാന്‍ മാത്രമേ ഉള്ളല്ലോ എന്ന് ഓര്‍ത്തതും അതേ നിമിക്ഷത്തില്‍ തന്നെയായിരുന്നു .അവളെ തന്നെ ഞാന്‍ ശ്രദ്ധിച്ചു നിന്നതുകൊണ്ടാകണം , അവള്‍ എന്‍റെ അടുക്കല്‍ വന്ന് എന്നേ തന്നെ സൂക്ഷിച്ചു നോക്കി നില്‍ക്കുന്നത് .അപരിചതമായ സ്ഥലത്ത് , ആരോരുമില്ലാത്ത നേരത്ത് , ഒരു പുരുഷന്റെ മുന്നില്‍ ഒരു സ്ത്രീ വന്ന് നിന്നാല്‍ ഉണ്ടാകാവുന്ന അതേ പരിഭ്രാന്തിയോടെ ഞാന്‍ പറഞ്ഞു .

” ഇല്ല ഇല്ല ഞാന്‍ മറ്റ് ചില കാഴ്ചകള്‍ കാണുന്നതിന് വേണ്ടിയാണ് ഇവിടെ നില്‍ക്കുന്നത് ” . എന്താണ് പറയുന്നത് , എന്താണ് പറയേണ്ടത് എന്ന് പോലും ശരിക്ക് മനസിലാകുന്നില്ല . വല്ലാത്ത ഒരു വെപ്രാളം , ദാഹം . അല്പം വെള്ളമെങ്കിലും കിട്ടിയിരുന്നെകില്‍ എന്ന് വല്ലാതെ ആശിച്ചു പോയി .

“എത്ര നേരം കൂടി ഞാനിവിടെ കാത്ത്‌ നില്‍ക്കണം “ . “അപ്പോള്‍ ഞാന്‍ ഇത്രയും ദൂരം ഓടി വന്നത് എന്തിന് വേണ്ടിയായിരുന്നു” ?

അവളുടെ ചോദ്യങ്ങള്‍ എന്നേ വല്ലാതെ വീണ്ടും അമ്പരപ്പിച്ചു .

മഴത്തുള്ളികള്‍ അവളുടെ ദേഹത്ത് ചാലുകള്‍ തീര്‍ത്ത്‌ താഴേക്ക് പതിക്കുന്നത് വല്ലാത്ത ഒരു വശ്യതയാണ് എന്നില്‍ നിറച്ചത് .

അപ്പോള്‍ നീ എന്നേ കാണുവാന്‍ വേണ്ടിയാണോ ഓടി വന്നത് ? സോറി ,ഞാന്‍ പലതും ഓര്‍ത്ത്‌ പോയി . ആട്ടെ എന്താണ് പേര് ? ഞാന്‍ ചോദിച്ചു .

അമ്മിണി . നാട്ടുകാര്‍ എന്നേ അടിവാരം അമ്മിണി എന്ന് വിളിക്കും .

നല്ല പേര് .. ഞാന്‍ പറഞ്ഞു .

പിന്നീടുള്ള അവളുടെ പ്രവര്‍ത്തനങ്ങള്‍ വളരെ വേഗത്തില്‍ ആയിരുന്നു .അവളുടെ തണുത്ത് നനുത്ത കൈകള്‍ കൊണ്ട്‌ എന്നേ വല്ലാതെ വരിഞ്ഞു മുറുക്കി എന്‍റെ ചുണ്ടുകളില്‍ അമര്‍ത്തി ചുംബിച്ചു .കൊച്ചു കുട്ടികള്‍ മാങ്ങയും ചക്കയും വായിലിട്ടു ഉറുമ്പി കുടിക്കുന്നത് പോലെ എന്‍റെ ചുണ്ടുകള്‍ അവളുടെ വായില്‍ . അതേ താളത്തില്‍ അതേ വേഗത്തില്‍ .

അവളുടെ ചുണ്ടുകള്‍ക്ക് പഴുത്ത കൂഴച്ചക്കയുടെ രുചിയായിരുന്നു . ഇത്ര രാവിലെ ഇവള്‍ എവിടെ നിന്നാണോ കുഴച്ചക്ക കഴിച്ചത് ? അവളുടെ മുടിയിഴകള്‍ക്ക്‌ രാമച്ചത്തിന്റെ കുളിരും കസ്തൂരി മഞ്ഞളിന്റെ കാന്തിയും ഒത്തിണങ്ങിയ രാധാസ് ആയുര്‍വേദ സോപ്പിന്റെ മണമായിരുന്നു . അതെന്റെ സിരകളില്‍ മത്തു പിടിപ്പിച്ചു.

ഞാന്‍ കാത്തിരിക്കും .. അവള്‍ പെട്ടന്നെന്നെ വിട്ട് മാറി താഴ്വരയിലേക്ക് ഓടിയിറങ്ങി .ഒരു ഭ്രാന്തനെ പോലെ ഞാന്‍ പുറകെയും .പിന്നീട് എപ്പോഴാണ് ഞാന്‍ കണ്ണ് തുറക്കുന്നത് ? എവിടെയാണ് ഞാന്‍ നില്‍ക്കുന്നത് ? സമയം എത്രയാണ് കടന്ന് പോയത് ? ഒരു രൂപവും ഇല്ല .ഞാന്‍ ചോദിക്കാതെ തന്നെ എനിക്ക് വേണ്ട വരങ്ങള്‍ എല്ലാം തന്ന താഴ്വരയിലെ ദേവത യാണോ ഇത് . തികച്ചും ആശ്ചര്യം ആയിരിക്കുന്നു . കിടക്കുന്നിടത്ത് നിന്നും എഴുന്നേറ്റപ്പോഴാണ് എന്‍റെ ശരീരത്തില്‍ എന്തോ മാറ്റങ്ങള്‍ വന്നത് പോലെ തോന്നുന്നത് . ശരീരത്തിന് അവിടവിടെയായി വല്ലാത്ത വേദനയും വലിച്ചിലും. ഇത്രയും നാള്‍ ഞാന്‍ സൂക്ഷിച്ചു കൊണ്ട്‌ നടന്ന എന്തോ എന്നേ കൈവിട്ടത് പോലെ ഒരു തോന്നല്‍ .. എന്‍റെ പരിശുദ്ധി ..ചാരിത്ര്യം .. അമ്മിണിയെയും കാണാന്‍ ഇല്ല .അവള്‍ നേരത്തേ സ്ഥലം വിട്ടുവോ ? ദൈവമേ ഞാന്‍ എവിടെയാണ് ഇപ്പോള്‍ .

പുറത്ത് അപ്പോഴും വളരെ ശക്തിയായി മഴ പെയ്യുന്നു . താഴ്വരയില്‍ നിന്നും നല്ലരീതിയില്‍ ഒഴുക്ക് ആരംഭിച്ചു . എന്തിന് വേണ്ടിയാണ് ഞാന്‍ ഓടി ഇവിടം വരെയെത്തിയത് എന്നറിയില്ല . തന്റെ ലക്‌ഷ്യം എന്തായിരുന്നു ? ഒന്നുമറിയില്ല . യുദ്ധത്തില്‍ പരാജയപ്പെട്ട തടവുകാരനെ പോലെ തലതാഴ്ത്തി ഞാന്‍ പുറത്തെ മഴയിലേക്ക്‌ ഇറങ്ങി നടന്നു .

Friday, May 21, 2010

എഴുതാണ്ട് വയ്യ !!

കുറെ ദിവസം ആശ്രമത്തിന് അവധി കൊടുത്ത് സില്‍വര്‍ ബാസ് ‍ പിടിക്കാന്‍ പോകാം എന്ന് കരുതിയാല്‍ സമ്മതിക്കില്ല . അപ്പോള്‍ പണ്ടാരം അടങ്ങാന്‍ വേണ്ടി എന്തെങ്കിലും സംഭവം ഉണ്ടാകും .അപ്പോ മിണ്ടാതിരിക്കാന്‍ പറ്റുമോ ? മിണ്ടിയില്ലെങ്കില്‍ ഞാന്‍ ആരായി ? മിണ്ടിയാല്‍ ആരായി ? . കാര്യം ഇന്നലെ തന്നെ ബ്ലോഗ്‌ എഴുതാതിരുന്നപ്പോള്‍ എനിക്കെന്താ ലാഭം എന്നറിയാമോ ? ലാഭം നോക്കിയാല്‍ ഈ ബ്ലോഗ്‌ എഴുത്തു പണിക്ക് ആരും ഇറങ്ങില്ല . ചെറിയ ഉദാഹരണം പറയാം . ഇന്നലെ ഒരു മണിക്കൂര്‍ ബ്ലോഗില്‍ ഇരിക്കേണ്ട സമയത്ത് ഞാന്‍ ബാസിനെ പിടിക്കാന്‍ പോയി !.പെടപെടപ്പന്‍ പതിനഞ്ചു സില്‍വര്‍ ബാസ് .അതും ഒന്ന്, ഒന്നര പൌണ്ട് വീതമുള്ളത് .അതെന്നേ ,പച്ച മലയാളത്തില്‍ ചൂണ്ടയിടാന്‍ പോയീന്ന്. പൌണ്ടിന് 4.49 ഡോളര്‍ വിലയുള്ളതാണ് സില്‍വര്‍ ബാസ് .അപ്പോള്‍ എനിക്കെത്രയാണ് ലാഭം ! അതിനെപ്പിടിക്കാന്‍ പോകേണ്ട സമയത്ത് എന്ത് കോപ്പിനെ പിടിക്കാനാണ് ഞാനീ ബ്ലോഗില്‍ എഴുതുന്നത്‌ എന്നാണ് ഞാന്‍ ആലോചിക്കുന്നത് .ബ്ലോഗ്‌ മൂലം എനിക്ക് എത്ര ഡോളറുകളാണ് നഷ്ടം !!. എന്നാലും ചില കാര്യങ്ങള്‍ കാണുകയും കേള്‍ക്കുകയും ചെയ്യുമ്പോള്‍ എഴുതാതിരിക്കാന്‍ പറ്റണില്ല .

ഇന്ന് ചിത്രകാരന്റെ പോസ്റ്റ്‌ വായിച്ചില്ലേ ? ഛേ അതല്ലേ മൈര് വായിക്കേണ്ടത് !!. മാന്യന്മാരുടെ ഭാഷയും മാന്യരല്ലാത്തവരുടെ ഭാഷയും തമ്മിലുള്ള വ്യത്യാസത്തെ കുറിച്ച് വളരെ വിശദമായി സംസാരിച്ചിരിക്കുന്നു . മാന്യേര്സിന്റെ തൊലി പൊളിഞ്ഞു പോയില്ലെങ്കില്‍ അത് വല്ല കാണ്ടാമൃഗത്തിന്റെ തൊലിയുമായിരിക്കും എന്നതില്‍ തര്‍ക്കം വേണ്ട . ഹോ എന്താ പൂശ് !!. മാന്യന്മാരുടെ തൊലി ഉരിച്ച്‌ ചിത്രകാരന്‍ വാള്‍ പോസ്റ്റ്‌ ഒട്ടിച്ചു കളിക്കുകയാണ് .എന്‍റെ തലയില്‍ ഒരു തൊപ്പി ഉണ്ടായിരുന്നെങ്കില്‍ അതൂരി ഞാന്‍ കൊടുത്തേനെ . ഇനീപ്പം എവിടിട്ട് ഊരാന്‍ ? എല്ലാം ഊരിയെടുത്തില്ലേ ? .

സത്യത്തില്‍ എന്താണ് അയാള്‍ അങ്ങനെ എഴുതിയത് എന്നറിയില്ല . അവരൊക്കെ മാന്യന്മാരുടെ ലിസ്റ്റില്‍ പെട്ട വ്യക്തികളാണ് . അച്ചായന്മാരുടെ പേര് വെടക്കാക്കാന്‍ വേണ്ടി ഏതോ തെണ്ടി , നായര് സ്ത്രീകളെ കുറിച്ച് എഴുതിയന്നോ , പോലീസ് കേസ് ആക്കിയന്നോ ,ഒക്കെ ആരൊക്കെയോ വിളിച്ച് കൂവുന്നത് കേട്ടിരുന്നു . ഞാനത്ര ശ്രദ്ദിക്കാന്‍ പോയില്ല . എനിക്കറിയാന്‍ വയ്യാത്ത കാര്യം , ഇങ്ങനെ തന്തക്ക് പിറക്കാഴിക മുഖം മൂടി അണിഞ്ഞു ചെയ്യാതെ , ആമ്പിള്ളാരെ പോലെ നേരിട്ട് എഴുത്. എന്തിനാണ് വല്ല അച്ചായാന്മാരുടെയും പേരില്‍ എഴുതുന്നത്‌ ?

അതെന്തു കോപ്പെങ്കിലും ആകട്ടും . എനിക്ക് നായരെ പെണ്‍കുട്ടികളെ ഇഷ്ടമാണ് . പഠിച്ച് കൊണ്ടിരുന്ന കാലത്ത് ഒരു നായര് കുട്ടിയെ സ്നേഹിച്ചിരുന്നു . അവളെക്കുറിച്ച് ( സിന്ധുവിനെ ) എത്ര കവിതകള്‍ എഴുതി .അവടെ തന്ത പോലീസാണ് എന്നറിഞ്ഞത് കൊണ്ട്‌ വിട്ട് കളഞ്ഞതാണ് .എനിക്കിടി കൊള്ളാന്‍ വയ്യ !!. ഇടി എന്നെഴുതി കാണിക്കുമ്പോള്‍ ഞാനോടും . നായര് പെണ്‍കുട്ടികള്‍ എന്നല്ല , എല്ലാ പെണ്‍കുട്ടികളെയും എനിക്കിഷ്ടമാണ് .

വെറുതെ ഞാന്‍ കാട് കയറി പോകുകയാണ് . പറഞ്ഞു വന്നത് അതൊന്നും അല്ലല്ലോ .നമ്മുടെ വിഷയം മാന്യന്മാരുടെ ഭാഷയും മാന്യരല്ലാത്തവരുടെ ഭാഷയും തമ്മിലുള്ള വ്യത്യാസങ്ങളാണ് . ചിത്രകാരന്‍ വളരെ നന്നായി ചെയ്തു . എനിക്കിഷ്ടപ്പെട്ടു.

കുറെ നാളുകള്‍ക്ക് മുന്‍പ് ചില തെണ്ടികള്‍ ‍ കാപ്പിലാന്‍ മാന്യനല്ല എന്ന് പ്രഖ്യാപിച്ചു കൊണ്ട്‌ സമരം നടത്തിയിരുന്നു .കാപ്പിലാന്റെ ഭാഷ കടുപ്പം ഏറിയതാണ് എന്നതായിരുന്നു കാരണം . മാന്യന്മാര്‍ നില്‍ക്കുന്നിടത്ത് നിര്‍ത്താന്‍ പറ്റിയ ആളല്ല കാപ്പിലാന്‍ എന്നും അതുകൊണ്ട് കാപ്പിലാനെ ബൂലോകത്തിന്റെ പൂ ...മുഖത്ത് നിന്നും തുടച്ചു നീക്കണം എന്നുമായിരുന്നു പ്രഖ്യാപിത ലക്ഷ്യങ്ങള്‍ . തുടച്ചു നീക്കാന്‍ വന്നവരെല്ലാം മണ്മറഞ്ഞു എന്നത് വേറെ കാര്യം . കാപ്പില്‍ ഇപ്പോഴും കാപ്പിലാനായി തന്നെ നില്‍പ്പുണ്ട് . അന്നത്തെ മാന്യന്മാരുടെ നിരയില്‍ ഈ ചിത്രകാരനും ഉണ്ടായിരുന്നു എന്നത് തികച്ചും അത്ഭുതം ഉളവാക്കുന്നു .

ഇന്നത്തെ ചിത്രകാരന്റെ പോസ്റ്റ്‌ കണ്ടപ്പോള്‍ അമ്മച്ചിയാണേ ഞാന്‍ ചിരിച്ചു പോയി കേട്ട !!. ബൂലോകത്തിന് തിരിച്ചറിവുകള്‍ കൈവന്നതില്‍ എനിക്ക് അളവറ്റ സന്തോഷമുണ്ട് . വൈകിപ്പോയ വിവേകം എന്നേ ഞാന്‍ ഇതിനെ വിശേഷിക്കുന്നുള്ളൂ .ബൂലോകത്ത് ഇനി ആരൊക്കെയാണ് മാന്യന്മാര്‍ അമാന്യര്‍ അസാമാന്യര്‍ എന്ന ചര്‍ച്ചക്ക് ഇത് തുടക്കം കുറിക്കട്ടെ !!. എനിക്ക് ബൂലോകത്ത് മേയുന്ന ഒറ്റയാനായി മാന്യനല്ലാത്ത കാപ്പിലാന്‍ ആയി ജീവിക്കാനാണ് താല്പര്യം .

Tuesday, May 18, 2010

ഒബാമ , ശേ ശേ മോശം !!!


കാര്യം ഞാന്‍ ഒബാമയുടെ ഫാന്‍ ആണെങ്കിലും ഇത് വളരെ മോശമായിപ്പോയി എന്ന് പറയാതിരിക്കാന്‍ തീരെ നിര്‍വ്വാഹമില്ല . അല്ലെങ്കിലും ഞാന്‍ അങ്ങനെയാണല്ലോ അപ്പനായായും ഒള്ള കാര്യം ഒള്ളത് പോലെ പറയും .എല്ലാ കാര്യത്തിനും കൂട്ട് നിന്നിട്ട് പ്രസിഡന്റ്‌ ആയപ്പോള്‍ കറിവേപ്പില പോലെ പാസ്റ്ററെ പുറത്ത് കളഞ്ഞത് വളരെ മോശമായി പോയി ഒബാമ , മോശമായിപ്പോയി .

അമേരിക്കന്‍ പ്രസിഡന്റ്‌ തിരഞ്ഞെടുപ്പ് നടക്കുന്ന സമയത്ത് , എന്തോ കശപിശ പറഞ്ഞ് പള്ളിയില്‍ നിന്നും മാറി പോയ ഓ - ബാമക്ക് നേരെ അതി ശക്തമായ ഭാക്ഷയില്‍ തിരിച്ചടിച്ചു കൊണ്ടാണ് പഴയ പാസ്ടര്‍ രംഗത്തെത്തിയത് .ഒബാമയുടെ ഭരണം ശരിയല്ലന്നോ , ഒബാമ പാസ്റ്ററെ ഒബാമയുടെ ബസില്‍ നിന്നും എടുത്ത് കളഞ്ഞന്നോ , എന്തരോ എന്തോ .. സംഗതി നല്ല രസമായി വരുന്നുണ്ട് .





ചട്ടീം കലോമാകുമ്പോള്‍ തട്ടീം മുട്ടീന്നുമൊക്കെ വരും , അതിനിങ്ങനെ രണ്ട് പേരും കൂടി ബഹളം വെച്ചാലോ !!.അതൊക്കെ ഞങ്ങടെ മലയാളം ബ്ലോഗര്‍മാരെ കണ്ടു പഠിക്ക് !.ഇതിലും എത്രയോ വലിയ കാര്യങ്ങള്‍ ഞങ്ങള്‍ കോമ്പ്ലിമെന്റ്സ് ആക്കിയിരിക്കുന്നു .. ശേ ശേ മോശം മോശം !

ഒബാമേ ,ഇനി ഞാന്‍ ഇങ്ങനെ പറഞ്ഞൂന്നു കരുതി ഗൂഗിളില്‍ നിന്നും ബ്ലോഗില്‍ നിന്നും പുറത്ത് കളയല്ലേ .

Saturday, May 15, 2010

ചാകര !!

ഡിട്രോയിറ്റില്‍ മഞ്ഞ് കാലം കഴിഞ്ഞാല്‍ പിന്നെ ഉത്സവ പ്രതീതിയാണ് . വെളുത്തതും കറുത്തതും തവിട്ടരും എല്ലാം പടങ്ങള്‍ പൊഴിച്ച് മാളങ്ങളില്‍ നിന്നും പുറത്ത് ചാടുന്ന സമയമാണ് ഈ കാലം . അതുകൊണ്ട് തന്നെ നിരത്തുകളിലും പാര്‍ക്കിലും ബീച്ചിലും എല്ലാം വളരെയധികം ബഹളങ്ങളും രസകരവുമായി തീര്‍ന്നിരിക്കുന്നു .നരച്ച മഞ്ഞ് കാലത്തിന് വിട പറഞ്ഞു കൊണ്ട്‌ എല്ലാവരും സന്തോഷിക്കുന്ന സമയമാണിപ്പോള്‍ .അത്തരം ചില ബഹളങ്ങളിലേക്കാണ് ആശ്രമത്തിന്റെ ക്യാമറ കണ്ണുകള്‍ ഇന്ന് തിരിയുന്നത് .

ചൂടുകാലം തുടങ്ങിയാല്‍ ആദ്യം തുടങ്ങുക ഗരാജ് സെയില്‍ , യാര്‍ഡ്‌ സെയില്‍ എന്നിവയാണ് .ചിലപ്പോള്‍ സിറ്റി മൊത്തമായോ അല്ലെങ്കില്‍ ഒരോ വ്യക്തികളോ വീടിന്റെ പറമ്പില്‍ തന്നെ ആ വീട്ടില്‍ ഉപയോഗിച്ചതും എന്നാല്‍ ആവശ്യം ഇല്ലാത്തതുമായ സാധനങ്ങള്‍ നിരത്തി വെച്ച്‌ കച്ചവടം നടത്തും . ഒരോ അമേരിക്കക്കാരനും ആവശ്യത്തിലും അധികം സാധനങ്ങള്‍ വാങ്ങിക്കൊട്ടുന്ന സ്വഭാവമുള്ളവരാണ് എന്ന് നമുക്കറിയാമല്ലോ ( പിന്നെ ,നമുക്കറിയാത്ത കാര്യങ്ങള്‍ ഈ സൂര്യന് താഴെ എന്താണുള്ളത് ? ) അങ്ങനെ ഒരു വീട്ടില്‍ ആവശ്യമില്ലാത്ത സാധനങ്ങള്‍ വലിച്ചെറിഞ്ഞു കളയാതെ , വളരെ ചുരുങ്ങിയ വിലക്ക് മറ്റൊരാള്‍ക്ക് കൊടുക്കുന്ന ഒരു ദിവസത്തെ കച്ചവടമാണ് യാര്‍ഡ്‌ സെയില്‍ അല്ലെങ്കില്‍ ഗരാജ് സെയില്‍ . ഇങ്ങനെ കച്ചവടം ചെയ്യുന്നതിനും സിറ്റിയില്‍ നിന്നും ലൈസന്‍സ് വാങ്ങേണ്ടതായിട്ടുണ്ട് . ഈ ഒരു കച്ചവട രീതി നമ്മുടെ കേരളത്തില്‍ നടത്താവുന്നതാണ് . നമുക്കാവശ്യമില്ലാത്ത സാധനങ്ങള്‍ വീട്ടില്‍ തന്നെ ബോര്‍ഡ്‌ വെച്ച്‌ ഒരു ദിവസം കച്ചവടം നടത്തി നോക്ക് . വിജയിച്ചാല്‍ അടുത്ത വീട്ടുകാരും അങ്ങനെ തന്നെ ചെയ്യും .അങ്ങനെ കേരളം മുഴുവന്‍ മുറ്റത്തെ കച്ചവടം നടത്തിയാല്‍ നന്നായിരിക്കും .

മറ്റൊന്നാണ് ചൂണ്ടയിടീല്‍ . രാത്രിയിലും പകലിലും നദിക്കരയില്‍ ആകെ മീന്‍ പിടുത്തക്കാരുടെ ബഹളമാണ് . എന്‍റെ ഇതുവരെ ഈ വഴിയില്‍ കുറെ പൈസ പോയി കിട്ടി .ചൂണ്ടയിടുന്നതിനും ലൈസെന്‍സ് ആവശ്യമാണ്‌ .12 മിനോ എന്ന ചെറിയ മീനിന് മൂന്നര ഡോളര്‍ വിലയാണ് . കനേഡിയന്‍ നൈറ്റ് ക്രോവ്ലര്‍ എന്ന നമ്മുടെ നാട്ടിലെ , നമ്മുടെ മണ്ണിലെ വിരക്ക് വില മൂന്ന് ഡോളര്‍ ! അങ്ങനെ എങ്ങനെ പോയാലും ഒരാള്‍ക്ക്‌ ചൂണ്ടയും ഇരയും ലൈസന്‍സും എല്ലാം ഉള്‍പ്പെടെ $ 500 ഒരു സീസണില്‍ പോയിക്കിട്ടും . കഷ്ടപ്പാടോര്‍ത്താല്‍ നഷ്ടമാണ് . എന്നാലും പെണ്ണുങ്ങളും ആണുങ്ങളും ഒരുമിച്ചിരുന്നു ചൂണ്ടയിടുകയും കൊച്ചുവര്‍ത്തമാനം പറയുവാനും കിട്ടുന്ന അവസരമെന്നോര്‍ത്ത് വൈകുന്നേരങ്ങളില്‍ ഞാനും വീടിന്റെ അടുത്തു തന്നെയുള്ള നദിക്കരയില്‍ പോകാറുണ്ട് .

ഇത്ര കഷ്ടപ്പെട്ട് കാശ് മുടക്കി ചൂണ്ടയിടാന്‍ പോയാലും വലിയ മീനുകള്‍ ചൂണ്ടയില്‍ കുടുങ്ങിയാല്‍ കയ്യില്‍ കിട്ടുമെന്ന് യാതൊരു ഉറപ്പുമില്ല .കാരണം നദിക്കു കുറുകെ കെട്ടിയ ഒരു പാലത്തില്‍ നിന്നാണ് താഴേക്ക് ചൂണ്ടയിടുന്നത് . മീനിന്റെ ഭാരം കൊണ്ട്‌ മിക്കവാറും താഴെ പോകുകയാണ് പതിവ് . എന്നിരുന്നാലും ചിലരുടെ കയ്യില്‍ കൈ വലകള്‍ ഉണ്ടെങ്കില്‍ താഴേക്ക് ഇട്ട് മീനിനെ കോരി എടുക്കാറുണ്ട് .മീനിനെ കയ്യില്‍ കിട്ടിയാല്‍ കൂടയിലോ കയറിലോ ആക്കി വെള്ളത്തിലേക്ക് തന്നെ തിരികെ ഇടും .നദിക്കരയിലെ നല്ല ശുദ്ധ വായൂ , കാണാന്‍ കൊള്ളാവുന്ന കുറെ പീസുകള്‍ ചുറ്റിലും , കുറെ നേരം നിന്നാല്‍ വറക്കാനും പൊരിക്കാനും കുറെ മീനുകള്‍ .
മാനസികോല്ലാസത്തിന് ഇനി എന്ത് വേണം !

ഈ നദിയിലെ എല്ലാ മീനുകളും കഴിക്കരുത് എന്നാണ് സിറ്റി അറിയിക്കുന്നത് കാരണം ചില മീനുകളില്‍ മെര്‍ക്കുറിയുടെ അംശം അടങ്ങിയിട്ടുണ്ടത്രേ .എന്നിരുന്നാലും മീന്‍ പിടുത്തത്തിനോ , മീന്‍ തീറ്റക്കാര്‍ക്കോ യാതൊരു കുറവുമില്ല . നദിക്കരയില്‍ നിന്ന് തിരിയുവാന്‍ സ്ഥലമില്ലാത്ത രീതിയില്‍ ചൂണ്ടക്കാരുടെ ബഹളമാണ് .ശരിക്കും ഒരു ചാകര പോലെ .

Thursday, May 13, 2010

ശേ - ഒന്നുമില്ലന്നേ !


ഇന്നെനിക്ക് നിങ്ങള്‍ക്ക് തരാന്‍ ഒന്നുമില്ലല്ലോ എന്ന സത്യം ഒരു കട്ടാര് മുള്ള് പോലെ എന്‍റെ ഹൃദയത്തെ കുത്തി മുറിവേല്ക്കുന്നുണ്ട്. ആ മുറിവില്‍ നിന്നും രക്തം ഒഴുകി ഈ ബ്ലോഗിടങ്ങളാകെ നനഞ്ഞ് കുതിര്‍ന്നു . ഞാന്‍ എന്താണ് നിങ്ങള്‍ക്ക് തരിക ? എന്‍റെ കയ്യില്‍ വെറും ഓട്ടക്കാലണയല്ലാതെ വേറെ ഒന്നും തന്നെയില്ല . ഒന്നും തരാതെ നിങ്ങളെ യാത്രയാക്കാനും കഴിയില്ലല്ലോ എന്ന ധര്‍മ്മ സങ്കടവും എനിക്കുണ്ട് . എന്നാലും ഒരു വഴിക്ക് പോകുകയല്ലേ എന്തെങ്കിലും തന്ന് വിടണമല്ലോ എന്ന് കരുതി ഒരു കാര്യം മാത്രം പറയാം .
വര്‍ഷങ്ങള്‍ക്ക്‌ മുന്‍പേ , ഞാന്‍ കായംകുളം എം എസ്. എം കോളേജില്‍ പഠിക്കുന്ന കാലത്ത് കായംകുളം ബസ്‌സ്ടാണ്ടിന്റെ പിറകിലായി വനം വകുപ്പിന്റെ ഒരു ബോര്‍ഡ്‌ കണ്ടിട്ടുണ്ട് . അതില്‍ ഒരു കരിങ്കുരങ്ങിന്റെ പടം കൊടുത്തിട്ട് അതിന്റെ അടിയിലായി ഇങ്ങനെ എഴുതിയിരുന്നതായി ഓര്‍ക്കുന്നു
" ഞങ്ങളെ ഉപദ്രവിക്കരുത് , ഞങ്ങളില്‍ ഔഷധ ഗുണങ്ങളില്ല " അത് പോലെ തന്നെയാണ് എനിക്ക് പറയുവാന്‍ ഉള്ളത് . എന്നെ ഉപദ്രവിക്കാതെ വിട്ടേക്കണം , എന്നില്‍ ഔഷധങ്ങള് ഇല്ല . തുരുമ്പ് പിടിച്ച മൂര്‍ച്ച പോയ ചില അക്ഷരങ്ങള്‍ കൂടി ബാക്കി നില്‍ക്കുന്നു എന്നല്ലാതെ എന്നില്‍ ഇനി ഒന്നും അവശേഷിക്കുന്നില്ല എന്നാണ് എന്‍റെ തോന്നല്‍ .‍ കാപ്പിലാന്‍ തുണി ഉരിഞ്ഞത് ബൂലോക ഷാപ്പില്‍ നാടകക്കാരന്‍ വില്പനയ്ക്ക് വെച്ചത് കൊണ്ടാണ് ഇത് പറയുന്നത് . ബൂലോകത്തെ ആദ്യ ഷാപ്പും , ആദ്യ ജനകീയ നാടകവും നടത്തിയിരുന്നു പണ്ട് . ഇനി തുണി ഉരിച്ചു കൂടി വില്‍ക്കാന്‍ കഴിയില്ല . ബാക്കി എനിക്കുണ്ടായിരുന്നതെല്ലാം ബൂലോകത്തിന് നല്‍കി കഴിഞ്ഞു . ഇനി ആകെ തുണി മാത്രമേ ബാക്കിയായിട്ടുള്ളൂ .
 
ഇന്ന് ഞാന്‍ തിലകനെ പോലെയാണ് .അമ്മയില്‍ നിന്നും പുറത്താക്കി , അഭിനയിക്കുവാന്‍ അവസരങ്ങള്‍ വരുമ്പോള്‍ അതില്‍ നിന്നും തട്ടി മാറ്റി കളയുന്നു , ഇനി തിലകന്‍ പറഞ്ഞത് പോലെ ബൂലോക സര്‍ക്കാര്‍ ഈ കാര്യത്തില്‍  ഇടപെടാതിരുന്നാല്‍ തെരുവ് നാടകം കളിച്ചു ബൂലോകം ആകെ നാറ്റിക്കും ( ഞാന്‍ ആരാ മ്വോന്‍ ) .അതെങ്ങനെ ? തീരുമാനങ്ങള്‍ എടുക്കുവാന്‍ ബൂലോക പ്രധാന മന്ത്രി ചാണക്യനെ കാണാതായിട്ട് നാളുകളായി .അതിനെപറ്റി ആരെങ്കിലും ഒരന്വഷണ കമ്മിഷന്‍ വെച്ചോ ? എല്ലാത്തിനും എന്‍റെ തല തന്നെ വെക്കണം എന്ന് പറഞ്ഞാല്‍ വലിയ കഷ്ടാണേ !.
 
പ്രശസ്ത സിനിമാ സംവിധായകന്‍ ലാല്‍ ജോസ് ബൂലോകം ഓണ്‍ ലൈന്‍ പത്രത്തില്‍ ഗിരീഷ്‌ പുത്തഞ്ചേരിയുടെ മറക്കാന്‍ കഴിയാത്ത ചില ഓര്‍മ്മകളുമായി വന്നു എന്നതാണ് ഏറ്റവും സന്തോഷം തരുന്നത് .ബൂലോകം ഓണ്‍ ലൈന്‍ കൊടുമുടികള്‍ കീഴടക്കുവാന്‍ ഉള്ള നാളുകള്‍ ഇനി വിരലില്‍ എണ്ണാവുന്നവ മാത്രം . ഇന്ത്യയില്‍ ആദ്യമായി അച്ചടിക്കുന്ന ബ്ലോഗ്‌ പത്രം , ലോകത്തിലെ മൂന്നാമത്തെ അച്ചടിക്കുന്ന ബ്ലോഗ്‌ പത്രം അങ്ങനെ ബഹുമതികള്‍ ഏറെ !!. പത്രം ആ നിലയില്‍ എത്തുവാന്‍ വാക്കുകള്‍ കൊണ്ടും മനസുകൊണ്ടും പ്രവര്‍ത്തിച്ച എല്ലാവരോടും നന്ദിയുണ്ട് . വാക്കുകള്‍ കൊണ്ട്‌ എതിര്‍ത്തിരുന്ന ആളുകള്‍ തന്നെ മനസുകൊണ്ട് സന്തോഷിക്കുന്ന ഒരു വേളയാണ് ഇത് .എന്നാല്‍ അവര്‍ എങ്ങനെ പുറത്ത് പറയും എന്ന് കരുതി എല്ലാം മനസ്സില്‍ അടക്കി വെച്ചിരിക്കുകയാണ് . ഇങ്ങനെയുള്ളവര്‍ സൂക്ഷിക്കുക ! എല്ലാം മനസ്സില്‍ കൂട്ടി വെച്ചാല്‍ ഹൃദ്രോഹം വരാന്‍ ചാന്‍സ് ഉണ്ട് .നിങ്ങളുടെ മനസുകളെ തുറക്കുക . എല്ലാവര്‍ക്കും ആശംസകള്‍ .




ലാല്‍ ജോസിന്റെ ബ്ലോഗും പോസ്റ്റും ഇവിടെ കാണാം .

Wednesday, May 12, 2010

ആകാശത്തെ ആപ്പിള്‍ മരം

1666 - ലെ വേനല്‍ക്കാലത്തിനു മുന്‍പും എത്രയോ ആപ്പിളുകളും , മണ്ഡരി ബാധിച്ചതും ബാധിക്കാത്തതുമായ തേങ്ങകളും ഓല മടലുകളും വവ്വാല് ചപ്പിയതും ചപ്പാത്തതുമായ മാങ്ങയും ചക്കയും താഴെ ഫൂമിയിലേക്ക് വീണിരിക്കുന്നു . എന്നിട്ടും ഗുരുത്വാകര്‍ഷണ ബലം കണ്ടു പിടിക്കുന്നതിനായി ഒരു ഐസക് ന്യൂട്ടണ്‍ തന്നെ വേണ്ടി വന്നു .ഇതിനെയാണ് ദൈവ നിയോഗം എന്ന് വിളിക്കുന്നത്‌ !. ഒരോ കാലത്തിലും ഓരോരുത്തര്‍ ഭൂമിയില്‍ ഒരോ കാര്യങ്ങള്‍ക്കായി ജന്മമെടുക്കും . അതിലൊരാളാണ് സര്‍ .ഐസക് ന്യൂട്ടണ്‍ . ശാസ്ത്ര വിശ്വാസികളും ദൈവ വിശ്വാസികളും ചില നേര്‍ രേഖകളില്‍ കണ്ടു മുട്ടുന്നതും ഇത്തരം സന്ദര്‍ഭങ്ങളിലാണ് .

ശാസ്ത്രവും മനുഷ്യരും എത്ര മേല്‍ വളര്‍ന്നു എന്ന് പറഞ്ഞാലും ഇന്നും പ്രകൃതിയുടെ വികൃതികള്‍ കണ്ടു കൊണ്ട്‌ നില്‍ക്കുന്ന ഒരു കൊച്ചു കുട്ടി തന്നെയാണ് മനുഷ്യര്‍ .പ്രകൃതിയോ നിയന്ത്രിക്കുന്നതിനോ , അടുത്ത സെക്കണ്ടില്‍ എന്ത് സംഭവിക്കുമെന്നോ മനുഷ്യനറിയില്ല എങ്കിലും വീര വാദങ്ങള്‍ക്ക് യാതൊരു കുറവുമില്ല .
ന്യൂട്ടണ്‍ന്റെ തലയില്‍ ആപ്പിള്‍ വീണിട്ട് ( തലയില്‍ വീണു എന്ന് മലബാറീസ് വെറുതെ പറയുന്നതാണ് .ആപ്പിള്‍ വീഴുന്നത് കാണുക മാത്രമേ ചെയ്തുള്ളൂ ) ഇപ്പോള്‍ 350 വര്‍ഷം . ഇപ്പോഴും ആ " വിശുദ്ധ " മരത്തില്‍ നിന്നും എല്ലാ വേനല്‍ക്കാലത്തും ഫൂമിയിലേക്ക് ആപ്പിളുകള്‍ വീഴ്ന്നുണ്ട് . ആ മരത്തിന്റെ ഒരു കഷണം ഗുരുത്വാകര്‍ഷണവും കടന്ന് ആകാശത്തേക്ക് പറക്കുവാന്‍ തയ്യാറായി നില്‍ക്കുകയാണ് ഇപ്പോള്‍ .10 cm നീളമുള്ള തടിക്കഷണത്തില്‍ ന്യൂട്ടണ്‍ ന്റെ പേര് കൊത്തിയിട്ടുണ്ട്‌ . ന്യൂട്ടണ്‍ പ്രസിഡന്റ് ആയിരുന്ന റോയല്‍ സൊസൈറ്റിയുടെ 350th വാര്ഷികത്തോടനുബന്ധിച്ചാണ് നാസ ഈ തടിക്കഷണം ശൂന്യാകാശത്ത് അയക്കുന്നത് . ശരീരമില്ലാത്ത ആത്മാക്കള്‍ വായുവില്‍ പൊങ്ങി കിടക്കുന്നത് പോലെ ആപ്പിള്‍ മരവും ശൂന്യാകാശത്ത് പൊങ്ങികിടക്കും . കൂടെ ന്യൂട്ടണ്‍ന്റെ ഒരു ഫോട്ടോയും .നാസയിലെ ശാസ്ത്രഞ്ഞ്ജനും ബ്രിട്ടീഷ്‌ ശൂന്യാകാശ സഞ്ചാരിയുമായ പിയേഴ്സ് സെല്ലെര്‍ എന്ന ആളാണ്‌ ഇത്തരം ഒരു ദൌത്യം ഏറ്റെടുത്തിരിക്കുന്നത് .

( എന്‍റെ വീടിന്റെ മുന്നിലുമുണ്ട്‌ രണ്ട് ആപ്പിള്‍ മരം . ഒരിക്കല്‍ പോലും ഒരു കാലക്കേടിനെങ്കിലും ഒരാപ്പിള്‍ പോലും എന്‍റെ തലയില്‍ ഒന്ന് വീണില്ലല്ലോ !!.

അല്ലെങ്കില്‍ ഞാനും ഇതുപോലെ എന്തെങ്കിലുമൊക്കെ കണ്ടു പിടിച്ചേനെ .. ഹോ !! )





Tuesday, May 11, 2010

കന്യകാത്വം - റിയാലിറ്റി ഷോ


ഇത് റിയാലിറ്റി ഷോകളുടെ കാലം . ഡീല്‍ ഓര്‍ നോ ഡീല്‍ , ഡാന്‍സിംഗ് വിത്ത്‌ സ്റ്റാര്‍സ് ,തുടങ്ങിയവയെല്ലാം കടല്‍ കടന്ന് കേരളക്കരയില്‍ പച്ചപിടിച്ചു പടര്‍ന്നു പന്തലിച്ചു കഴിഞ്ഞു . ഇനി പടരാനുള്ള ചില റിയാലിറ്റി ഷോകളുടെ വിത്തുകള്‍ അവിടെ ഇവിടെയായി പൊട്ടി മുളച്ചു വരുന്നുണ്ട് .അതിലൊന്നാണ് കന്യകാത്വം റിയാലിറ്റി ഷോ മറ്റുള്ളവയാണ് വിവാഹ മോചന റിയാലിറ്റി ഷോ , ആദ്യരാത്രി റിയാലിറ്റി , ടെറ്റിംഗ് ഷോകള്‍ മുതലായവ . നമ്മള്‍ മലയാളികള്‍ ഒത്തു പിടിച്ചാല്‍ ഇതൊക്കെയും നമ്മുടെ കൂടെ ഇങ്ങ് പോരും . എല്ലാവരും ഇതിന് വേണ്ടി ശ്രമിക്കണം .
ബാക്കിയുള്ള റിയാലിറ്റി ഷോകള്‍ക്ക് അത്ര എതിര്‍പ്പുകള്‍ ഇല്ലെങ്കിലും ,മെല്‍ബണിലെ ചലച്ചിത്ര പ്രവര്‍ത്തകന്‍ ജസ്റ്റിന്‍ സിസിലി ( ആ ഇരിക്കുന്ന ഇരിപ്പ് കണ്ടാ , പെറ്റ തള്ള സഹിക്കൂല ).തുടങ്ങി വെച്ച കന്യകാത്വ റിയാലിറ്റി ഷോക്ക് ഓസ്ട്രെലിയയില് ശക്തമായ എതിര്‍പ്പുകള്‍ നേരിടുകയാണ് .മിടുക്കി കൊച്ചുങ്ങള്‍ നേരത്തേ മൂന്നോ നാലോ തവണ നെറ്റില്‍ കൂടി കന്യകാത്വം ലേലം ചെയ്തു കൊടുത്തിരുന്നു . അന്നൊക്കെ ഇത്രയും എതിര്‍പ്പുകള്‍ നേരിട്ടിട്ടില്ല . വിവരവും വിദ്യാഭ്യാസവും ഇല്ലാത്ത മാതാപിതാക്കളാണ് ഇത്തരം എതിര്‍പ്പുകളുമായി മുന്നോട്ട് വന്നിരിക്കുന്നത് .മാത്രമല്ല കന്യക മേരിയുടെ ഫോട്ടോ വെച്ചാണ് ഇവര്‍ കന്യകകളെ തേടുന്നത് .



ഇതിപ്പ ആര്‍ക്കാണ് അറിയാന്‍ വയ്യാത്തത് , ചൈന ചര്‍മ്മം ഉണ്ടെങ്കില്‍ ഏത് എഴുന്നേറ്റ് നടക്കാന്‍ വയ്യാത്ത തള്ളയെയും കന്യകമാരാക്കി മാറ്റാമെന്ന് !. അതിനിപ്പം മഷിയിട്ടു നോക്കുകേം , വിരി വിരിക്കേം , ജ്യോത്സ്യം വെക്കുകയേം ഒന്നും വേണ്ട .
നമ്മുടെ നാട്ടില്‍ പെണ്ണുങ്ങള്‍ എന്നേ എങ്ങനേലും ഒന്ന് പീഡിപ്പിക്കൂ ചേട്ടാ എന്ന് പറഞ്ഞു നടക്കുമ്പോഴാണ് ഇവിടെ 20000 ഡോളര്‍ കൊടുക്കാം എങ്ങനെയെങ്കിലും ഒന്ന് വന്നാല്‍ മതി , എന്ന് കുത്തിയിരിപ്പും സത്യാഗ്രഹവും നടത്തുന്നത് . 20000 രൂപാന്നു പറഞ്ഞാല്‍ ഉപ്പാപ്പക്കളി ഒന്നുമല്ല , നാട്ടിലെ പത്ത് ലക്ഷം രൂഫാ !. എന്നിട്ടും ആകെ ഇതുവരെ മൂന്ന് പേര്‍ മാത്രമാണ് മുന്നോട്ട് വന്നത് .പെണ്ണുങ്ങള്‍ക്ക്‌ മാത്രമല്ല ഇവിടെ ചാന്‍സ് കന്യകാത്വം നഷ്ടപ്പെടാത്ത ആണ്‍കുട്ടികളെയും സിസിലിക്ക് വേണമത്രേ . ആണുങ്ങളുടെ കന്യകാത്വം എന്താന്ന് എനിക്കൊരു പുടീം കിട്ടണില്ല. എന്തരോ എന്തോ !.

എന്തായാലും ആസ്ട്രേലിയയില്‍ ഈ കളി നടക്കുമോന്ന് തോന്നുന്നില്ല . അതുകൊണ്ട് അവര്‍ അമേരിക്കയിലെ നെവഡയിലെ ഒരു വേശ്യാലയത്തില്‍ വെച്ചാണ് ഷൂട്ടിംഗ് നടത്തുവാന്‍ തീരുമാനിച്ചിരിക്കുന്നത് . താരങ്ങള്‍ക്ക് :) കൊടുക്കുന്ന തുകയുടെ 10 % വേശ്യാലയത്തില്‍ കൊടുക്കണം എന്ന നിബന്ധന കൂടി ഉണ്ട് .കന്യകാത്വം പരിശോധിക്കുന്ന കളിക്ക് ചേരുന്നവര്‍ , വേശ്യകളായി തീരണം എന്ന നിര്‍ബന്ധം ഒന്നുമില്ല . ഞാന്‍ ഇന്നലെ പറഞ്ഞത് പോലെ ആദ്യമൊക്കെ ഒരു പേടിയും വിഷമവും എല്ലാം തോന്നുമെങ്കിലും പതുക്കെ അതൊക്കെ ജീവിത ശൈലി ആയി തീരും .

കേരളത്തില്‍ വളര്‍ത്താന്‍ പറ്റിയ ഒരു റിയാലിറ്റി ഷോ ആയിട്ടാണ് എനിക്ക് തോന്നുന്നത് . എല്ലാവരും കൂടി ഉത്സാഹിച്ചാല്‍ ഒരു വമ്പന്‍ പരിപാടിയായി ഇത് മാറ്റാം . എന്നാലും എനിക്കൊരു ശംശയം , ഇവര്‍ ആസ്ട്രേലിയയില്‍ പോയി തല്ല് കൊള്ളാതെ അവര്‍ക്കെന്താണ്‌ കേരളത്തിലേക്ക് പോയാല്‍ ?

പേഡിക്കരുത് !!




പേടിയല്ല ( നോട്ട് ദാറ്റ്‌ പോയിന്റ്‌ ) ഭയമാണ് . ഈ പെണ്ണുങ്ങളെ കാണുന്നത് തന്നെ എനിക്ക് ഭയമാണ് . നോക്കില്‍ പീഡനം നാക്കില്‍ പീഡനം വാക്കില്‍ പീഡനം അങ്ങനെ ഒരു പീഡന മയ(ഴ)ക്കാലമാണ് ഇപ്പോള്‍ . കേരളത്തിലെ കാര്യം മാത്രമല്ല പറയുന്നത് . ഭൂലോകം ആകമാനം ഇപ്പോള്‍ പീഡന കാലമാണ് .എന്നാല്‍ പീഡിപ്പിക്കുന്നവര്‍ക്കും പീഡനം എല്ക്കുന്നവര്‍ക്കും ഒരു സന്തോഷ വാര്‍ത്തയുമായാണ് പത്രങ്ങളിലെ വാര്‍ത്തകള്‍ വരുന്നത് .പീ ഡി പി ക്കാര്‍ ക്ഷമിക്കുക . നിങ്ങളുടെ സമയം മോശമോ നല്ലതോ എന്ന് ജ്യോത്സ്യനെ കണ്ടു ചോദിക്കണം .

പീഡനം ഒഴിവാക്കുവാന്‍ ഇനി മുതല്‍ സ്ത്രീകള്‍ സ്കിന്‍ ടൈറ്റ് ജീന്‍സുകള്‍ ഉപയോഗിക്കുക . ഇതുവരെ സ്കിന്‍ ടൈറ്റ് ജീന്‍സ് ഒരു ശീലമാക്കിയില്ലെങ്കില്‍ ഇനി മുതല്‍ അത് ശീലമാക്കി തുടങ്ങുക . ഇത്തരം ജീന്‍സുകള്‍ ഉപയോഗിച്ചാല്‍ ഉഭയ സമ്മതം ഇല്ലാതെ നിങ്ങളെ പേടിപ്പിച്ചു പീഡിപ്പിച്ചു നിങ്ങളുടെ വിലപ്പെട്ട കനകഭാരങ്ങള്‍ ചോരന്മാര്‍ക്ക് കൊണ്ടുപോകാന്‍ കഴിയില്ല എന്നാണ് ആസ്ട്രേലിയന്‍ കോടതി പറഞ്ഞിരിക്കുന്നത് .ബാങ്ക് ലോക്കറിന് തുല്യമാണ് ഇത്തരം ജീന്‍സുകള്‍ . ആസ്ട്രേലിയക്കാര് പറയുന്നതിനും മുന്‍പേ കേരളീയര്‍ എത്രയോ വാട്ടി ശോന്ന കാര്യങ്ങളാണ് ഇപ്പോഴിത് .ഇത്തരം ഒരു സംഭവം കൊറിയയിലും ഉണ്ടായത്രേ .

ആസ്ട്രേലിയയില്‍ ഒരു പെങ്കൊച്ച് എന്നേ പീഡിപ്പിച്ചേ എന്ന് പറഞ്ഞു കൊണ്ട്‌ കോടതിയില്‍ സമീപിച്ചപ്പോഴാണ് മേല്പറഞ്ഞ തീരുമാനത്തില്‍ കോടതി എത്തിയത് . കഷ്ടകാലത്തിന് സംഭവ സമയത്ത് പെണ്‍കുട്ടി ഇട്ടത് സ്കിന്‍ ടൈറ്റ് ജീന്‍സ് .നമ്മുടെ കേരളത്തിലെപ്പോലെ തന്നെ അവിടെയും ഉണ്ട് പോലും ബലാത്സംഗ കേസുകള്‍ !!. എന്നാല്‍ പെണ്‍കുട്ടിയുടെ സമ്മതമില്ലാതെ സ്കിന്‍ ടൈറ്റ് ജീന്‍സ് കീറുവാനോ ഊരുവാനോ കഴിയില്ല എന്നതാണ് കോടതിയുടെ കണ്ടെത്തല്‍ . പെണ്‍ കുട്ടിയുടെ സമ്മതപ്രകാരം ലൈംഗീക ബന്ധത്തില്‍ ഏര്‍പ്പെട്ടു എന്ന് പ്രതിയും സമ്മതിച്ചു .
എന്തായാലും കേരളത്തിലെ പെണ്‍കുട്ടികള് സൂക്ഷിക്കുക . ഇനി പുറത്തൊക്കെ പോകുമ്പോള്‍ ടൈറ്റ് ജീന്‍സ് ഇട്ടു പോയാല്‍ മതി . വെറുതെ വേലിയില്‍ ഇരിക്കുന്ന പാമ്പിനെ എടുത്ത് എന്തിനാണ് ജീന്‍സിനകത്ത് വെയ്ക്കുന്നത് ? വിവരമില്ലാത്ത നാട്ടുകാര്‍ പലതും പറയും . ഡോണ്ട് കെയര്‍ . ‍

Monday, May 10, 2010

വേലി ചാടുന്ന അമ്മക്ക്

വേലി ചാടുന്ന അമ്മക്ക് മതില് ചാടുന്ന മകള്‍ എന്ന് ഞാന്‍ എഴുതുമ്പോള്‍ , ഹേ ബഡി സ്റ്റോപ്പ്‌ സ്റ്റോപ്പ്‌ ഇട്സ് ആന്‍ ഓള്‍ഡ്‌ ബനാന ടോക്ക് എന്ന് നിങ്ങള്‍ വിളിച്ച് കൂവുന്നത് എനിക്ക് കേള്‍ക്കാം .പഴയ കാര്യങ്ങള്‍ തന്നെയാണ് ഞാന്‍ പറയാന്‍ പോകുന്നത് .നമ്മള്‍ മലയാളികള്‍ കാത്ത്‌ കാത്തിരുന്ന ഒരമ്മ ദിവസം കൂടി നമ്മെ കടന്ന് പോയി . മോങ്ങാനിരുന്ന ബ്ലോഗറുടെ തലയില്‍ ഒരു പോസ്റ്റ്‌ വീണത്‌ പോലെ പലരും അമ്മ വേഷങ്ങള്‍ കെട്ടിയാടി .അമ്മയെ ഓര്‍ക്കാന്‍ ഒരു ദിവസം മതിയോ അതോ വര്‍ഷങ്ങള്‍ വേണോ എന്നൊക്കെ വളരെ ഗാഡമായി ചിന്തിച്ചു തലയില്‍ പിണ്ണാക്ക് കയറ്റി . കടം വാങ്ങിക്കൂട്ടിയ സംസ്കാരങ്ങളുടെ കാവലാളായി ഇളിഭ്യ ചിരിയോടു കൂടി മലയാളിക്കൂട്ടം നില്‍ക്കുമ്പോള്‍ , ഇങ്ങ് അമേരിക്കയിലും വളരെ ആഘോഷമായി തന്നെ അമ്മദിനം ആഘോഷിച്ചു . കടകമ്പോളങ്ങള്‍ പൂക്കളും കാര്‍ഡുകളും കൊണ്ടു നിറഞ്ഞു . ഭക്ഷണ ശാലകളിലും സാമാന്യം നല്ല തിരക്കുകള്‍ അനുഭവപ്പെട്ടു . വിട്ട് പോകാത്ത ദുബായ് ഓര്‍മ്മകളുമായി നില്‍ക്കുന്ന എന്‍റെ പിള്ളാരുടെ അമ്മയ്ക്ക് ഗള്‍ഫിലെ ഭക്ഷണമായ ഷവര്‍മ്മ കഴിക്കണം എന്നായിരുന്നു ആഗ്രഹം .
അങ്ങനെ എന്റെയും $30പോയി കിട്ടി .മക്കള്‍ സ്കൂളില്‍ നിന്ന് തന്നെ അമ്മക്ക് കാര്‍ഡും പൂക്കളും കൊണ്ടുക്കൊടുത്തു .അസൂയക്കാരനായ ഫാതര്‍ ഞാന്‍ അടുത്ത മാസത്തെ തന്തമാരുടെ ദിവസത്തിനായി കാത്തിരിക്കുന്നു .

പറഞ്ഞു വന്നത് മലയാളികള്‍ക്ക് ആഘോഷിക്കുവാന്‍ ഓരോരോ കാരണങ്ങള്‍ ഒടേ തമ്പുരാനായി കൊണ്ടുകൊടുക്കുന്നു എന്നത് തികച്ചും അത്ഭുതം തന്നെ .എന്തിന് വേണ്ടിയാണ് ? ആരാണ് ? എവിടെയാണ് അമ്മദിനം ആദ്യം ഉണ്ടായതെല്ലാം നമുക്കറിയാം . അമ്മമാരെ ഓര്‍ക്കേണ്ടത് അത്യാവശ്യവുമാണ് .ചരിത്രത്തിലേക്ക് ഞാന്‍ പോകുന്നില്ല . എന്നാല്‍ പഴയ ചില കാര്യങ്ങളും പുതിയ ചില കാര്യങ്ങളും ഞാന്‍ പറയുവാന്‍ ആഗ്രഹിക്കുന്നു . ചിലരൊക്കെ പറയുന്നത് കേട്ടു , അമ്മ മെഴുഴിരിയാണ് , സ്നേഹത്തിന്റെ പൂന്തേന്‍ കനിയാണ് ,നിറകുടമാണ് പൂഞ്ചോലയാണ് അങ്ങനെ നീളുന്നു ആ വിശേഷണ പദങ്ങള്‍ .സത്യമാണ് .ഇതെല്ലാം ചേര്‍ന്നതാണ് ഏതൊരാളിന്റെയും അമ്മ .

ഏതൊരു വ്യക്തിയുടെയും സ്വഭാവ രൂപികരണത്തിന് അച്ഛന്മാരെക്കാള്‍ കൂടുതല്‍ സ്വാധീനം ചെലുത്തുന്നത് അമ്മമാരാണ് .ലോകപ്രശസ്തരായ പല വ്യക്തിത്വങ്ങളെയും പരിശോദിച്ചാല്‍ അവരുടെ മുന്നില്‍ നിന്ന ഒരു ഉരുക്ക് കോട്ടയായിരുന്നു സ്വന്തം അമ്മ. പണ്ടൊക്കെ നമ്മുടെ നാട്ടില്‍ തന്നെ , കേവലം ഒരു വയറ്റാട്ടിയുടെ സഹായത്താല്‍ പത്തും പന്ത്രണ്ടും കുട്ടികളെ പെറ്റു വളര്‍ത്തിയ അമ്മമാരുണ്ട്. അവരൊക്കെ ഈറ്റ് നോവും പേറ്റ് നോവുകളും അനുഭവിച്ചിട്ടുണ്ട് .അവരുടെ കഷ്ടപ്പാടുകളില്‍ കൂടി കുട്ടികളെ വളര്‍ത്തി വലുതാക്കി . അന്നൊക്കെ നല്‍കിയ വറ്റുകളില്‍ കണ്ണീരിന്റെ നനവും ഉപ്പുമുണ്ടായിരുന്നു ,ഒപ്പം പ്രാര്‍ത്ഥനകളും .അതുകൊണ്ടോക്കെയാണ് ലോകത്തിന്റെ പലഭാഗങ്ങളിലായി മലയാളികള്‍ പോയി കഷ്ടപ്പെട്ട് നാടിന്റെയും വീടിന്റെയും മുഖച്ഛായ തന്നെ മാറ്റിയിട്ടുള്ളത് .

ഇന്ന് വയറ്റാട്ടികളില്ല , പേറ്റ് നോവുകളും ഇല്ല എന്നാണ് തോന്നുന്നത് ( ഞാന്‍ പ്രസവിച്ചു നോക്കിയിട്ട് ഈ കാര്യം പറയാം ) . ഏറ്റവും നല്ല ആശുപത്രികളില്‍ , ഏറ്റവും നല്ല ഡോക്ടറുടെ അടുക്കല്‍ , ഏറ്റവും നല്ല നാളില്‍ തന്നെ വേദനകളില്ലാത്ത പ്രസവങ്ങള്‍ നടത്തണം എന്നാണ് എതൊരമ്മയാകാന്‍ പോകുന്ന സ്ത്രീയുടെയും ആഗ്രഹം .അതുകൊണ്ട് തന്നെ ഇന്ന് പ്രസവം അല്ലെങ്കില്‍ അമ്മയാകല്‍ ഒരു വലിയ കാര്യമൊന്നുമല്ല . മാതാപിതാക്കള്‍ അറിയാതെ ,കല്യാണം കഴിക്കാതെ , പ്രസവങ്ങളും ഗര്‍ഭചിദ്രങ്ങളും എത്രയോ നടക്കുന്നു . ഇതൊന്നും ഒരു വലിയ വാര്‍ത്ത ഒന്നുമല്ല ഇപ്പോള്‍ കേരളത്തില്‍ .

അടുത്ത സമയത്ത് ഒരു ഡോക്ടറോട് സംസാരിക്കുന്ന കൂട്ടത്തില്‍ അദ്ദേഹം പറയുകയുണ്ടായി , ഇപ്പോള്‍ വിവാഹ മോചനം കേരളത്തില്‍ ഒരു ഫാഷന്‍ ആയി മാറിയിരിക്കുന്നു എന്ന് . നിസാര കാര്യങ്ങള്‍ക്ക് വേണ്ടി ബന്ധങ്ങള്‍ മുറിച്ചു കളയുന്ന കുടുംബങ്ങള്‍ .തമ്മില്‍ തമ്മില്‍ വേണ്ട രീതിയില്‍ ഉള്ള ആശയ വിനിമയങ്ങള്‍ കുടുംബങ്ങളില്‍ ഇല്ല . സ്ത്രീകള്‍ സ്വയം പര്യപ്തരായി മാറിയിരിക്കുന്നു . അവര്‍ക്ക് ആരുടേയും തണലുകള്‍ ഇല്ലാതെ തന്നെ സമൂഹത്തില്‍ ജീവിക്കാം . പുരുഷ വേശ്യകള്‍ ഉള്ള നാടാണ് കേരളം എന്ന് പറഞ്ഞാല്‍ തിഷയപ്പെടെണ്ട കാര്യങ്ങള്‍ ഒട്ടുമില്ല . ഫെമിനിസം പോലെ നാട്ടില്‍ പടര്‍ന്നു പിടിക്കുന്ന മറ്റൊന്നാണ് കൂഗറിസം. കൂഗറിസത്തെ കുറിച്ച് ഞാന്‍ ഒരിക്കല്‍ പറഞ്ഞിരുന്നു .

1957 - ല്‍ ഈ .എം .എസ് കേരളത്തെ ഭരിച്ചു എങ്കില്‍ ഇന്ന് കേരളം ഭരിക്കുന്നത്‌ എസ്.എം എസ് ആണ് . വളരെ ഫാസ്റ്റ് ആണ് കാര്യങ്ങള്‍ . അതുപോലെ തന്നെ അത്ര വേഗത്തില്‍ തന്നെ ശിഥിലവുമാണ് ആ ബന്ധങ്ങളുടെ ആയുസും .പാശ്ചാത്യ സംസ്കാരം സ്വന്തം വീട്ടു മുറ്റത്ത് പന്തലിട്ടു ആഘോഷിക്കുന്നവരെ , വരാന്‍ പോകുന്ന തലമുറകളിലെ കാഴ്ചകള്‍ കാണുവാന്‍ നിങ്ങളുടെ മനസിനെ അല്പം പാകപ്പെടുത്തി എടുക്കണം .ആദ്യമൊക്കെ ഒരു ചളിപ്പും ദേഷ്യവും നിരാശയും എല്ലാം തോന്നാമെങ്കിലും പിന്നീട് എല്ലാം ശരിയാകും .സംസ്കാരങ്ങള്‍ വളരെ വേഗമാണ് പടരുന്നത്‌ .അമേരിക്കയിലും മറ്റ് പാശ്ചാത്യ നാടുകളിലും സ്ഥിരം കാണാവുന്ന ഒരു കാഴ്ചയാണ് സിംഗിള്‍ മദര്‍ . ബന്ധങ്ങള്‍ ഒഴിഞ്ഞതോ , അല്ലെങ്കില്‍ ആരുടെതാണ് കുഞ്ഞ് എന്ന് തിട്ടമില്ലാത്തതോ ആയ കുട്ടികളുമായി ജീവിക്കുന്ന അമ്മമാര്‍ .അമ്മദിനം കൊണ്ടാടിയ മലയാളികളേ , നിങ്ങളുടെ അമ്മമാരെ നിങ്ങള്‍ സ്നേഹിക്കണം . അതേ സമയം വളര്‍ന്നു വരുന്ന കുട്ടികള്‍ക്ക് മാതൃക ആകുകയും വേണം . ഇതൊന്നും നടക്കില്ല എങ്കില്‍ ഒന്നും കണ്ടില്ല കേട്ടില്ല എന്ന് വെച്ച്‌ നടക്കുക . എല്ലാം ശരിയാകും .

Friday, May 7, 2010

അയണ്‍ മാന്‍ - 2


ഇന്ന് അമേരിക്കയില്‍ റിലീസ് ചെയ്ത അയണ്‍ മാന്‍ - 2 കാണാന്‍ പോകണ്ടേ ? അടിപൊളി പടമാണ് എന്നാണ് റിപ്പോര്‍ട്ട്‌ . ഇങ്ങനെ ബ്ലോഗില്‍ കുത്തിപ്പിടിച്ചിരിക്കാതെ അതൊക്കെ വേഗം കണ്ടു കാര്യങ്ങള്‍ മനസിലാക്ക് .

Thursday, May 6, 2010

ടൈംസ്കൊയറില്‍ പുകഞ്ഞ ഓലപ്പടക്കം ‍

ചില ചെറ്റകള്‍ക്ക് അമേരിക്ക എന്ന് കേള്‍ക്കുമ്പോള്‍ കാലിന്റിടയില്‍ നിന്നും പെരുപ്പ്‌ കയറും . അമേരിക്കയെ ഒന്ന് പണിയണം എന്ന ആഗ്രഹം ഏത് തന്തയില്ലാത്ത മോനും തോന്നുക സ്വാഭാവികം . അമേരിക്കയെ പണിയാന്‍ വരുമ്പോള്‍ അതിന്ടപ്പുറത്തെ പണി അവര്‍ കൊടുക്കുമെന്ന് അവരുണ്ടോ അറിയുന്നു .അല്ലെങ്കില്‍ തന്നെ മനുഷ്യരിവിടെ ഒരോ ദിവസവും പേടിച്ചാണ് കഴിയുന്നത്‌ . അതിന്റിടക്കാണ് തന്തയില്ലാത്ത ഓരോരുത്തന്മാര് പടക്കം പൊട്ടിച്ചു കളിക്കുന്നത് . നേരത്തേ ഒരുത്തന്‍ ഡിട്രോയിറ്റ് എയര്‍പോര്ട്ടിന്റെ മുകളില്‍ വെച്ച്‌ ഫ്ലൈറ്റിനുള്ളില് വെച്ച്‌ പടക്കം പോട്ടിച്ചിരുന്നു . ഭാഗ്യത്തിന് അത് പൊട്ടിയില്ല . ഇപ്പോള്‍ ദാണ്ടേ ടൈം സ്കയറില്‍ വെച്ച്‌ വീണ്ടും ഓലപ്പടക്കം !!‍ പച്ചകാക്കാമാരുടെ ബുദ്ധി സമ്മതിച്ചു കൊടുക്കണം .ബോംബും മിസ്സൈലും , റോക്കറ്റും എല്ലാം എടുത്ത് അമ്മാനമാടുന്നവരുടെ അടുക്കലാണ് ,പിള്ളാര് പടക്കം പൊട്ടിച്ച് കളിക്കുന്നത് പോലെ ഓലപ്പടക്കവും കൊണ്ട്‌ വരുന്നത് .




കാപ്പില്‍ കുറ്റിപ്പുറം മുക്ക് പോലെ അമേരിക്കയിലെ ഒരു മുക്കാണ് ഈ ടൈം സ്കൊയര്‍ ടൈം സ്കൊയര്‍ എന്നെല്ലാം പറയുന്നത് .കാപ്പില്‍ കുറ്റിപ്പുറം മുക്കിനെക്കാള്‍ ഇമ്മിണി കൂടി വലിയ ഒരു മുക്ക് .അവിടെയാണ് വൈകിട്ട് സായിപ്പന്‍മാര്‍ ചായ കുടിക്കാനും ദിനേശ് ബീഡി വലിക്കാനും കൊച്ചു വര്‍ത്തമാനം പരദൂഷണം എന്നിവ പറയാനുമൊക്കെ കൂടുന്നതേ. അവിടെയാണ് നിസാന്‍ പാത്ത് ഫൈന്ടര്
ഷഹസാദ് ( കടപ്പാട് മനോരമ ) എന്ന പച്ചക്കാക്ക ഓലപ്പടക്കവും ഇത്തിരി മണ്ണെണ്ണയും ഒരു തിരിയും എല്ലാം കൊടുത്ത് ദുഫായ്ക്ക് പറക്കാന്‍ പോയത് .തക്ക സമയത്ത് വണ്ടീന്ന് പൊക വരുന്നത് കണ്ടു അടുത്ത കടക്കാരന്‍ തങ്കച്ചായന്‍ വിളിച്ച് കൂവിയത് കൊണ്ട്‌ കുറെ സായിപ്പച്ചായന്മാരുടെ ജീവന്‍ രക്ഷപെട്ടു.

ഷഹസാദ് എന്ന കാക്കായെ കുറിച്ച് പറയുമ്പോള്‍ നല്ല കാര്യങ്ങള്‍ മാത്രമേ കൂട്ടുകാര്‍ക്കും വീട്ടുകാര്‍ക്കും പറയുവാനുള്ളൂ . സുമുഖന്‍ ,സുന്ദരന്‍ , ആരോഗ്യവാന്‍ , എപ്പോഴും ചിരിക്കുന്ന നല്ല സഖാവ്‌ , അമേരിക്കന്‍ പൌരന്‍ ,വിവരവും വിദ്യാഭ്യാസവും ഉള്ളവന്‍ ,പിന്നെന്താ പറ്റിയെന്നു ചോദിച്ചാല്‍ അല്പം മതഭ്രാന്ത്‌ , കുറെ കടബാധ്യത , ഉണ്ടായിരുന്ന ജ്വാലി പോയി , 2.5 ലക്ഷം ഡോളര്‍ വിലയുണ്ടായിരുന്ന വീട് ബാങ്ക് കൊണ്ട്‌ പോയി ( നാട്ടിലെ ഒന്നേകാല്‍ കോടി രൂഫാ )അത് മുഖാന്തരം ഉണ്ടായ വിഭ്രാന്തി കൂടാതെ കഴിഞ്ഞ അഞ്ച് മാസമായി പാക്കിസ്ഥാനിലെ താലിബാനില്‍ നിന്നും കിട്ടിയ നല്ല ട്രെയിനിംഗ് ( നല്ല ബുദ്ധിയാണ് പറഞ്ഞു കൊടുത്ത് വിട്ടത് ) ഇത്രയും ചേരുമ്പോള്‍ ഷഹസാദ് എന്നൊരു ഭീകരന്‍ കൂടി ജന്മം കൊണ്ടു .അമേരിക്കന്‍ സാമ്പത്തിക മാന്ദ്യത്തില്‍ നിന്നും ഉടലെടുത്ത മറ്റൊരു ഭീകരന്‍ എന്ന് കൂടി പറയാം .

പൊട്ടാതെ പോയ ഓലപ്പടക്കത്തിന്റെ ബാക്കി പത്രവും പേറി , ഒത്താല്‍ ആയുസ് കാലം മുഴുവന്‍ അമേരിക്കന്‍ ജനതയുടെ കരം പിരിച്ചു കിട്ടിയ കാശിന്റെ എച്ചിലും തിന്ന് അമേരിക്കന്‍ ജയിലിനുള്ളില്‍ കഴിയാന്‍ യോഗം . നല്ലൊരു ഭാര്യേം കുഞ്ഞും ഉണ്ട് . അതിന്റെ ഗതി ഇനി എന്താകുമോ റബ്ബിലാലമിനായ തമ്പുരാനേ !!. ഇവന്റെ ബയോഡാറ്റ കണ്ടാല്‍ ഇവനീ ഗതിയില്‍ ജീവിക്കണ്ടാവനാണ് എന്നാരേലും പറയുവോ ?

ഫേസ്സ് ബുക്കന്നൂര്‍ ശാഖാശ്രമം

LinkWithin

Related Posts with Thumbnails

അനന്തമജ്ഞാതമവര്‍ണ്ണനീയം ആശ്രമം തിരിയുന്ന മാര്‍ഗ്ഗം

കോറം തികയുന്നതിവിടെ

Pages

തിരയൂ

Powered by Blogger.