അന്തേവാസികള്‍

Thursday, December 31, 2009

പുതു പുതു വര്‍ഷം





എനിക്ക് എന്നെ പറ്റി ഇതുവരെ വലിയ പ്രതീക്ഷകള്‍ ഇല്ലെങ്കിലും , നിങ്ങള്‍  അടിച്ച് പൊളിക്ക് മക്കളെ !!!

എല്ലാ പ്രിയപ്പെട്ടവര്‍ക്കും പുതുവര്‍ഷാശംസകള്‍ 

Thursday, December 24, 2009

കേരള ടൈംസ്‌ ബൂലോകം ഓണ്‍ലൈന്‍ ബ്ലോഗ്‌ അവാര്‍ഡ്‌ 2009

ബൂലോകത്തെ പ്രധാന പത്രമായ ബൂലോകം ഓണ്‍ലൈന്‍ , ബ്ലോഗിലെ എഴുത്തുകാര്‍ക്കായി ഏര്‍പ്പെടുത്തിയ ബ്ലോഗ്‌ അവാര്‍ഡ്‌ വോട്ടിംഗ് ആദ്യ ദിനം പിന്നിടുമ്പോള്‍ പോളിംഗ് ബൂത്തുകളില്‍ വോട്ട് ചെയ്യുവാന്‍ ഉള്ള ബൂലോകരുടെ വലിയ തിരക്കുകള്‍ അനുഭവപ്പെട്ടു .ക്രിസ്തുമസ് തിരക്കുകളോ , വൃശ്ചിക മാസത്തെ തണുപ്പോ വകവെയ്ക്കാതെ രാവിലെ മുതല്‍ എല്ലാവരും വളരെ ആവേശത്തോട്‌ കൂടി പോളിംഗ് ബൂത്തുകളില്‍ വോട്ടുകള്‍ ചെയ്യുവാന്‍ എത്തിച്ചേരുന്നത് കാണുവാന്‍ ഇടയായി .അവസാന നിലയറിയുമ്പോള്‍ പലരും മുന്നിട്ടു നില്‍ക്കുന്നു എങ്കിലും , കണക്ക് കൂട്ടലുകള്‍ പലപ്പോഴും ‍ തകിടം മറിയാം. പലരും വിജയപ്രതീക്ഷയില്‍ അണിയറയില്‍ ആഹ്ലാദ പ്രകടനങ്ങളും , പന്തം കൊളുത്തി ജാഥയും ആരംഭിച്ചു എന്നാണ് അറിയുന്നത് .ഏകദേശം ഒരാഴ്ചയോളം ഈ തിരഞ്ഞെടുപ്പ് നീണ്ട് നില്‍ക്കും എന്നാണ് അവസാനമായി അറിയുവാന്‍ കഴിഞ്ഞത് . ഇനിയും പലരും വോട്ടുകള്‍ തങ്ങളുടെ പ്രിയപ്പെട്ടവര്‍ക്കായി രേഖപ്പെടുത്തുവാന്‍ ഉണ്ട് . എല്ലാവരും ഈ തിരഞ്ഞെടുപ്പില്‍ പങ്കെടുക്കണം .ഒരോ വിഭാഗങ്ങല്‍ക്കുമായി പ്രതെയ്കം പ്രത്യേകം പാനലുകള്‍ ഉണ്ടാക്കിയിട്ടുണ്ട് .


ഇന്ന് രാവിലെ ആശ്രമത്തില്‍ ചേര്‍ന്ന വാര്‍ത്താസമ്മേളനത്തില്‍ അമേരിക്കയിലെ ഒരു പ്രമുഖ ഇന്റര്‍നെറ്റ്‌ പത്രമായ കേരള ടൈംസ്‌ ,ബൂലോകം ഓണ്‍ലൈന്‍ പ്രവര്‍ത്തകര്‍ എന്നിവര്‍ കൂടിക്കാഴ്ചകള്‍ നടത്തുകയുണ്ടായി . 2009 ബ്ലോഗ്‌ അവാര്‍ഡ്‌ പദ്ധതിയില്‍ ‍ കേരള ടൈംസ്‌ കൂടി സഹകരിക്കാം എന്നും വിജയികള്‍ക്ക് അടുത്ത വര്‍ഷം ആദ്യത്തോട് കൂടി കൊച്ചിയില്‍ നടക്കുന്ന ബ്ലോഗ്‌ അവാര്‍ഡ്‌ 2009 നിശയില്‍ കേരള ടൈംസ്‌ ബൂലോകം ഓണ്‍ലൈന്‍ ബ്ലോഗ്‌ അവാര്‍ഡ്‌ ( KTBOBA ) നല്‍കാം എന്നും കേരള ടൈംസ്‌ ആഗ്രഹം പ്രകടിപ്പിച്ചു എങ്കിലും ഇതിനെക്കുറിച്ചുള്ള അന്തിമ തീരുമാനം ആയിട്ടില്ല .

ആവേശകരമായ വോട്ടിംഗ് തണുപ്പിനെ വകവെയ്ക്കാതെ ഈ രാത്രിയിലും തുടരുകയാണ് . എന്നാല്‍ ഇത്തരം ഒരു തിരഞ്ഞെടുപ്പിനെ കുറിച്ച് അവിടെയും ഇവിടെയും ആക്ഷേപങ്ങളും തുടരുന്നു . ബൂത്ത് പിടിത്തം , ചാക്കിട്ടു പിടിക്കല്‍ എന്നിവ അണിയറയില്‍ അതിഗംഭീരമായി നടക്കുന്നു എന്നും അറിയുന്നു . യാതൊരു വിധ തിരിമറികളും നടക്കാതിരിക്കുവാനും , കള്ളവോട്ട് തടയുന്നതിനുമുള്ള എല്ലാ മുന്‍കരുതലുകളും എടുത്തിട്ടുണ്ട് എങ്കിലും ,ഇതിന്റെ അണിയറ പ്രവര്‍ത്തകര്‍ക്ക് എല്ലാ പഴുതുകളും അടയ്ക്കാന്‍ കഴിയുന്നില്ല എന്നൊരു പാഴ് ശ്രുതിയും ഉയര്‍ന്നു കേള്‍ക്കുന്നു .ഇതുവരെ പോളിംഗ് ബൂത്തും പരിസരവും തികച്ചും ശാന്തമാണ് .അനിഷ്ട സംഭവങ്ങള്‍ ഉണ്ടാകാതിരിക്കുവാന്‍ വേണ്ടി പോലീസ് , പട്ടാളം എന്നിവയുടെ സേവനം ആവശ്യപ്പെട്ടിട്ടുണ്ട് .

കൂടുതല്‍ വിശേഷങ്ങളും വാര്‍ത്തകളുമായി ഉടനെ എത്താം . അതുവരെ വണക്കം , വന്ദനം , നമസ്കാരം . ആരും വോട്ടുകള്‍ ചെയ്യാതിരിക്കരുത് .



പോളിംഗ് ബൂത്തിലേക്കുള്ള വഴി

അമേരിക്കയിലെ വാര്‍ത്തകള്‍ അറിയുവാന്‍












Wednesday, December 23, 2009

ബ്ലോഗ്‌ അവാര്‍ഡ്‌ 2009 തട്ടിപ്പോ ?

 ബൂലോകം ഓണ്‍ലൈന്‍   നടത്തുന്ന ബ്ലോഗ്‌ അവാര്‍ഡ്‌ 2009 ന് ഇനി മണിക്കൂറുകള്‍ മാത്രം . ഇതിനോടകം പല ബ്ലോഗര്‍മാരും പലരെയും നോമിനേറ്റ് ചെയ്തു. അവസാന മണിക്കൂറുകളില്‍ പലരെയും ഇനിയും നോമിനേറ്റ് ചെയ്യപ്പെടാം . നോമിനെഷന് നല്കാത്തവര്‍ നല്‍കണം .‍ തികച്ചും പുതുമയാര്‍ന്ന ഒരു പ്രോഗ്രാം ആയാണ് ഇതിനെ ഞാന്‍ കാണുന്നത് . അവാര്‍ഡ്‌ ലഭിക്കുമോ ഇല്ലയോ എന്നതിനേക്കാള്‍ കൂടുതല്‍ , ആളുകള്‍ക്ക് അറിയാത്ത പല ബ്ലോഗുകളെയും അടുത്തറിയാന്‍ കഴിയുന്നു എന്നതാണ് ഇതിന്റെ മറ്റൊരു മേന്മയായി ഞാന്‍ കാണുന്നത് . ആ അവാര്‍ഡ്‌ വോട്ടിംഗ് ഏറ്റവും ഭംഗിയായി തീര്‍ക്കുവാന്‍ അതിന്റെ അണിയറ പ്രവര്‍ത്തകര്‍ ശ്രമിക്കുന്നുണ്ട് . യാതൊരു വിധ മറകളും കൂടാതെ നിങ്ങള്‍ക്കിഷ്ടപ്പെട്ട ബ്ലോഗര്‍മാരെ ബ്ലോഗര്‍മാര്‍ തന്നെ തിരഞ്ഞെടുക്കുക . തിരഞ്ഞെടുപ്പ് ഫലങ്ങള്‍ തത്സമയം തന്നെ കാണാന്‍ കഴിയും എന്നതും ഇതിന്റെ ഗുണമാണ് .


എന്നാല്‍ ഇത്തരം പ്രവര്‍ത്തനങ്ങളെ എല്ലാം തകിടം മറിക്കുന്ന രീതിയില്‍ ഭ്രാന്തന്‍  എന്ന ബ്ലോഗര്‍ എഴുതി വിടുന്ന കാര്യങ്ങള്‍ക്ക് മറുപടി പറയേണ്ട കാര്യമില്ല എങ്കിലും ചില കാര്യങ്ങള്‍ കാണുമ്പോള്‍ മറുപടി പറയാതിരിക്കുവാനും കഴിയുന്നില്ല .ഒരു ഭ്രാന്തന്റെ ജല്പനങ്ങളായി അതിനെ കാണാന്‍ കഴിയുന്നില്ല , പരാജയം മുന്നില്‍ കണ്ടുകൊണ്ടു ആളുകളെ ആശങ്കയിലാക്കി , തിരഞ്ഞെടുപ്പ് തകിടം മറിക്കുവാനായുള്ള ഒരു ഗൂഡ  ശ്രമമായെ ഇതിനെ കാണാന്‍ കഴിയൂ . ബ്ലോഗ്‌ അവാര്‍ഡ്‌ നല്‍കുന്നത് ബ്ലോഗ്‌ എഴുത്തുകാര്‍ക്ക് ഒരു പ്രോത്സാഹനം എന്ന രീതിയില്‍ മാത്രമാണ് . അതില്‍ യാതൊരു വിധ തട്ടിപ്പുകളോ ഉദ്ദേശ ലക്ഷ്യങ്ങലോ ഇല്ലന്ന് വളരെ വ്യക്തം .തികച്ചും സുതാര്യമായ ഒരു തിരഞ്ഞെടുപ്പ് . വലിയവനെന്നോ ,ചെറിയവനെന്നോ ഉള്ള വ്യത്യാസങ്ങള്‍ ഇല്ലാതെ , എല്ലാവരും ഈ തിരഞ്ഞെടുപ്പില്‍ കൂടി ഒന്നാകുകയാണ് .ഇത്തരം അപവാദ പ്രചരണങ്ങളില്‍ നല്ലവരായ ബ്ലോഗ്‌ എഴുത്തുകാര്‍ വീഴാതെ എല്ലാവരും ഒരുമിച്ച് ഇതില്‍ പങ്കെടുക്കണം .


ബൂലോകം ഓണ്‍ലൈന്‍ പത്രത്തിന് വേണ്ടി

നിങ്ങളുടെ സ്വന്തം കാപ്പിലാന്‍

ജയഹോ

Monday, December 14, 2009

കവിത മോഷണം (ഒരു പാതിരാ കൊലപാതകം)

കാപ്പിലാന്‍റെ കവിത കണ്ണന്‍ തവി മോഷ്ടിച്ചു.

ശരണ്‍ എന്ന ബ്ലോഗിലാണ് ഇതേ കവിത വള്ളി പുള്ളി വിടാതെ പ്രത്യക്ഷപ്പെട്ടത്.


ഡിസംബര്‍ പതിനൊന്നിന് കൊള്ളികള്‍ എന്ന കാപ്പിലാന്‍റെ ബ്ലോഗില്‍ വന്ന കവിത രായ്ക്ക് രാമാനം ഇന്ന് ശരണിന്‍റെ ബ്ലോഗില്‍!


Friday, December 11, 2009

ജ്യോനവന്‍ സ്മാരക കവിതാ അവാര്‍ഡ്‌

ബൂലോകത്തിലെ പ്രശസ്ത പത്രം ബൂലോകം ഓണ്‍ലൈന്‍ , ഇത്തവണ ബൂലോകത്തെ കഴിവുള്ള , പ്രതിഭയുള്ള , നല്ല താലന്തുകളുള്ള ബ്ലോഗ്‌ എഴുത്ത് കാര്‍ക്ക് ബ്ലോഗ്‌ അവാര്‍ഡ്‌ 2009 കൊടുക്കുന്ന വിവരം ഇതിനോടകം എല്ലാവരും അറിഞ്ഞിട്ടുണ്ടാകും എന്ന് കരുതുന്നു . ബ്ലോഗിലെ മിനി ഓസ്കാര്‍ എന്ന് വിശേഷിപ്പിക്കാന്‍ കഴിയത്തക്ക വിധത്തില്‍ തികച്ചും വിപുലമായ പരിപാടികളാണ് അണിയറയില്‍ ആസൂത്രണം ചെയ്യുന്നത് . അതിന്റെ നോമിനേഷനുകള് സമര്‍പ്പിക്കേണ്ട അവസാന തീയതി ഉടനെ തന്നെ പ്രഖ്യാപിക്കും . പലരും ഇതിനോടകം നോമിനേഷന്‍ സമര്‍പ്പിച്ചു കഴിഞ്ഞു . ഇനിയും പലരും കൊടുക്കുവാനായിട്ടുണ്ട് . എല്ലാവരും ഇതില്‍ പങ്കെടുക്കണം .

കഴിവുള്ളവര്‍ക്ക് ഒരു പ്രോത്സാഹനം എന്ന നിലയിലാണ് ഇത് നടത്തുന്നത് . ബൂലോകത്തിന് പുറത്തുള്ള ഒരു വിദഗ്ധ സമിതിയുടെ അന്തിമ തീരുമാനത്തില്‍ വിജയികളെ പ്രഖ്യാപിക്കും .എങ്കിലും അതിന് മുന്‍പായി ബ്ലോഗ്‌ വായനക്കാര്‍ക്ക് തികച്ചും സുതാര്യമായ ഒരു വോട്ടെടുപ്പില്‍ കൂടി തങ്ങളുടെ വോട്ടുകള്‍ രേഖപ്പെടുത്തുകയും ചെയ്യാന്‍ കഴിയും എന്നതും ഓര്‍മ്മിപ്പിക്കുന്നു . ഈ വോട്ടുകളും വിജയികളെ തീരുമാനിക്കുന്നതില്‍ ഒരു ഘടകമാണ് .അതുകൊണ്ട് എല്ലാവരും വോട്ടുകളും ചെയ്യാന്‍ മടിക്കരുത് .

‍ ബ്ലോഗിലെ കവികളെ പ്രോത്സാഹിപ്പിക്കുക എന്ന നിലയില്‍ അകാലത്തില്‍ നമ്മുടെ ഇടയില്‍ നിന്നും മാറ്റപ്പെട്ട , നമ്മുടെ പ്രിയപ്പെട്ട ജ്യോനവന്റെ പേരില്‍ ഒരു ക്യാഷ് അവാര്‍ഡും ഇതിന്റെ കൂടെ നല്‍കപ്പെടുന്നു . ‍ 5000/- രൂപയും പ്രശസ്തി പത്രവുമടങ്ങുന്ന ഒരു പുരസ്കാരം , ജ്യോനവന്‍ സ്മാരക അവാര്‍ഡ്‌ എന്ന പേരില്‍ നല്‍കണം എന്ന ആഗ്രഹം ബൂലോകം ഓണ്‍ലൈന്‍ അണിയറക്കാര്‍ ആഗ്രഹം പ്രകടിപ്പിച്ചിട്ടുണ്ട് . ഈ അവാര്‍ഡ്‌ ബ്ലോഗിലെ കവികള്‍ക്ക് വേണ്ടി മാത്രമാണ് . മറ്റുള്ള ബ്ലോഗര്‍മാര്‍ക്ക് ബൂലോകം ഓണ്‍ലൈന്‍ വകയായി പ്രശസ്തി പത്രം നല്‍കപ്പെടും .

ബ്ലോഗ്‌ കവികള്‍ ചെയ്യേണ്ടത് , ഇതുവരെ ബ്ലോഗില്‍ പ്രസിദ്ധികരിക്കാത്ത രണ്ട് കവിതകള്‍ ബൂലോകം ഓണ്‍ലൈന്‍ ന്റെ ഇമെയില്‍ അഡ്രസില്‍ അയച്ചു കൊടുക്കണം . ഇത് ഒരറിയിപ്പ് മാത്രമാണ് പൂര്‍ണ്ണ വിവരങ്ങള്‍ ഉടനെ തന്നെ നല്‍കപ്പെടും .

എല്ലാ ബ്ലോഗര്‍മാര്‍ക്കും വിജയാശംസകള്‍ .

വിശദ വിവരങ്ങള്‍ക്ക് താഴെയുള്ള ലിങ്ക് വഴി പോകുക .

ബൂലോകം ഓണ്‍ലൈന്‍

Tuesday, December 8, 2009

ബൂലോക ചൊറിയന്‍

കവികള്‍ ത്രികാല ജ്ജാനികള്‍ ആയിരിക്കണം .അല്ലെങ്കില്‍ കവി കുലത്തില്‍ ഞാന്‍ ഗുരുവിനെ പോലെ ആരാധിക്കുകയും സ്നേഹിക്കുകയും ബഹുമാനിക്കുകയും ചെയ്യുന്ന ബൂലോക മഹാകവി ശ്രീ .വിഷ്ണു പ്രസാദ് എന്ന കവി തിലോത്തമന്‍ ഇത്തരം ഒരു കവിത എനിക്കായി അവിടെ എഴുതി വെയ്ക്കുമോ ? അദ്ദേഹത്തിന്റെ ചൊറിച്ചില്‍ എന്ന കവിതയുടെ അവസാന വരികള്‍ ഇവിടെ പൂശിയിട്ട് എന്‍റെ ഇന്നത്തെ ബ്ലോഗ്‌ പരിപാടികള്‍ ആരംഭിക്കട്ടെ .


ഇറങ്ങിപ്പോയപ്പോള്‍
ധൈര്യം സംഭരിച്ച് അവര്‍ ആ കുഴിമാടത്തില്‍ ചെന്ന്
എന്താണിതിന്റെ അര്‍ഥം എന്നു ചോദിച്ചു.
ശരീരമേ ഇല്ലാതായിട്ടുള്ളൂ
ചൊറിച്ചില്‍ ഇല്ലാതായിട്ടില്ല എന്ന് അപ്പോള്‍
അവരുടെ ഗുരുവിന്റെ ശബ്ദം അവര്‍ കേട്ടു.

മുകളില്‍ കൊടുത്തിരിക്കുന്നത് എന്‍റെ ഗുരുവിന്റെ വരികളാണ് . എത്ര അര്‍ത്ഥ സമ്പുഷ്ടമായ വരികള്‍. നാളുകള്‍ക്ക് മുന്‍പ് തന്നെ അദ്ദേഹം കുറിച്ച വരികളാണ് ഇവ. ഇത് എനിക്ക് വേണ്ടി കുറിച്ച വരികള്‍ അല്ലേ എന്ന് വര്‍ണ്ണ്യത്തില്‍ ഞാന്‍ ആശങ്കപ്പെടുന്നു .വില്‍‌സണ്‍ കവിയെ ചൊറിഞ്ഞ് രണ്ട് ദിവസം മിണ്ടാതെ ഇരുന്ന മഹാകവി മൂന്നാം ദിവസം മറ്റൊരു ചൊറിച്ചില്‍ സംഭവവുമായി രംഗത്തെത്തി .ഇത്തവണ ചൊറിഞ്ഞത് ആശ്രമത്തെയും ആല്‍ത്തറയിലെയും ഒരു വെറും സാധു സ്വാമിയായ എന്നെയും .എന്നാല്‍ കമെന്റ് ബോക്സ് അവിടെ പൂട്ടി ഇട്ടിരിക്കുന്നു എന്ന കാരണത്താല്‍ അതിനുള്ള മറുപടികള്‍ പറയുവാന്‍ എനിക്കായില്ല എന്ന കാര്യത്തില്‍ ഞാന്‍ അതീവ ദുഖിതനാണ് . എല്ലാവരെയും ചൊറിയുന്നതുപോലെ എന്നെയും ചൊറിയുമ്പോള്‍ ഞാന്‍ മറുപടി പറയാതെ മാറി നില്‍ക്കുന്നത് ശരിയല്ലല്ലോ എന്നോര്‍ത്തു മാത്രമാണ് ഈ കുറിപ്പ് .

ചത്താലും തീരാത്ത ഈ അസുഖത്തിന് ബൂലോകത്തില്‍ ഉഴിച്ചില്‍ ,പിഴിച്ചില്‍, തിരുമ്മല്‍ തുടങ്ങിയ പരിപാടികള്‍ തല്ക്കാലം ഇല്ല എന്നാണ് എന്‍റെ ഊഹം . പകരം വെട്ടല്‍ ,മാന്തല്‍, കീറല്‍ ,തുടങ്ങിയ പരിപാടികള്‍ ഉണ്ട് . കാന്‍സര്‍ അതായത് ബൂലോക ചൊറിച്ചില്‍ എന്ന രോഗം നേരത്തെ കണ്ടെത്തിയാല്‍ അതിന് തക്കതായ ചികിത്സകള്‍ ഉണ്ട് . എന്നാല്‍ അവസാനം മാത്രം ഈ കാന്‍സര്‍ തിരിച്ചറിഞ്ഞാല്‍ ഒരു മരുന്നും സേവയും ശരിക്ക് ലഭിക്കാതെ സ്വയം വേദനകള്‍ കടിച്ചമര്‍ത്തി ശിഷ്ടകാലം ജീവിച്ചു മരണത്തിന് കീഴ്പ്പെടുക മാത്രമേ നിവര്‍ത്തിയുള്ളൂ . ബൂലോക കാന്‍സര്‍ മറ്റ് കവികളെ ബാധിക്കാതെ നേരത്തെ തന്നെ പലരും തിരിച്ചറിഞ്ഞു മരുന്നുകള്‍ പ്രയോഗിച്ചിട്ടുണ്ട് എങ്കിലും ശരിയായിട്ടുള്ള പ്രതിവിധി ഇതുവരെയും ആരും ചെയ്യാതിരുന്നതുകൊണ്ടാണ് വീണ്ടും ഇത്തരത്തില്‍ ഇടക്കിടെ ചൊറിച്ചില്‍ ഉണ്ടാകുന്നത് .

നിങ്ങള്‍ക്കെല്ലാം ഞാനൊരു കൃഷിക്കാരന്‍ എന്ന കാര്യം അറിയാം എന്നാണ് തോന്നുന്നത് . നല്ല വിളകള്‍ക്ക് തടസമായി നില്‍ക്കുന്ന കളകള്‍ പറിച്ചു കളയുകയും , ഇത്തിള്‍ , പൂപ്പല്‍ മുതലായ ഉപദ്രവകാരികള്‍ ബാധിച്ച കൊമ്പുകള്‍ മുറിച്ചു മാറ്റുകയും ചെയ്യുന്നു എന്നീ കര്‍മ്മങ്ങള്‍ അല്ലാതെ ഞാന്‍ ഒരിക്കലും ഒരു ഡോക്ടര്‍ ആയിരുന്നിട്ടില്ല . ഇനി ഇത്തരം രോഗങ്ങള്‍ കരിയിച്ചോ , മുറിച്ചോ മാത്രമേ മാറുകയുള്ളൂ എങ്കില്‍ അതിനും തയ്യാറാണ് . പലപ്പോഴും ഇങ്ങനെ കളകള്‍ പറിച്ചു മാറ്റുമ്പോള്‍ ചില പട്ടികള്‍ ദൂരെ മാറി നിന്ന് ആകാശത്തേക്ക് നോക്കി കുരക്കാറുണ്ട്. അതിനെ ഞാന്‍ കാര്യമാക്കാറില്ല .

അദ്ധ്യാപകന്‍ , കവി എന്നീ നിലകളില്‍ ഞാന്‍ ഇതുവരെ അല്പം മാന്യമായാണ്‌ നിങ്ങളെപ്പറ്റി എഴുതിയിട്ടുള്ളത് എന്നാണ് എനിക്ക് തോന്നുന്നത് .അതൊരു തെറ്റായിപ്പോയി എന്നും ഞാന്‍ മനസിലാക്കുന്നു . അല്ലാതെ നിങ്ങള്‍ എഴുതുന്നത്‌ പോലെ വിവരം കെട്ട ഭാഷയില്‍ എഴുതി , കമെന്റ് ബോക്സ് പൂട്ടി വെച്ചിരിക്കുകയല്ല . എന്നാല്‍ അങ്ങനെ നിങ്ങള്‍ എഴുതുന്നത്‌ പോലെ എഴുതാന്‍ അറിയാതെയോ മടിയായിട്ടോ അല്ല എന്നും മനസിലാക്കുക . എല്ലാവരും വിളിക്കുന്നത്‌ പോലെ നിങ്ങളെ ആദിവാസി എന്നൊന്നും ഞാന്‍ വിളിക്കില്ല . വേറെ സുന്ദര പദപ്രയോഗങ്ങളില്‍ നിങ്ങളെ വിശേഷിപ്പിക്കാം . ഇതെല്ലാം ഇവിടം കൊണ്ട് തീരും എന്ന് കരുതുന്നു . അതല്ല ചൊറിച്ചില്‍ മാറുന്നില്ല എങ്കില്‍ അതിനുള്ള മരുന്നും കണ്ടെത്തണം .

സത്യത്തില്‍ ആ പോസ്റ്റ്‌ വായിച്ചപ്പോള്‍ എനിക്ക് വളരെ സങ്കടം വന്നു . മനുഷ്യര്‍ ഇത്രയും അധപതിക്കാമോ എന്ന് ഒരു നിമിഷം ചിന്തിച്ചു . പിന്നെയും മനസിലായത് കവികള്‍ എല്ലാം ഭ്രാന്തന്മാര്‍ ആണെന്നും അവര്‍ ഭീരുക്കളെ പോലെ ഇങ്ങനെ കരഞ്ഞു കൊണ്ടേ ഇരിക്കുമെന്നും അതിന് പ്രത്യേകിച്ച് ഒരു മരുന്ന് കണ്ടെത്തണ്ട ആവശ്യം ഇല്ലന്നുമാണ് .

ഗുരുവിന്റെ അറിവിലേക്കായി ചില കാര്യങ്ങള്‍ പറയാം .ആരുടേയും ഒരു പ്രേരണയോ , പിന്‍ ബലമോ ഇല്ലാതെയാണ് ഞാന്‍ എഴുതുന്നത്‌ . എനിക്കതിന്റെ ആവശ്യങ്ങള്‍ ഇല്ല .അങ്ങനെ വല്ല അബദ്ധ ധാരണകള്‍ ഉണ്ടെങ്കില്‍ ഗുരുവിന്റെ മനസ്സില്‍ നിന്നും മാറ്റുക . എനിക്ക് ഞാന്‍ മാത്രം മതി . എനിക്കിഷ്ടപ്പെടാത്ത കാര്യങ്ങള്‍ തുറന്നെഴുതുവാന്‍ വേണ്ടിയാണ് ഞാന്‍ ബ്ലോഗ്‌ ഉപയോഗിക്കുന്നത് . കൂട്ടത്തില്‍ അല്പം ഗവിതയും ഗതയും അങ്ങനെ അന്നം മുടങ്ങാതെ പോകുന്നു . എന്നാല്‍ ഇങ്ങനെ തുറന്ന് എഴുതുന്നതില്‍ അതിലെനിക്കാരെയും ഭയവുമില്ല .

ഗുരുവിന്റെ സംശയങ്ങളും സങ്കടങ്ങളും പ്രയാസങ്ങളും ഇതിനോടകം മാറിക്കാണും എന്ന് വിശ്വസിക്കുന്നു .അതുപോലെ ഇനിയും എന്നെ ചൊറിയാന്‍ വരില്ല എന്ന പൂര്‍ണ്ണ വിശ്വാസത്തോടെ കൂടിയും

ഗുരുവിന്റെ എരുമ ശിഷ്യന്‍ .

 Sd/-

Friday, November 27, 2009

വൈറ്റ് ഹൗസില്‍ നടന്നതെന്ത് ? ‍


ലോകത്തിലെ ഒന്നാം നമ്പര്‍ സെക്യൂരിറ്റികളെ വെട്ടിച്ച് വൈറ്റ് ഹൗസിനുള്ളില്‍ പ്രവേശിച്ച ഈ വനിതയാരാണ് ?





ഇന്ത്യന്‍ പ്രധാനമന്ത്രി മന്‍മോഹന്‍സിംഗ് ഒബാമയെ സന്ദര്‍ശിച്ചപ്പോള്‍ കനത്ത സുരക്ഷയെ വെട്ടിച്ച് അകത്ത് പ്രവേശിച്ച മൈക്കില്‍ സലേഹിയും ഭര്‍ത്താവ് താരിക്കും ഒബാമയെ  സന്ദര്‍ശിച്ചു . സന്ദര്‍ശക പട്ടികയില്‍ ഇല്ലാത്ത ഇവര്‍ എങ്ങനെ അകത്തു കടന്നു എന്നത് ഉദ്യോഗസ്ഥരെ വെട്ടിലാക്കി .


 
 
എന്താണ് ഇവര്‍ ഗേറ്റിലെ കാവല്‍ ഉദ്യോഗസ്ഥരോട് പറഞ്ഞത് എന്നത് വ്യക്തമല്ല എങ്കിലും , ഇന്ത്യന്‍ വസ്ത്രം ധരിച്ച് ( സാരി ) അകത്ത് പ്രവേശിച്ച ഇവരുടെ ഉദ്ദേശം എന്തായാലും , അമേരിക്കയിലെ നിയമ നടപടികള്‍ നേരിടേണ്ടി വരും എന്നത് ഉറപ്പായി .
 
 ഈ സംഭവം വൈറ്റ് ഹൗസ് സുരക്ഷാ ഉദ്യോഗസ്ഥരെയും , മൈക്കിള്‍  ദമ്പതികളെയും വെട്ടിലാക്കുകയും അതേ സമയം തന്നെ സു(കു )പ്രസിദ്ധരാക്കുകയും ചെയ്തിരിക്കുന്നു .




Wednesday, November 25, 2009

ഞാന്‍ ബ്ലോഗെഴുത്ത് നിര്‍ത്തി


ബ്ലോഗെഴുതി തളര്‍ന്നു തകര്‍ത്ത കമ്പ്യൂട്ടര്‍



രണ്ട് വര്‍ഷം . കുറെയധികം ചവറുകള്‍ , കുറെ ചവറുകള്‍ ചേര്‍ത്ത് ഒരു പുസ്തകം ,തല്ലും തലോടലുകളും .നിര്‍ത്തി .എല്ലാം നിര്‍ത്തി മതിയാക്കി പോകുകയാണ് .ബ്ലോഗ്‌ എഴുതി തളര്‍ന്നു കേടായ കമ്പ്യൂട്ടര്‍ തല്ലിത്തകര്‍ത്ത് വിട പറയുകയാണ്‌ . മുന്‍പ് പല തവണ പറഞ്ഞത് പോലെ ഇക്കുറിയും പറയും എന്ന് കരുതിയെങ്കില്‍ നിങ്ങള്‍ക്ക് തെറ്റി . ശരിക്കും കമ്പ്യൂട്ടര്‍ തകര്‍ത്ത് പോകുകയാണ്
ലാല്‍ സലാം ബ്ലോഗേര്‍സ്

Tuesday, November 24, 2009

മന്‍മോഹന്‍സിംഗ് ലോക നേതാവ്



ഇന്ത്യന്‍ പ്രധാനമന്ത്രി മന്‍മോഹന്‍സിംഗ് ഏഷ്യയുടെ മാത്രം നേതാവല്ല മറിച്ച് ലോകത്തിന്റെ തന്നെ നേതാവായി ഉയര്‍ന്നു വരികയാണ് എന്ന് അമേരിക്കന്‍ പ്രസിഡന്റ്‌ ഒബാമ . ഇത്തരത്തില്‍ ഒരു പ്രസ്താവന ഒരു ഇന്ത്യന്‍ പൌരന്‍ എന്ന നിലയിലും അമേരിക്കയിലെ താമസക്കാരന്‍ എന്ന നിലയിലും എന്നെ സംബന്ധിച്ച് സന്തോഷം തരുന്ന ഒരു പ്രസ്താവനയാണ് .പ്രധാനമന്ത്രി മന്‍മോഹന്‍ സിംഗ് അമേരിക്ക സന്ദര്‍ശിച്ച വേളയിലാണ് ഒബാമ ഇത്തരത്തില്‍ ഒരു പ്രസ്താവന നടത്തിയത് .


കഴിഞ്ഞ ചൈന സന്ദര്‍ശന വേളയില്‍ ചൈനയെ ഏഷ്യയുടെ നേതാവ് എന്ന് വിശേഷിപ്പിച്ചത്‌ വിവാദങ്ങള്‍ക്ക് ഇട വരുത്തിയിരുന്നു .മാത്രമല്ല ഇന്ത്യയെ ആണവ ശക്തി എന്നും ഒബാമ വിശേഷിപ്പിച്ചു .ഇന്ത്യയെ ആണവശക്തി എന്ന് പരസ്യമായി വിശേഷിപ്പിച്ച ഒബാമ , എന്നാല്‍ ഇന്ത്യയും അമേരിക്കയും അണ്വായുധ വ്യാപനത്തിന് എതിരെ ഇരു രാജ്യങ്ങളും ഒരുമിച്ചു പ്രവര്‍ത്തിക്കുമെന്നും ഒബാമ കൂട്ടി ചേര്‍ത്തു .

മന്‍മോഹന്‍ സിംഗിന്റെ ക്ഷണം സ്വീകരിച്ച് അടുത്ത വര്‍ഷം ഒബാമ ഇന്ത്യ സന്ദര്‍ശിക്കും .ഇന്ത്യ -അമേരിക്ക ആണവക്കരാര്‍ എത്രയും വേഗം നടപ്പിലാക്കും എന്ന് ഒബാമ വ്യക്തമാക്കി .ചില നടപടിക്രമങ്ങള്‍ കൂടി ഈ കാര്യത്തില്‍ ആവശ്യമുണ്ട് എന്ന സിംഗിന്റെ പ്രസ്താവനക്ക് പക്ഷേ അനുകൂലമായ ഒരു മറുപടി പറയുവാന്‍ ഒബാമ തയ്യാറായില്ല . മാത്രമല്ല പാകിസ്താന്‍ ഇന്ത്യ പ്രശ്നങ്ങളില്‍ അമേരിക്ക ഇടപെടില്ല എന്നും ഒബാമ പറഞ്ഞു .




എന്നാല്‍ മന്‍മോഹന്‍ സിംഗ് അമേരിക്കയില്‍ ആയിരുന്നിട്ടും മനസ് മുഴുവന്‍ ഇന്ത്യയില്‍ ആയിരിക്കണം കാരണം ലിബറാന്‍ കമ്മിഷന്‍ റിപ്പോര്‍ട്ട്‌ ചോര്‍ന്നതിന്റെ പേരില്‍ ഇനി പാര്‍ലമെന്റില്‍ എടുക്കേണ്ട തീരുമാനങ്ങളെക്കുറിച്ച് ഏറെ നേരം ഫോണില്‍ സോണിയാ ഗാന്ധിയുമായും മറ്റ് നേതാക്കളുമായും സംസാരിക്കുകയുണ്ടായി .  
ഇനി എന്തെല്ലാം നടക്കും എന്ന് കണ്ടറിയണം . മന്‍മോഹന്‍സിംഗ് നേരിടാന്‍ പോകുന്നത് ഒരഗ്നി പരീക്ഷണം ആകുമോ ? കാണാന്‍ പോകുന്ന പൂരം കണ്ടു തന്നെ തീരണം .

Monday, November 23, 2009

ബെര്‍ളിയുടെ പേന ലേലം ചെയ്യുന്നു .

അന്തരിച്ച പ്രശസ്ത പോപ്പ് സംഗീത ചക്രവര്‍ത്തി മൈക്കല്‍ ജാക്ക്സണ്‍ന്റെ കയ്യുറ കഴിഞ്ഞ ശനിയാഴ്ച ലേലം ചെയ്യപ്പെടുകയുണ്ടായി . US $ 350000 നാണ് ആ ഗ്ലോവ് ലേലം ചെയ്യപ്പെട്ടത് .

അതിനെ തുടര്‍ന്ന് ബൂലോകത്തെ പ്രശസ്തരായ ബ്ലോഗര്‍മാരുടെ ചില വിശിഷ്ട വസ്തുക്കളും ലേലം ചെയ്യണം എന്ന ഒരു തീരുമാനം ഉണ്ടായിട്ടുണ്ട് . താഴെ പറയുന്നവയാണ് ലേല വസ്തുക്കള്‍ .


മലയാള ബ്ലോഗിലെ രാജകുമാരന്‍ ( കട : മമ്മൂട്ടി ) ബെര്‍ളി ബ്ലോഗ്‌ ചെയ്യാന്‍ ഉപയോഗിക്കുന്ന പേന .




മലയാള ബ്ലോഗിന്റെ നാറാണത്ത് ഭ്രാന്തന്‍ നട്ടപിരാന്തന്റെ നട്ടത്തലയിലെ മൊട്ട്.

പിന്നെ ചില പഴകിയ ബര്‍മുടകള്‍ പാന്റീസ് എന്നിവയാണ് തല്ക്കാലം ലേലത്തിനായിട്ട് തയ്യാര്‍ ചെയ്യപ്പെട്ടിട്ടുള്ളത് .



ഏറ്റവും കൂടുതല്‍ തുകക്ക് ലേലം ഉറപ്പിക്കും . ലേലത്തിന് മുന്നായി ആശ്രമ കമ്മറ്റിയില്‍ നിരത ദ്രവ്യം കെട്ടിവെയ്ക്കെണ്ടാതാണ് .

മറ്റ് വല്ല വിശിഷ്ട വസ്തുക്കളും ലേലം ചെയ്യുവാനായിട്ട് ഉണ്ടെങ്കില്‍ കൊണ്ടുവരാന്‍ ഉള്ള സൌകര്യങ്ങള്‍ ഒരുക്കിയിട്ടുണ്ട് .

Friday, November 13, 2009

ഞാനൊരു സംഭവം തന്നെ !!!

വാര്‍ത്ത മുഴുവനായി വേണമെങ്കില്‍ ഇവിടെ ക്ലിക്കൂ


ആനക്ക് ആനയുടെ വിലയറിയില്ല എന്ന് പറഞ്ഞത് പോലെയാണ് എനിക്കും . എന്നാല്‍ ഇന്നെനിക്ക് ബോധ്യമായി ഞാനൊരു സംഭവമാണ് എന്ന് . ഒരു നിസാര സംഭവമല്ല ഒരു അതിഭയങ്കര സംഭവം .ആ സംഭവം കാണുവാന്‍ താഴെയുള്ള വാര്‍ത്തയില്‍ ക്ലിക്കി ക്ലിക്കി വായിക്കുക .അഭിപ്രായങ്ങള്‍ അവിടെ രേഖപ്പെടുത്താന്‍ മറക്കല്ലേ പ്രിയപ്പെട്ടവരേ .

ഈ വെന്നിക്കൊടി വെന്നിക്കൊടി എന്നൊക്കെ പറഞ്ഞാല്‍ ചില്ലറ സംഭവം വല്ലതുമാണോ ? വാര്‍ത്ത കൊടുത്ത കേരള ടൈംസ്‌ ചാനലിനും പ്രവര്‍ത്തകര്‍ക്കും ഈ സമയം എന്‍റെ പേരിലും എന്‍റെ എല്ലാ സഹപ്രവര്‍ത്തകരുടെ പേരിലും ബൂലോകത്തിന്റെ നാമത്തിലും ഈ സമയം നന്ദി അറിയിക്കുന്നു .

വാര്‍ത്ത ഇവിടെ വായിക്കാം

Friday, November 6, 2009

ചിത്രകാരന്റെ ബ്ലോഹ്മം

തോന്ന്യാശ്രമത്തിലെ  സ്വാമി  മാത്രമല്ല  ബ്ലോഗില്‍ ഹോമം ( ബ്ലോഹ്മം ) നടത്തുന്നത് . സാക്ഷാല്‍ ചിത്രകാരനും ബ്ലോഹ്മം നടത്തുവാന്‍ തീരുമാനിച്ചു. കൂടുതല്‍ വാര്‍ത്തകള്‍ക്ക് ഇവിടെ അമര്‍ത്തി ഞെക്കുക .

ഒരു പാവം പിടിച്ച ഷട്ടി 
ആല്‍ത്തറയില്‍ കുറെ ദിവസന്ങള്‍ക്ക്  മുന്‍പ്‌ ഉണക്കാന്‍ ഇട്ടു എന്നതിന്റെ പേരില്‍ ആല്‍ത്തറയെ ചിന്തയില്‍ നിന്നും നീക്കം ചെയ്തിരുന്നു .
ബൂലോക പ്രമാണിമാരെ , കടവുളുകളെ എന്‍റെ ആല്‍ത്തറയെ  ഈ ബ്ലോഹ്മത്തിനു ശേഷമെങ്കിലും നിങ്ങള്‍  വീണ്ടെടുത്തു തരൂ .
അങ്ങനെ  നീക്കം  ചെയ്തത്  കൊണ്ടാണ് മറ്റ് ബ്ലോഗുകളില്‍ ആല്‍ത്തറയിലെ ലിങ്കുകള്‍ കൊടുക്കുന്നത് . മാപ്പാക്കണം . പൊറുക്കണം !!.
കാപ്പിലാനെ  ബൂലോകത്തുള്ളവര്‍ കാത്ത് രക്ഷിക്കണം .
ഇനി ബ്ലോഹ്മം ഇവിടെ കാണാം .  ചിത്രകാരന്റെ ബ്ലോഹ്മം

Tuesday, November 3, 2009

കവികള്‍ക്ക് യാത്രാ പദ്ധതി:ഏകാന്തന്‍

ബ്ലോഗില്‍ അടുത്ത കാലത്തായി ആക്രമണം നേരിടുന്ന കവികള്‍ക്ക് തീര്‍ഥയാത്രാ പദ്ധതി നടപ്പാക്കുമെന്ന് ബൂലോക ഉപ തെരഞ്ഞെടുപ്പ് സ്ഥാനാര്‍ഥി ഏകാന്ത പഥികന്‍ പ്രസ്താവിച്ചു. ഈ പ്രസ്താവന ചട്ട ലംഘനമല്ലേയെന്ന ചോദ്യത്തിന് ചട്ട ലംഘനം നടത്തുന്നത് ഈ ഉപ തെരഞ്ഞെടുപ്പില്‍ ഒരു പ്രശനമല്ലാതെ ആയിരിക്കുന്ന സാഹചര്യത്തില്‍ സംയമനത്തിന്‍റെ മഞ്ഞുരുക്കി താനും വാഗ്ദാന പെരുമഴ പെയ്യിക്കുമെന്ന് ഏകാന്തന്‍ ഊന്നിപ്പറഞ്ഞു. കഴിഞ്ഞ ദിവസം വെളിച്ചെണ്ണയും കടുകും വാഗ്ദാനം ചെയ്ത സ്ഥാനാര്‍ഥിണിയുടെ പ്രസംഗം ശ്രദ്ധയില്‍പ്പെടുത്തിയിട്ടും ബൂലോക തിരഞ്ഞെടുപ്പ് കമ്മീഷണര്‍ അനങ്ങാപ്പാറ നയമാണ് സ്വീകരിച്ചത്. അതിനെതിരെ പ്രതിഷേധിക്കും.

ബൂലോകത്തെ ദിനേന ഏറ്റവും സജീവമാക്കുന്ന കവികള്‍ അനാവശ്യമായി ആക്രമിക്കപ്പെടുമ്പോള്‍ അവരുടെ മനസ് ശാന്തമാകാന്‍ വേണ്ടത് ചെയ്യണം. അതിനായി കോടമഞ്ഞ് നിറഞ്ഞ സ്ഥലങ്ങളിലേക്കായിരിക്കും തീര്‍ഥയാത്ര സംഘടിപ്പിക്കുന്നത് . ആദ്യ ഘട്ട്ത്തില്‍ സാഹിത്യത്തിന്‍റെ പുണ്യമുറങ്ങുന്ന തസ്രാക്കിലേക്കായിരിക്കും ഏകാന്തന്‍ കവികളെ നയിക്കുക. അതിനു ശേഷം കുടജാദ്രിയില്‍ പോകാനും പദ്ധതിയുണ്ട്. എല്ലാം ധാന്യത്തീന്‍റെ അളവിനെ ആശ്രയിച്ചാണിരിക്കുന്നത്. ഉപതെരഞ്ഞെടുപ്പ് കഴിഞ്ഞയുടനെ യാത്രയുണ്ടാകുമെന്നും കഴിയുന്നത്ര കവികളെ ഇതിനായി താന്‍ നേരിട്ട് കാണുമെന്നും ഏകാന്തന്‍ പറഞ്ഞു.
കവികളുടെ സര്‍ഗശേഷിയെ വീണ്ടും ഉണര്‍ത്താന്‍ ഈ യാതാപരിപാടി തീര്‍ച്ചയായും സഹായിക്കും. ചോദ്യ ശരങ്ങളേറ്റ് പിടയുന്ന മനസുകളുടെ മുറിവുണക്കാന്‍ യാത്ര പോലെ മറ്റൊരു മറുമരുന്നില്ല. ബ്ലോട്ട് രേഖപ്പെടുത്തി രേഖപ്പെടുത്തി ചൂണ്ടൂ വിരല്‍ മുറിയുന്ന ഷാപ്പന്നൂര്‍ ബ്ലോട്ടേഴ്സിനും ഒരു യാത്രയൊക്കെ ആവാമെന്ന് അദ്ദേഹം കൂട്ടിച്ചേര്‍ത്തു.

Sunday, November 1, 2009

The heat is on .


ബൂലോക ഉപ തിരഞ്ഞെടുപ്പ് നടക്കുന്ന ഷാപ്പന്നൂര്‍ മണ്ഡലത്തില്‍ നിന്നും ബ്ലോഗായനം വിഷന് വേണ്ടി സുരേഷ് റിപ്പോര്‍ട്ട്‌ ചെയ്യുന്ന തിരഞ്ഞെടുപ്പ് അവലോകനം .


ബൂലോകം ‍ പിങ്ക് ജട്ടികള്‍ എറിഞ്ഞ് കളിക്കുമ്പോള്‍ ആശ്രമത്തില്‍ കഴിഞ്ഞ ഒരാഴ്ചക്കാലമായി ഷാപ്പന്നൂര്‍ ഉപ തിരഞ്ഞെടുപ്പിന്റെ തീക്കാറ്റുകള്‍ വീശുന്നു . അമേരിക്കയില്‍ അസ്ഥിയെ ഘനീഭവിക്കുന്ന തണുപ്പുകാലം വരുവാന്‍ ഇനി നാളുകള്‍ മാത്രം . എന്നാല്‍ ബൂലോകം വരും നാളുകളില്‍ കൂടുതല്‍ ചൂടാകുന്നതിന്റെ ലക്ഷണങ്ങള്‍ കണ്ടു തുടങ്ങി . വരും നാളുകളില്‍ ബൂലോകത്തിന്റെ ഓസോണ്‍ പാളികള്‍ ദ്രവിച്ചു മഞ്ഞുകള്‍ ഉരുകും എന്ന് തന്നെയാണ് ആശ്രമ കാലാവസ്ഥ നിരീക്ഷകര്‍ അറിയിക്കുന്നത് .


കാപ്പിലാന്‍ മുന്നണിക്ക്‌ വേണ്ടി മത്സര രംഗത്ത് ഇറങ്ങിയ നരിയെ ബൂലോകര്‍ ആര്‍പ്പോട് കൂടി സ്വീകരിച്ചു. തന്റേതായ സ്വാര്‍ത്ഥ ലാഭത്തിനു പിന്നാലെ പായാതെ മുന്നണി വിജയം മാത്രം മുന്നില്‍ കണ്ടുകൊണ്ട് , ആശ്രമഭരണത്തിന്റെ സുഗമമായ നടത്തിപ്പിന് വേണ്ടി അഹോരാത്രം പണിയെടുക്കുകയാണ് നരിക്ക് പല സ്ഥലത്തും ഊഷ്മളമായ വരവേല്‍പ്പുകള്‍ ലഭിച്ചു . എന്നാല്‍ ചില സ്ഥലങ്ങളില്‍ നിന്നും ബൂലോകരുടെ മുന്നില്‍ തന്റേതായ ഭൂതകാലത്തിന്റെ കറുത്ത പാടുകള്‍ മറയ്ക്കുന്ന കൂളിംഗ്‌ ഗ്ലാസ്‌ അക്രമികള്‍ തകര്‍ക്കുവാന്‍ ശ്രമിച്ചത് ആശ്രമത്തില്‍ ഒരു സംഘര്‍ഷത്തിന് ഇട വരുത്തി . മാത്രമല്ല കാപ്പിലാന്‍ മത്സരത്തില്‍ നിന്നും മാറി നിന്ന് നരി എന്ന മന്‍മോഹന്‍ സിംഗിനെ മത്സരരംഗത്തേക്ക്‌ അയച്ചത് മുന്നണിയുടെ പരാജയ ഭീതി കാരണം എന്ന എതിര്പക്ഷത്തിന്റെ വാദങ്ങള്‍ തക്കതായ മറുപടികള്‍ കൊണ്ട് സമര്‍ത്ഥനായ മുന്നണി പടയാളി മടക്കി അയച്ചു . ഫേസ്ബുക്ക്‌ കൃഷിയിടങ്ങളില്‍ പണിയെടുക്കുന്ന കര്‍ഷകരെ സന്ദര്‍ശിക്കുവാന്‍ അദ്ദേഹം നാളെ യാത്ര തിരിക്കും .


എതിര്പക്ഷത്തിനു വേണ്ടി ഇറങ്ങിയ സുനില്‍ പണിക്കര്‍ , തന്റെ ആദ്യ ശ്രമങ്ങള്‍ക്ക് ശേഷം ഒരു പരാജയ ഭീതി കൊണ്ട് പാളയത്തിലേക്ക് മടങ്ങുന്ന ഒരു കാഴ്ചയാണ് തിരഞ്ഞെടുപ്പ് പ്രചാരണത്തിന്റെ ആദ്യ ആഴ്ച പിന്നിടുമ്പോള്‍ കാണുന്ന ദൃശ്യം . ഷാപ്പന്നൂര്‍ തിരഞ്ഞെടുപ്പിന്റെ പ്രചാരത്തിന് വേണ്ടി കവികളുടെ ഇടയില്‍ നടത്തിയ പ്രചാരണം വന്‍ തിരിച്ചടിയായി മാറിയത് പണിക്കരുടെ ഇമേജിനെ സാരമായി ബാധിച്ചു . തന്റെ ചിഹ്നമായ ഫോണ്‍ ഉപയോഗിച്ച് പല വന്‍ തോക്കുകളെയും വിളിച്ചു ഭീക്ഷണിപ്പെടുത്തിയത് തിരഞ്ഞെടുപ്പില്‍ വന്‍ തിരിച്ചടികളാകും .എന്നാല്‍ വരും നാളുകളില്‍ പണിക്കര്‍ ഒരു വന്‍ ശക്തിയായി തിരിച്ചെത്തും എന്നും ആശ്രമ കാലാവസ്ഥ നിരീക്ഷകര്‍ അറിയിക്കുന്നു . അതുകൊണ്ട് തന്നെ മത്സര രംഗം കൂടുതല്‍ ചൂട് പിടിക്കും .


ഏകാന്ത പഥികന്‍ ഷാപ്പന്നൂരിന്റെ തെക്കന്‍ ഭാഗങ്ങളില്‍ പ്രചരണം പൂര്‍ത്തിയാക്കിയതായി അറിയിച്ചു . എന്നാല്‍ ഒരു വന്‍ ശക്തിയായി വരുവാനുള്ള സാധ്യത ഈ സമയം ഉണ്ടാകില്ല എന്നതാണ് സൂചന .


തിരഞ്ഞെടുപ്പില്‍ വന്‍ ശക്തിയായി , കാപ്പിലാന്‍ മുന്നണിക്ക്‌ ഭീക്ഷണിയായി വരും എന്ന് കരുതിയ സര്‍ .പൊങ്ങ്സ് പരാജയ ഭീതി കാരണമോ , തന്റെ ചിഹ്നമായ ഓ സി ആര്‍ കാലിയാക്കിയതിന്റെ ക്ഷീണമോ കാരണം ഇതുവരെയും മത്സര രംഗത്ത് വന്നിട്ടില്ല . ഷാപ്പന്നൂര്‍ നിവാസികള്‍ പൊങ്ങ്സില്‍ ഒരു പരാജയ ഭീതി നിഴലിക്കുന്നത് കൊണ്ടാണോ എന്ന സംശയവും ഉന്നയിക്കുന്നു . എന്നാല്‍ പൊങ്ങ്സിന്റെ ആരാധകര്‍ കരുതുന്നത് പോലെ ലേറ്റ് ആയാലും ലേറ്റസ്റ്റ് ആയി പൊങ്ങി പിന്നെ മുങ്ങാന്‍ വരുമോ എന്നതും ആശങ്കയിലാണ് . പൊങ്ങ്സിനെ മത്സര രംഗത്ത് എത്തിക്കുവാന്‍ ഒരു ഉന്നത തല സംഘം തിരുവനന്തപുരത്തേക്ക് യാത്ര തിരിച്ചു .


മറ്റ് സ്ഥാനാര്‍ഥികളായി മത്സര രംഗത്ത് ഉള്ള ചില വനിതാ രക്ത്നങ്ങള്‍ അസാമാന്യ ധീര വനിതാ ചീനിച്ചട്ടി അടയാളം , വല്‍സ , മറിയ തുടങ്ങിയവരാണ് . ഇവര്‍ മത്സര രംഗത്ത് അരയും മാറും മുറുക്കി തന്നെ നില്‍പ്പുണ്ട്‌ . എന്നാല്‍ ഇന്ന് ആരോ പറഞ്ഞത് കൊണ്ട് അസാമാന്യ ധീര വനിതാ കിണറ്റില്‍ ചാടാന്‍ പോയത് ആശ്രമത്തില്‍ സംഭ്രമത്തിന് ഇടയാക്കി . വരും നാളുകളില്‍ ഈ സ്ത്രീ ജനങ്ങള്‍ കൂടുതല്‍ നല്ല പ്രകടനം കാഴ്ച വെയ്ക്കും എന്ന് പ്രതീക്ഷിക്കുന്നു .


ഇപ്പോള്‍ ഷാപ്പന്നൂര്‍ മണ്ഡലം തിരഞ്ഞെടുപ്പിന്റെ ചൂടന്‍കാറ്റുകള്‍ അടിക്കുന്നു . വരും നാളുകളില്‍ ചിത്രം കൂടുതല്‍ വ്യക്തമാകും . ബൂലോകത്തിന്റെ മുഴുവന്‍ കണ്ണുകളും ഇപ്പോള്‍ ഈ തിരഞ്ഞെടുപ്പിനെ ഉറ്റു നോക്കുന്ന ഒരു ദൃശ്യമാണ് നമുക്ക് കാണാന്‍ കഴിയുന്നത്‌ .


ബ്ലോഗായനം വിഷന് വേണ്ടി സുരേഷ് ,ഷാപ്പന്നൂര്‍ .

സബ്സിഡി വാഗ്ദാനം:ബിപണിയില്‍ വന്‍ കയറ്റം


ഫാം വിലെയിലുള്ള ബ്ലോടേഴ്സിനു സബ്സിഡി ലഭ്യമാക്കാന്‍ പരിശ്രമിക്കുമെന്ന് ഭരണപക്ഷം പ്രകടന പത്രികയിലൂടെ വിളിച്ചോതിയത് സ്ഥാനാര്‍ഥി നരിക്കുന്നന്‍ ആവര്‍ത്തിച്ചതോടെ കര്‍ഷകര്‍ പൂര്‍വ്വാധികം ശക്തിയോടെ വയലിലിറങ്ങിയതിന്‍റെ ഫലമായി ബൂലോക ബിപണിയിലും ഉണര്വ്വ് ദൃശ്യമായി. മിനിയാന്ന് ബിപണി പയിനായിരം കടന്ന് ക്ലോസ് ചെയ്തു. യൂയേയീ മീറ്റ് ദിന വ്യാപാരത്തിലാണ് ബിപണിയിലെ നിലവിലുള്ള റെക്കോട് തകര്‍ന്നത്.

പൊതുവെ ഒരു കര്‍ഷക വിരുദ്ധനായിരുന്ന വാഴക്കോടന്‍ പോലും ഊര്‍ജ്ജസ്വലമായ കര്‍ഷക തന്ത്രം കാഴ്ച വയ്ക്കുകയാണ്. വാഴക്കൃഷിയില്‍ മൂന്നു മാസ്റ്റര്‍ ഡിഗ്രിയോടെ മുന്നിലെത്താനാണ് തന്‍റെ ശ്രമമെന്ന് രാപ്പകല്‍ വെള്ളം കോരുന്നതിനിടയില്‍ വാഴക്കോടന്‍ അറിയിച്ചു. പുതിയ ഭരണം നിലവില്‍ വരുമ്പോള്‍ കാര്‍ഷികോപകരണ സബ്സിഡി കൂടിയുണ്ടായാല്‍ അയല്‍ കൃഷിയിടങ്ങളുടെ അതിരു മാന്താനുള്ള ഉപകരണം വികസിപ്പിക്കുമെന്ന് വാഴക്കോടന്‍ പറഞ്ഞു.

കൃഷി എന്നു കേട്ടാല്‍ ങ്യാഹഹ എന്ന് ചിരിച്ചിരുന്ന പകലനു സംഭവിച്ച മാറ്റം കര്‍ഷകരിലും മണ്ഡലത്തിലും അത്ഭുതമുളവാക്കി. ഇരുട്ടി വെളുത്തപ്പോള്‍ കനത്ത സ്ട്റോബറി കൃഷിയുമായി പകലന്‍ രംഗത്തെത്തുക ആയിരുന്നു. കൃഷിയില്‍ ചില 'സംഗതികള്‍' പരീക്ഷിക്കുമെന്നും സ്ഥിരതയുള്ള ഭരണം ലഭ്യമായാല്‍ ഉറപ്പായ സബ്സിഡിയില്‍ വലിയ പ്രതീക്ഷയുണ്ടെന്നും പകലന്‍ കൂട്ടിച്ചേര്‍ത്തു.

ഇത് ഭരണപക്ഷത്തിന്‍റെ മലക്കം മറിച്ചിലായി വ്യാഖ്യാനിച്ച പോങ്സ് കര്‍ഷകര്‍ക്ക് ആകര്‍ഷകമായ ഫാം 'ക്വോട്ട' നടപ്പാക്കുമെന്ന് പ്രസ്താവിച്ചു.

നരിക്കുന്നന്‍റെ വാഗ്ദാനത്ത മറികടക്കാനായി, കോടമഞ്ഞ് വക വയ്ക്കാതെ പര്യടനം തുടരുന്ന ഏകാന്തന്‍ മഞ്ഞിന്‍റെ മറവില്‍ കര്‍ഷകര്‍ക്ക് കോടയും ഷേക്ക് ഹാന്‍ഡും പദ്ധതി ആസൂത്രണം ചെയ്യുന്ന തിരക്കിലാണെന്ന് അദ്ദേഹത്തിന്‍റെ വക്താവ് അറിയിച്ചു.

പണിക്കര്‍ ഇന്ന് ഈ വിഷയത്തില്‍ പ്രതികരിക്കാമെന്ന് അറിയിച്ചിട്ടുണ്ട്. എതിര്‍ സ്ഥാനാര്‍ഥി പോങ്സിനെ അന്വേഷിച്ച് പോയിരിക്കയാണ് പണിക്കര്‍.

Thursday, October 29, 2009

തെരഞ്ഞെടുപ്പു പുനര്‍വിജ്ഞാപനം






പുതിയ സംഭവ വികാസങ്ങളുടെ അടിസ്ഥാനത്തിലാണീ പുതു വിജ്ഞാപനമെന്ന് ആദ്യമേ തന്നെ ബഹുമാനപ്പെട്ട സമ്മതിദായകരെ അറിയിച്ചുകൊള്ളുന്നു.സര്‍ പോങ്ങുവിന്റെ ചിഹ്നം ഓ.സി.ആര്‍ കുപ്പിയായിരിക്കുമെന്ന് കമ്മിഷന്‍ ഇതിനാല്‍ പ്രഖ്യാപിക്കുന്നു. പ്രചാരണത്തിനായി ചിഹ്നം ഉപയോഗിക്കാമെന്നതിനാല്‍ പോങ്ങുവിനു മദ്യം വിളമ്പുന്നതില്‍ ഇമ്മ്യൂണിറ്റി ഉണ്ടായിരിക്കും.മറ്റു സ്ഥാനാര്ത്ഥികള്‍ തെരഞ്ഞെടുപ്പു പ്രചാരണത്തിനായി മദ്യം ഉപയോഗിക്കാന്‍ പാടുള്ളതല്ല. സ്വന്തം ചിഹ്നം ഉപയോഗിക്കാനനുവദിക്കണം എന്നു കാണിച്ച് സര്‍ പോങ്ങന്‍ സമര്‍പ്പിച്ച ഹര്‍ജി പരിഗണിച്ചാണ്‍ ഈ തീരുമാനം. ധീര വനിതയുടെ ചീനച്ചട്ടി ചിഹ്നവും അംഗീകരിച്ചു.

സര്‍ പോങ്സ് 'ബൂമികുലുക്ക'വുമായി ഗോദയില്‍



'ബൂമി കുലുങ്ങുന്നുണ്ടോ' എന്ന തീം സോങ്ങുമായി സര്‍ പോങ്സ് ഷാപ്പന്നൂര്‍ ബൂലോക ഉപ തെരഞ്ഞെടുപ്പില്‍ സ്വതന്ത്ര സ്ഥാനാര്‍ഥിത്വം പ്രഖ്യാപിച്ചു. ആശ്രമത്തില്‍ ലഭ്യമായ സീറ്റില്‍ പരിമിതമായ സ്ഥലത്ത് പണീപ്പെട്ട് ഇരുന്ന ശേഷം, സര്‍ പോങ്സ് ആശ്രമത്തില്‍ കുടി പ്രൊഫഷനല്‍സ് ഇക്കണോമിക് റിസഷന്‍ മൂലം കഷ്ടപ്പെടുന്നതായി താന്‍ മനസിലാക്കിയതായും അവരുടെ ഉദ്ധാരണത്തിനായി അരയും തലയും മുറുക്കി ഗോദയില്‍ ഇറങ്ങുകയാണെന്നും പ്രഖ്യാപിച്ചു.

ഓ.സി.ആര്‍ കുപ്പിയാണ് അദ്ദേഹത്തിന്‍റെ ചിഹ്നമായി പരിഗണിക്കപ്പെട്ടുകൊണ്ടിരിക്കുന്നത്. 'ചിഹ്നം' ഇപ്പോള്‍ ബൂലോക ഇലക്ഷന്‍ കമ്മീഷ്ണറുടെ മേശയിലാണുള്ളത്. ജല ദൗര്‍ലഭ്യം മൂലം കമ്മീഷ്ണര്‍ തീരുമാനം വൈകിക്കുകയാണെന്ന് റീപ്പോര്‍ട്ട് ചെയ്യപ്പെടുന്നു. ഇതിനിടെ പോങ്ങുമ്മൂടന്‍റെ സ്ഥനാര്‍ഥിത്വത്തില്‍ ഇളവനടിച്ച് ആനന്ദലബ്ധിയില്‍ ആറാടിയ രഘുനാഥനെ ആശ്രമം പൊലീസ് വിരട്ടിയതായി റിപ്പോര്‍ട്ട് ചെയ്യപ്പെടുന്നു.

പോങ്ങുമ്മൂടന്‍റെ പ്രകടന പത്രികയില്‍ നിന്ന് പ്രസക്തഭാഗങ്ങള്‍:

"‘ഷാപ്പന്നൂര്‍‘ നിയോജക മണ്ഡലത്തെ പ്രതിനിധീകരിക്കാന്‍ എന്തുകൊണ്ടും യോഗ്യന്‍ ഈ പോങ്ങുവാണെന്ന കാര്യം എന്റെ പ്രിയ സ്നേഹിതനായ നരിയ്യ്ക്കും അറിവുള്ളതാണല്ലോ. അതുകൊണ്ടുതന്നെ ഒരു സൌഹൃദമത്സരത്തിന് മെനക്കെടാതെ താങ്കള്‍ പത്രിക പിന്‍‌വലിയ്ക്കുമെന്ന് ഞാന്‍ കരുതുന്നു.
എന്നെ വിജയിപ്പിച്ചാല്‍ താഴെ പറയുന്ന കാര്യങ്ങള്‍ ഞാന്‍ നടപ്പില്‍ വരുത്തുന്നതാണ്.

1. പത്രം,പാല്‍ വിതരണം പോലെ എല്ലാ ദിവസവും രാവിലെ തന്നെ കുടിയന്മാര്‍ക്ക് ‘ഹാങ്ങോവര്‍’ മാറ്റാനായുള്ള മദ്യം സൌജന്യമായി അവരുടെ വീടുകളില്‍ എത്തിക്കുന്നതാണ്.

2. വര്‍ദ്ധിച്ചു വരുന്ന മദ്യക്ഷാമം പരിഹരിയ്ക്കുന്നതിലേയ്ക്കായി ‘വാളില്‍’ നിന്നും മദ്യം വേര്‍തിരിയ്ക്കുന്ന പദ്ധതി ആവിഷ്കരിയ്ക്കും.

3. ഓരോ 50 മീറ്റര്‍ ഇടവിട്ട് ശീതീകരിച്ച ഷാപ്പ് നടപ്പിലാക്കുകയും കുടിയന്മാര്‍ക്ക് സൌജന്യമായി ടച്ചിംഗ്സ് നല്‍കുകയൂം ചെയ്യുന്നതാണ്.

4. വഴിയരികില്‍ ഓഫായി കിടക്കുന്ന കുടിയ സഹോദരങ്ങളെ പട്ടി നക്കാതെ കാക്കാനും സമീപത്തായി കൊതുകുതിരി കത്തിച്ച് വയ്ക്കാനും പുതപ്പിയ്ക്കാനും മഴക്കാലമെങ്കില്‍ ടാര്‍പോളിന്‍ കൊണ്ട് മൂടാനും ദ്രുതകര്‍മ്മ സേനയെ ഏര്‍പ്പെടുത്തുന്നതാണ്.

5. റേഷന്‍ കട, മാവേലി സ്റ്റോര്‍ തുടങ്ങിയവ വഴി വില കുറഞ്ഞ വിദേശമദ്യം വിതരണം ചെയ്യുന്നതിനുള്ള നടപടികള്‍ ചെയ്യും.

6. സമൂഹത്തിലെ കപട സദാചാരികളില്‍ നിന്നും കുടിയന്മാരെ രക്ഷിക്കാന്‍ പ്രത്യേക പോലീസ് സേനയെ സൃഷ്ടിക്കുന്നതാവും.

7. സ്ത്രീകളെ മദ്യപാനത്തിന്റെ പ്രസക്തി മനസ്സിലാക്കിക്കൊടുക്കാനും അവരെക്കൂടി ഷാപ്പുകളിലേയ്ക്ക് ആകര്‍ഷിക്കാനുമുള്ള പദ്ധതികള്‍ തയ്യാറാക്കും.

8. കഷ്ടപ്പെട്ട് മദ്യപിച്ച് വീട്ടില്‍ വരുന്ന ഭര്‍ത്താക്കന്മാരെ പരിചരിക്കേണ്ട വിധം കുടിക്കൂട്ടം വഴി പ്രചരിപ്പിക്കുന്നതാണ്.

9. എല്ലാ കുടിയന്മാര്‍ക്കും 10 കിലോ കുത്തരി, 5 കിലോ പച്ചരി, 4 കിലോ ഗോതമ്പ്, 2 ലിറ്റര്‍ മണ്ണെണ്ണ, 100 രൂപയുടെ പച്ചക്കറികള്‍ മുതലായവ സൌജന്യമായി നല്‍കും.

10. പാമ്പായി പോവുന്ന മദ്യപനെ ചുരുങ്ങിയചിലവില്‍ അവരുടെ വീടുകളിലെത്തിക്കാനുള്ള സേവനവും ഓരോ ഷാപ്പിനു കീഴിലൂം നടപ്പിലാക്കും.

11. മദ്യ വിരുദ്ധ സമതിക്കാര്‍ക്കിട്ടും അവരുടെ വീടുക്കള്‍ക്കുനേരെയും എറിയാനുള്ള കല്ലുകള്‍ എല്ലാ ഷാപ്പുകളിലും സ്റ്റോക്ക് ചെയ്യ്യും.

12. ‘ കുടിയന്‍ നാടിന്റെ കെടാവിളക്ക് ‘ എന്ന പദ്ധതിയിലൂടെ കുടിയന്മാര്‍ക്ക് സമൂഹത്തില്‍ മാന്യസ്ഥാനം ലഭ്യമാക്കാനുള്ള വഴിയൊരുക്കും.

നമ്മുടെ ചിഹ്നം ഒ.സി.ആര്‍ കുപ്പി.
നമ്മുടെസ്ഥാനാര്‍ത്ഥി സര്‍ പോങ്ങു.

( മത്സരത്തില്‍ നിന്നും പിന്മാറിയാല്‍ നരിക്കുന്നന് കേരളത്തിലെഏത് ഷാപ്പില്‍ നിന്നും സൌജന്യമായി മദ്യപിക്കാനുള്ള ‘ഗോള്‍ഡ് കുടിയന്‍’ ലൈസന്‍സ് തരപ്പെടുത്തി തരുന്നതാണ് )

എല്ലാവര്‍ക്കും എന്റെ ചീയേഴ്സ്സ്വന്തം പോങ്ങു"
അപ്ഡേറ്റ്:

റിസഷന്‍ പ്രഹരമേറ്റ് ബാറുകളില്‍ നിന്ന് "തൊഴില്‍" നഷ്ടപ്പെട്ട് മടങ്ങി വരുന്നവര്‍ക്ക് പെന്‍ഷന്‍ ഏര്‍പ്പെടുത്തുമെന്നും സ്പെഷല്‍ 'ക്വാട്ട' ഏര്‍പ്പാടാക്കുമെന്നും സര്‍ പോങ്സ് ഒരു പൊതു സമ്മേളനത്തില്‍ പ്രസംഗിച്ചത് ചട്ട ലംഘനമാണെന്ന് ആരോപണമുയര്‍ന്നിട്ടുണ്ട്.

ഇതേ സമയം പ്രചരണം മൂന്നാം റൗണ്ട് പിന്നിട്ട നരിക്കുന്നന്‍ വോട്ടര്‍മാര്‍ക്ക് രഹസ്യമായി കൂളിംഗ് ഗ്ലാസ് വാഗ്ദാനം ചെയ്തതായി ആരോപണമുയര്‍ന്നത് സ്ഥാനാര്‍ഥി നിഷേധിച്ചു. താന്‍ പ്രചരണച്ചൂടില്‍ തളര്‍ന്നവര്‍ക്ക് കൂള്‍ ഡ്രിംഗ്സ് തരാമെന്നാണ് പറഞ്ഞതെന്ന് അദ്ദേഹം വിശദീകരിച്ചു.

രഹസ്യമായി ഭവന സന്ദര്‍ശനം നടത്തിക്കൊണ്ടിരിക്കുന്ന ഏകാന്തന്‍ ടച്ചിംഗ്സ് ശേഖരണത്തിനു ഇന്നലെ തുടക്കം കുറിച്ചു. ജല ദൗര്‍ലഭ്യമുണ്ടായാല്‍ സോഡ നല്‍കുമെന്ന് അദ്ദേഹം പറഞ്ഞു.

പണിക്കര്‍ പോങ്ങുമ്മൂടന്‍റെ സ്ഥാനാര്‍ഥിത്വത്തില്‍ ഒരു പേടിയുമില്ലെന്ന് വ്യക്തമാക്കി. എന്നും പുതുമ കൈവരിക്കുന്ന ഫോണ്‍ ചിഹ്നമായുള്ള തനിക്ക് പോങ്ങുമ്മൂടനെ തരിമ്പും പേടിയില്ല. ഒരങ്കത്തിനു എന്നും ബാല്യവും കൗമാരവും തനിക്കുണ്ടെന്നും പണിക്കര്‍ കൂട്ടിച്ചേര്‍ത്തു.

ഉപതെരഞ്ഞെടുപ്പില്‍ ബ്ലോഗിണീ സ്ഥാനാര്‍ഥിത്വം ഉടനുണ്ടാകാന്‍ സാധ്യതയുണ്ടെന്ന് ആശ്രമ വൃത്തങ്ങള്‍ സൂചിപ്പിച്ചു. ഇതിനിടെ ആശ്രമത്തിലെ ധാന്യക്കമ്മിയില്‍ ഉല്‍ക്കണ്ട രേഖപ്പെടുത്തിയ സ്വാമി കഴിഞ്ഞ തെരഞ്ഞെടുപ്പില്‍ പ്രചരണ ട്രെയിനും തട്ടിയെടുത്ത് സ്ഥലം വിട്ട മുന്നണി നേതാവ് ചാണക്യനെ കാണ്മാനില്ലാത്തതില്‍ ഉദ്വേഗം പ്രകടിപ്പിച്ചു.

Tuesday, October 27, 2009

തോന്ന്യാശ്രമം ഇന്ത്യന്‍ എക്സ്പ്രസില്‍













തോന്ന്യാശ്രമത്തെപ്പറ്റി ഇന്ത്യന്‍ എക്സ്പ്രസിലും വാര്‍ത്ത ലിങ്ക്: ഇവിടെ ക്ലീക്ക് ചെയ്യുക തോന്ന്യാശ്രമത്തില്‍ നടക്കുന്ന ബൂലോക ഉപ തെരഞ്ഞെടുപ്പിനെ അധികരിച്ചാണ് ഇന്ത്യന്‍ എക്സ്പ്രസില്‍ വാര്‍ത്ത വന്നത്.



(സ്ക്രീന്‍ ഷോട്ടുകള്‍ ക്ലീക്ക് ചെയ്ത് കാണുക).

കേരളത്തില്‍ വാശിയേറിയ ഉപതെരഞ്ഞെടുപ്പ് ചൂടു പിടിച്ചിരിക്കുന്ന സന്ദര്‍ഭത്തില്‍ തോന്ന്യാശ്രമത്തിലും ആവേശം ചോരാതെ നടക്കുന്ന ബൂലോക ഉപ തരഞ്ഞെടുപ്പ് മലയാള ബ്ലോഗിനു പുറത്തും ശ്രദ്ധിക്കപ്പെടുകയാണ്.


നേരത്തെ ആശ്രമത്തില്‍ നടന്ന അന്താക്ഷരി തുടങ്ങിയ ഒട്ടേറെ ശ്രദ്ധേയമായ പരിപാടികളെപ്പറ്റി മുഖ്യധാരാ മാധ്യമങ്ങളില്‍ പരാമര്‍ശം വന്നെങ്കിലും ആശ്രമത്തിലെ ഗ്രൂപ്പ് ബ്ലോഗിംഗിന്‍റെ ചടുലതയും, നര്‍മ്മവും കൈവിടാതെ ഇന്ത്യന്‍ എക്സ്പ്രസില്‍ വന്ന ആകര്‍ഷകമായ വാര്‍ത്ത ആശ്രമവാസികളും വായനക്കാരും സഹര്‍ഷം സ്വീകരിക്കുന്നു.

തോന്ന്യാശ്രമം എന്നും ലക്ഷ്യമിട്ടിരുന്ന സൗഹൃദാന്തരീക്ഷത്തെ വില മതിച്ച ഇന്ത്യന്‍ എക്സ്പ്രസിനും, ലേഖിക ആശാ അനിലിനും തോന്ന്യാശ്രമത്തിന്‍റെ നന്ദി രേഖപ്പെടുത്തുന്നു.
കഴിഞ്ഞ വര്‍ഷങ്ങളില്‍ തോന്ന്യാശ്രമത്തില്‍ അരങ്ങേറിയ ബ്ലോഗ് ഡ്രാമ, കഥാമത്സരം റിയാലിറ്റി ഷോ, ബ്ലോഗ് ക്രിക്കറ്റ് എന്നിവയ്ക്ക് മലയാള ബ്ലോഗര്‍മാരില്‍ നിന്ന് ആഘോഷ തുല്യമായ പ്രതികരണമാണ് ലഭിച്ചിരുന്നത്.

കഴിഞ്ഞ ലോക്സഭാ സമയത്ത് പാമരന്‍ (ഗോപന്‍) മുന്നോട്ടു വെച്ച ആശയമായിരുന്നു, ബ്ലോഗില്‍ ഒരു തെരഞ്ഞെടുപ്പ് നടത്തുക എന്നത്. തോന്ന്യാശ്രമത്തില്‍ ഏറ്റവുമധികം പിന്തുണ ലഭിച്ച പരിപാടിയായിരുന്നു അത്. ഡോ. ജെയിംസ് ബ്രൈറ്റ് ബൂലോക ഇലക്ഷന്‍ കമ്മീഷനറായി നടന്ന തെരഞ്ഞെടുപ്പ് വാശിയോടെ ആഴചകള്‍ നീണ്ടു. ദിവസങ്ങളില്‍ തോന്ന്യാശ്രമം ബ്ലോഗിലേക്ക് ഓരോ മണിക്കൂറിലും നൂറു കണക്കിനു ഹിറ്റുകള്‍ ലഭിക്കുകയുണ്ടായി. തെരഞ്ഞെടുപ്പില്‍ പ്രചരണം നടത്തുന്നതിനും, മത്സരിക്കുന്നതിനും, വോട്ടു ചെയ്യുന്നതിനും, പ്രേക്ഷകരായും ആദരണീയരയ അനേക ബ്ലോഗര്‍മാരെത്തിച്ചേര്ന്നത് ഗ്രൂപ്പ് ബ്ലോഗിംഗിന്‍റെ യഥാര്‍ഥ ശക്തിയും നര്‍മ്മത്തിലൂന്നിയ സൗഹൃദങ്ങള്‍ ഉടലെടുക്കുന്നതിനും വഴിയായി. വളരെപ്പെട്ടെന്ന് ഫോളോവര്‍മാരുടെ എണ്ണത്തിലും വര്‍ദ്ധനവുണ്ടായി.

2007 നവംബര്‍ മുതല്‍ ഇന്നത്തെ നിലയിലേക്ക് വളര്‍ന്ന തോന്ന്യാശ്രമത്തില്‍ ഗീതാഗീതികള്‍, ചാണക്യന്‍, പാമരന്‍ തുടങ്ങി ഇത്തവണ ഉപതെരഞ്ഞെടുപ്പില്‍ പങ്കെടുക്കുന്ന നരിക്കുന്നന്‍, സുനില്‍ പണീക്കര്‍, ഏകാന്ത പഥികന്‍ വരെ എത്രയോ പ്രഗത്ഭരായ മലയാള ബ്ലോഗര്‍മാര്‍ സൗഹൃദം പങ്കിട്ടുവെന്ന് അനുസ്മരിക്കുന്നു. ലോകത്തിന്‍റെ വിവിധ ഭാഗങ്ങളിലിരുന്ന് ഒരിക്കലും നേരില്‍ കാണുകയോ സംസാരിക്കുകയോ ചെയ്തിട്ടില്ലെങ്കിലും മലയാളം, ബ്ലോഗ് എന്നീ രണ്ട് ചരടുകളീലൂടെ ഒരുമിക്കുവാന്‍ തോന്ന്യാശ്രമം അന്നും ഇന്നും മലയാള ബ്ലോഗര്‍മാര്‍ക്ക് മുന്‍പില്‍ തുറന്നു കിടക്കുന്ന വേദിയാണ്.


ഇത്തവണ ബൂലോക ഉപതെരഞ്ഞെടുപ്പില്‍ നരിക്കുന്നനും പണിക്കരും ഏകാന്തനും ഗോദയില്‍ ഇറങ്ങുമ്പോള്‍ സൗഹൃദവും നര്‍മ്മവും നിറഞ്ഞ അന്തരീക്ഷത്തിന് ഗ്രൂപ്പ് ബ്ലോഗിംഗിന്‍റെ പശ്ചാത്തലം നല്‍കാന്‍ ബൂലോക വോട്ടര്‍മാരെയും വായനക്കാരെ സ്വാഗതം ചെയ്യുന്നു.

Monday, October 26, 2009

ഓരോ വോട്ടും നരിക്കുന്നന്

 




നിങ്ങളുടെ ഓരോ വോട്ടും കണ്ണട അടയാളത്തില്‍ രേഖപ്പെടുത്തി നരിക്കുന്നനെ വിജയിപ്പിക്കുക .വിജയകിരീടം അണിയിക്കുക.

വോട്ട് ഏകാന്തന്


തോന്ന്യാശ്രമം ബൂലോക ഉപ തെരഞ്ഞെടുപ്പില്‍ വിലയേറിയ വോട്ടുകള്‍ നമ്മുടെ പ്രിയപ്പെട്ട സ്ഥാനാര്‍ഥി ഏകാന്ത പഥികന് "കോടമഞ്ഞ്" ചിഹനത്തില്‍ രേഖപ്പെടുത്തി അദ്ദേഹത്തെ വിജയിപ്പിക്കണമേയെന്ന് അപേക്ഷിക്കുകയാണ് അഭ്യര്‍ഥിക്കുകയാണ്.
ഓരോ വോട്ടും ഏകാന്തന്

Friday, October 23, 2009

ആശ്രമ ഉ .തി ചില വസ്തുതകള്‍

സ്നേഹം നിറഞ്ഞ ആശ്രമ അന്തേവാസികളെ , സഹപ്രവര്‍ത്തകരെ, ഈ നാട്ടിലെ നല്ലവരായ ബ്ലോട്ടര്‍മാരെ നിങ്ങള്‍ക്ക് സ്വാമിയുടെ സ്നേഹാഭിവാദനങ്ങള്‍ .


ആശ്രമത്തിന്റെ ഭാഗമായ ഷാപ്പന്നൂര്‍ നിയോജക മണ്ഡലത്തില്‍ ആസന്നമായ ഒരു ഉപതിരഞ്ഞെടുപ്പിന്റെ അലയടികള്‍ ഉയര്‍ന്നു കഴിഞ്ഞു .ബൂലോകത്തിലെ കരുത്തരായ , നിങ്ങളുടെ എല്ലാം ആശയും ആവേശവുമായ ,പുത്തന്‍ യുവത്വത്തിന്റെ പ്രതീകങ്ങളായ മൂന്നു സ്ഥാനാര്‍ഥികള് ഈ തിരഞ്ഞെടുപ്പില്‍ തങ്ങളുടെ മാറ്റ് ഒരച്ചുരച്ചുരച്ചു നോക്കാന്‍ തയ്യാറായി മുന്നോട്ടു വന്നിട്ടുണ്ട് .‍ 916 സ്വര്‍ണ്ണ പകിട്ടുള്ള , മായങ്ങളില്ലാത്ത , കലര്‍പ്പുകള്‍ ഇല്ലാത്ത പരിശുദ്ധരില്‍ പരിശുദ്ധരായ ശ്രീ ശ്രീ ശ്രീ . നരിക്കുന്നന്‍ , ശ്രീ ശ്രീ ശ്രീ . സുനില്‍ പണിക്കര്‍ , ശ്രീ ശ്രീ ശ്രീ ഏകാന്ത പഥികന്‍ എന്നീ കരുത്തുറ്റ സാരഥികളാണ് അങ്കക്കളരിയില് ഇറങ്ങിയിട്ടുള്ളത് .കാപ്പിലാന്‍ പാര്‍ട്ടിക്ക് വേണ്ടി നരി രംഗത്തെത്തിയപ്പോള്‍ പ്രതിപക്ഷത്തിനായി സുനില്‍ പണിക്കരും സ്വതന്ത്രനായി ഏകാന്തനും നമ്മോടൊപ്പം ഉണ്ട് . ഇവരില്‍ ആരെ തിരഞ്ഞെടുക്കണം എന്നതിന്റെ ഉത്തരം നിങ്ങളാണ് കണ്ടെത്തേണ്ടത്‌ . ഇവരെ ആരെയും ഞാന്‍ നിങ്ങള്‍ക്ക് പരിചയപ്പെടുതണ്ട കാര്യങ്ങളില്ല .എങ്കിലും ‍ പാര്‍ട്ടിയുടെ ലീഡര്‍ എന്ന നിലയില്‍ ചില കാര്യങ്ങള്‍ ഓര്‍മ്മിപ്പിക്കട്ടെ .


സംഘര്‍ഷ ഭരിതമായ ഇത്തരം ഒരു ബൂലോക അന്തരീക്ഷത്തില്‍ ‍ ഇത്തരം ഒരു തിരഞ്ഞെടുപ്പ് പ്രഖ്യാപിച്ചപ്പോള്‍ പലരും മൂക്കത്ത്‌ വിരല്‍ വെച്ചു . വിജയ പ്രതീക്ഷകള്‍ മലര്‍പ്പൊടിക്കാരന്റെ സ്വപ്നം പോലെയല്ലേ എന്ന് പലരും ചിന്തിച്ചിട്ടുണ്ടാകും .കഴിഞ്ഞ കാലങ്ങളില്‍ ആശ്രമത്തിനു മേല്‍ വന്ന് പതിച്ച അപവാദങ്ങളും വിവാദങ്ങളും അപശ്രുതികളും നിങ്ങള്‍ ഓര്‍ക്കുന്നുണ്ടാകും . നിങ്ങള്‍ ഓര്‍ക്കുക നിങ്ങള്‍ എങ്ങനെ നിങ്ങള്‍ ആയെന്ന്‌ . കഴിഞ്ഞ തിരഞ്ഞെടുപ്പില്‍ നിങ്ങള്‍ നല്‍കിയ വിജയം ഇപ്പോഴും എന്നെ ആവെശഭരിതനാക്കുന്നു . നിങ്ങള്‍ നല്‍കിയ പ്രതീക്ഷകള്‍ക്ക് ഞാന്‍ ഭംഗം വരുത്തിയിട്ടുണ്ട് എങ്കില്‍ ഈ വരുന്ന തിരഞ്ഞെടുപ്പില്‍ നിങ്ങള്‍ എന്‍റെ പാര്‍ട്ടിയെ അമ്പേ പരാജയപ്പെടുത്തണം .കാപ്പിലാന്റെ ഏകാധിപത്യം അവസാനിപ്പിച്ച് ആശ്രമത്തില്‍ ജനാധിപത്യം പുനഃ സ്ഥാപിച്ചത് നമ്മള്‍ ആരും മറന്നിട്ടില്ല . സമാധാന ശ്രമങ്ങള്‍ക്ക് ശ്രമിച്ചിട്ടുള്ളപ്പോഴോക്കെയും എന്നെ വെള്ള പൂശാനുള്ള ശ്രമമായി പലരും വ്യാഖ്യാനിച്ചു . ഇനിയും ആശ്രമം ,ആല്‍ത്തറ , ഞാന്‍ കൂടി അംഗമായ ബൂലോക പത്രം ബ്ലോത്രം എന്നിവയ്ക്ക് നേരെ ചെളി വാരി എറിയാന്‍ ആരെങ്കിലും ശ്രമിച്ചാല്‍ ഇനിയും തക്കതായ മറുപടികള്‍ എന്നില്‍ നിന്നും പ്രതീക്ഷിക്കാം . ഇത്തരം കാര്യങ്ങളില്‍ ഞാന്‍ ഒരിക്കലും പുറകോട്ടില്ല എന്ന് ഈ സമയം ആവര്‍ത്തിച്ച് പ്രഖ്യാപിക്കുന്നു .


എന്‍റെ പാര്‍ട്ടിയുടെ സ്ഥാനാര്‍ഥി ശ്രീ നരിയെ വിജയിപ്പിച്ചാല്‍ ബൂലോകത്ത് പാലും തേനും ഒഴുക്കാം എന്നോ , ആശ്രമത്തിലെക്കുള്ള ഇടവഴി നാല് വരി നാഷണല്‍ ഹൈവേ ആക്കാം എന്നോ ഉള്ള മോഹനവാഗ്ധാനങ്ങള്‍ ഞാന്‍ നല്‍കുന്നില്ല പകരം ബൂലോകത്ത് സമാധാനം പുനഃ സ്ഥാപിക്കുവാന്‍ എന്നാല്‍ കഴിയുന്ന സഹായങ്ങള്‍ ചെയ്യാന്‍ ഞാന്‍ സന്നദ്ധമാണ് .മാത്രമല്ല ധാന്യം വയല്‍ക്കുരു എന്നിവയുടെ ഉത്പാദനം കൂട്ടുവാന്‍ വേണ്ടിയുള്ള സഹായങ്ങളും ഫേസ് ബുക്ക്‌ കാര്‍ഷിക വികസനത്തിനുള്ള സബ്സിടി ഉയര്‍ത്തുക ,  ഐ .പി ഡാം പ്രൊജക്റ്റ്‌ മുന്നോട്ടു കൊണ്ടുപോകുക , സാമ്പത്തിക പ്രയാസങ്ങള്‍ അനുഭവിക്കുന്ന അനോണികള്‍ക്ക്‌ വേണ്ട ധനസഹായങ്ങള്‍ , ആന്റി വൈറസ്‌ ആന്‍ഡ്‌ ആന്റി സ്പാം പദ്ധതികള്‍ എന്നിവ നടപ്പാക്കുക തുടങ്ങിയ  പരിപാടികള്‍ നടപ്പിലാക്കുവാന്‍ വേണ്ട സഹായങ്ങള്‍ എന്നിവ ചെയ്യും എന്ന് ഈ സമയം ഉറപ്പ് നല്‍കുന്നു .


ഒരു ദീര്‍ഘമായ പ്രസംഗം ഞാന്‍ നടത്തി നിങ്ങളെ സന്തോഷിപ്പിക്കുന്നില്ല . നിങ്ങളുടെ ഓരോ ബ്ലോട്ടുകളും കാലത്തിന്റെ കറുത്ത പാടുകള്‍ ബൂലോകരില്‍ നിന്നും മറയ്ക്കുന്ന റെയബാന് ഗൂലിംഗ് ഗ്ലാസില്‍ രേഖപ്പെടുത്തി നരിയെ വമ്പിച്ച ബ്ലൂരിപക്ഷത്തില്‍ വിജയിപ്പിക്കണം . ആശ്രമത്തിലെ ഭാവിയിലെ മന്തിസ്ഥാനം അദ്ദേഹത്തിന് നല്‍കാന്‍ ‍ നിങ്ങള്‍ അനുമതി നല്‍കണം എന്നാഹ്വാനം ചെയ്തുകൊണ്ട് നിര്‍ത്തുന്നു .






ജയഹോ .

Wednesday, October 21, 2009

അടിയന്തിര ഇലക്ഷന്‍ വിജ്ഞാപനം




തോന്ന്യാശ്രമത്തിന്റെ ഭാഗമായ ഷാപ്പന്നൂര്‍ നിയമസഭാ മണ്ഡലത്തില്‍ ഒരു തെരഞ്ഞെടുപ്പ് അനിവാര്യമായി വന്നിരിക്കുന്നതിനാലാണ് ഈ വിജ്ഞാപനം ഇപ്പോള്‍ പുറപ്പെടുവിക്കേണ്ടി വന്നിരിക്കുന്നത്. വോട്ടര്‍ പട്ടിക അടിയന്തിരമായി ലഭിക്കുകയുണ്ടായി. ഒരു കമ്മിറ്റി അതു പരിശോധിച്ച് റിപ്പോര്‍ട്ടും കമ്മിഷന് അയച്ചു തരുകയും ചെയ്തു. ഇനി അടുത്ത പടിയാ‍യ സ്ഥാനാര്‍ത്ഥി നിര്‍ണ്ണയം, പ്രചരണം തുടങ്ങിയ പരിപാടികളിലേക്ക് ആശ്രമവാ‍സികള്‍ക്ക് കടക്കാവുന്നതാണ്.

സമാധാനപരമായ ഒരു തെരഞ്ഞെടുപ്പാണ് നമ്മള്‍ ലക്ഷ്യമാക്കുന്നത്.
ഒരാഴ്ചക്കകം സ്ഥാനാര്‍ത്ഥികള്‍ പത്രികകള്‍ സമര്‍പ്പിക്കണം.
ഛിഹ്നങ്ങള്‍ സ്വതന്ത്രമായി തിരഞ്ഞെടുക്കാം.
മറ്റു സ്ഥാനാര്‍ത്ഥികളെ പാര വയ്ക്കാന്‍ പാടില്ല.
അസഭ്യ വാക്കുകള്‍ കഴിവതും ഒഴിവാക്കുക.
ഏതു രാജ്യത്തു താമസിക്കുന്നവര്‍ക്കും മത്സരിക്കാം.
ബൂലോക പൌരത്വം നിര്‍ബ്ബന്ധമാണ്.
അനോണികള്‍ക്ക് മത്സരിക്കാ‍മെന്നതും ഈ തെരഞ്ഞെടുപ്പിന്റെ പ്രത്യേകതയാണ്. പക്ഷേ അവര്‍ കുറഞ്ഞത് മൂന്നു മാ‍സം മുമ്പെങ്കിലും ബ്ലോഗു തുടങ്ങിയവര്‍ ആയിരിക്കണം.
വനിതാ സ്ഥാനാര്‍ത്ഥികള്‍ക്ക് മുന്‍ഗണന ഉണ്ടായിരിക്കും.
പ്രചരണത്തിന് വിവിധ മാര്‍ഗ്ഗങ്ങള്‍ കഴിഞ്ഞ തെരഞ്ഞെടുപ്പുപോലെ തന്നെ ഉപയോഗിക്കാം.

വിജ്ഞാപനം ഇടക്കിടെ ഉണ്ടാകും.


'ന്യൂസ് വിത്ത് വെട്ടിക്കാട്' - ലൈവ്...

മുതിര്‍ന്ന ബ്ലോധ്യമ പ്രവര്‍ത്തകനായ രാമചന്ദ്രന്‍ വെട്ടിക്കാട് (ബ്ലോത്രം) ഇന്ന് മുതല്‍ "ന്യൂസ് വിത്ത് വെട്ടിക്കാട്" ല്‍ ആശ്രമത്തിലെ ഉപതെരഞ്ഞെടുപ്പ് വിശകലനത്തിനു നേതൃത്വം നല്‍കുന്നു...

ശ്രീ.രാമചന്ദ്രന്‍, ആശ്രമത്തിലെ ഈ ഉപതരഞ്ഞെടുപ്പിനെ താങ്കള്‍ എങ്ങനെ നോക്കിക്കാണുന്നു?ഒരുപതെരഞ്ഞെടുപ്പിന്‍റെ കാര്‍മേഘം കാണാന്‍ തുടങ്ങിയിട്ട് അല്പകാലമായി. ഭരണത്തില്‍ ആശ്രമവാസികള്‍ തൃപ്തരാണോ എന്ന് പരിശോധിക്കുന്നത് ഭരണപക്ഷത്തിനും പ്രതിപക്ഷത്തിനും കുറെക്കൂടി നല്ലതാണ്. അസുരക്ഷിത ബ്ലോഗിങ്, ധാന്യ കമ്മി, ഐപി പിടിത്തം തുടങ്ങി ബൂലോക മാന്ദ്യ ലക്ഷണങ്ങളോടു ബ്ലോഗര്‍മാര്‍ പൊരുതുന്ന ഇക്കാലത്ത് പ്രത്യേകിച്ചും.

തുടക്കത്തില്‍ തന്നെ സ്ഥാനാര്‍ഥിയെ പ്രഖ്യാപിച്ചുകൊണ്ട് ആശ്രമഭരണപക്ഷം ഒരു കുതിച്ചു ചാട്ടം നടത്തിയതായി തോന്നുന്നുവോ?
ഇത് വളരെ നയപരമായ ഒരു തീരുമാനമായി വേണം കാണാന്‍. ഉപതെരഞ്ഞെടുപ്പില്‍ ഭരണകക്ഷിക്ക് വള്രെ വേഗം തന്നെ തന്ത്രങ്ങള്‍ മെനയാന്‍ കഴിഞ്ഞിട്ടുണ്ട്. ഉപതെരഞ്ഞെടുപ്പു പ്രതീക്ഷിച്ച് സ്വാമിയും പാര്‍ട്ടിയും അണിയറയില്‍ വളരെക്കാലമായി ഒരുങ്ങുകയായിരുന്നോ എന്ന്
തോന്നുന്നു

നരിക്കുന്നനെ സ്ഥാനാര്‍ഥിയാക്കുക വഴി യൂത്തിന് ആശ്രമ ഭരണത്തില്‍ വലിയ പങ്ക് കയ്യാളാനാവും എന്ന സന്ദേശമാണോ സ്വാമി നല്‍കുന്നത്?
നരിക്കുന്നന്‍ നവാഗതനല്ല എന്ന് നമുക്കെല്ലാമറിയാം; എന്നാല്‍ നരിക്കുന്നനു സ്ഥാനാര്‍ഥിത്വം നല്‍കുന്നതിലൂടെ ഭരണപക്ഷത്ത് പുതിയതായി രംഗത്തെത്തുന്നവര്‍ക്കും കാര്യമായ പങ്കാളിത്തമുണ്ടാകും എന്നതിന്‍റെ ഒരു സൂചനയായിട്ടാണ് എനിക്ക് തോന്നുന്നത്.

ഹൈക്കമാന്‍റ് ചാണക്യനെ നരിക്കുന്നന്‍റെ സ്ഥാനാര്‍ഥിത്വം അറിയിച്ചില്ല എന്ന് മുറുമുറുപ്പ് ഉയരുന്നതായ് കേള്‍ക്കുന്നു, ഇത് നരിക്കുന്നന്‍റെ വിജയ സാധ്യതയെ ബാധിക്കുമോ?
ഇത് ചാണ‍ക്യന്‍റെ ഒരു തെരഞ്ഞെടുപ്പ് തന്ത്രം മാത്രമാണ്. കഴിഞ്ഞ തെരഞ്ഞെടുപ്പിലും ജനശ്രദ്ധയാകര്‍ഷിക്കാനുള്ള പൊടിക്കൈകള്‍ പുറത്തെടുത്ത ചാണു ഭരണപക്ഷത്തെ 'ലീഡര്‍' താന്‍ തന്നെയാണെന്ന് തെളിയിച്ചിരിക്കുകയാണ്. ചാണു തന്നെയാകും നരിക്കുന്നന്‍റെ വിജയം ലക്ഷ്യമിട്ട് ഭരണപക്ഷത്തിന്‍റെ ഇലക്ഷന്‍ കരുനീക്കങ്ങള്‍ക്ക് പിന്നിലെ ബുദ്ധികേന്ദ്രം.

ഏകാന്ത പഥികന്‍, സുനില്‍ പണിക്കര്‍ എന്നിവരുടെ സാധ്യതയെ എങ്ങനെ വിലയിരുത്തുന്നു?
ഏകാന്തന്‍റെ മഞ്ഞുപോലെ ശുദ്ധമായ ഇമേജ് തീര്‍ച്ചയായിട്ടും അദ്ദേഹത്തിനു നിര്‍ണായക മുന്തൂക്കം കൊടുക്കുന്നുണ്ട്. പണീക്കരാകട്ടെ അടുത്തയിടെ എഴുത്തില്‍ മാത്രമല്ല, 'വരമൊഴി'യിലും കൂടെ ബ്ലോഗ്ആക്ടിവിസം കൊണ്ടൂവന്നിട്ടുള്ള ബ്ലോഗറാണ്. ഇരുവര്‍ക്കും നല്ല അവസരമാണിത്

ഒരു തോല്വിയാണു കാപ്പിലാന്‍ പാര്‍ട്ടിയെ കാത്തിരിക്കുന്നതെങ്കില്‍ അത് ഭരണത്തെ എങ്ങനെ ബാധിക്കും?
തോല്വി ഒഴിവാക്കാന്‍ സ്വാമി കാപ്പിലാനും, ചാണുവും അടങ്ങുന്ന ഇലക്ഷന്‍ കമ്മറ്റി കിണഞ്ഞു പരിശ്രമിക്കും. നരിക്കുന്നന്‍റെ യുവത്വം നേരിടാന്‍ പോകുന്നത് ഇമേജും ചുറുചുറുക്കുമുള്ള പ്രതിയോഗികളെയാണെങ്കില്‍ ഫലം പ്രവചനാതീതമാണ്. പ്രതിപക്ഷത്തും ആത്മാര്‍ഥതയോടെ ഭരിക്കാന്‍ കഴിവുള്ളവര്‍ നിരക്കുന്നു എന്നതിനാല്‍ ഫലം എങ്ങനെ വന്നാലും ആശ്രമത്തിനു മെച്ചമായിരിക്കും.

പ്രതിപക്ഷം ഭരണപക്ഷത്തിനു നേരെ അവിശ്വാസ പ്രമേയം കൊണ്ടു വരാന്‍ ഇടയുണ്ടോ അങ്ങനെ വീണ്ടും ഒരു തെരഞ്ഞെടുപ്പിനു സാധ്യത കാണുന്നുണ്ടോ, മുതിര്‍ന്ന ബ്ലോധ്യമ പ്രവര്‍ത്തകന്‍ എന്ന നിലയില്‍ എന്തു തോന്നുന്നു?
അവിശ്വാസം ഏതു നിമിഷവും പ്രതീക്ഷിക്കാം. പ്രത്യേകിച്ചും ആശ്റ്മം ചുറ്റിയൊഴുകുന്ന ബ്ലോഗുപെരിയാറില്‍ സ്വാമിയുടെ പുതിയ ഐ.പി ഡാം പ്രോജക്ട്, കോളജിനോടനുബന്ധിച്ചുള്ള ഐ. പി പാര്‍ക്ക്, കഴുത്തില്‍ കുരുക്കിട്ട് നിന്ന ആല്‍ത്തറ സമരം ഒത്തു തീര്‍ന്നത് എന്നിവയോടുള്ള ബന്ധത്തില്‍ ആഞ്ഞടിക്കാന്‍ പ്രതിപക്ഷം തക്കം പാര്‍ത്തിരിക്കുന്ന സാഹചര്യത്തില്‍.

ഇത്രയും സമയം ആശ്രമത്തില്‍ ചെലവിട്ടതിനു നന്ദി

Tuesday, October 20, 2009

ആശ്രമം-ഉപതെരഞ്ഞെടുപ്പ്-അപ്ഡേറ്റ്


ഉപതെരഞ്ഞെടുപ്പ് തരംഗം ആഞ്ഞടിക്കുന്ന തോന്ന്യാശ്രമത്തില്‍ ഇലക്ഷന്‍ പ്രഖ്യാപിക്കും മുന്‍പു തന്നെ സ്ഥാനാര്ഥിയാകാന്‍ സീറ്റു തേടിയുള്ള ഇടി തുടങ്ങി. സ്വാമി ഇലക്ഷനെ നേരിടാന്‍ തരിമ്പും ഭയമില്ലെന്നു സൂചിപ്പിക്കുകയും, ബൂലോക ഇലക്ഷന്‍ കമ്മീഷ്ണര്‍ ആശ്രമ വാസികളുടെ ഉപതെരഞ്ഞെടുപ്പ് മോഹത്തിനു എതിരു നില്‍ക്കില്ലെന്നു വ്യക്തമാക്കുകയും ചെയ്തതോടെ സ്ഥാനാര്‍ഥികളാകാന്‍ നിരവധി ബ്ലോഗേഴ്സ് സന്നദ്ധരായി. ആദര്‍ശ ധീരനായ നാട്ടുകാരന്‍, നരിക്കുന്നന്‍, ഏകാന്ത പഥികന്‍, സുനില്‍ പണിക്കര്‍, വാഴക്കോടന്‍, അരുണ്‍ ചുള്ളിക്കല്‍ എന്നിവരുടെ സീറ്റ് ഉറപ്പായതായി സൂചനയുണ്ട്. കരുത്തനായ നേതാവ് ഹരീഷ് തൊടുപുഴ കൂടി ഗോദയില്‍ ഇറങ്ങുന്നതോടെ ഉപതെരഞ്ഞെടുപ്പ് പൊടിപാറും.

സ്വാമിയുടെ പ്രധാനമന്ത്രി ചാണക്യന്‍ ഇന്ന് ആശ്രമത്തിലെ ഇലക്ഷന്‍ ആപ്പീസ് സന്ദര്‍ശിക്കും. ചില കൂടിയാലോചനകളില്‍ തിരക്കിലാണ് അദ്ദേഹം ഇപ്പോളെന്ന് ആശ്രമ വൃത്തങ്ങള്‍. ബൂലോക പത്രക്കാരുടെ പ്രതിനിധിയായി രാമചന്ദ്രന്‍ വെട്ടിക്കാടിനു ഒരു സീറ്റ് നീക്കി വെച്ചതായും ഊഹാപോഹങ്ങളുണ്ട്. നരിക്കുന്നന് ചിഹ്നമായി റെയ്ബാന്‍ ഗ്ലാസ് അനുവദിച്ചേക്കുമെന്ന് ശ്രുതിയുണ്ട്. ഇനി പാര്‍ട്ടി ഉറപ്പായാല്‍ മാത്രം മതി അദ്ദേഹത്തിന് എന്ന് ആശ്രമവക്താവ് പറഞ്ഞു.

പഴശ്ശിരാജ കാണാന്‍ പോയിരുന്ന വാഴക്കോടന്‍ ഫാന്‍സ് തിരിച്ചെത്തിയതോടെ സ്ഥാനാര്‍ഥിയാകാനുള്ള സമ്മര്‍ദ്ദം അദ്ദേഹത്തിനു മേല്‍ ഇരട്ടിക്കുകയും അദ്ദേഹം "വന്‍ വീഴ്ചകള്‍ക്ക്" ശേഷം "തിരിച്ചു വരവുകള്‍" നടത്താന്‍ ഒരു സീറ്റ് ഉറപ്പിക്കുകയും ചെയ്തു. ഗീതാഗീതികള്‍, രഘുനാഥന്‍, പ്രയാന്‍, നാസ് എന്നിവര്‍ സീറ്റ് ഉറപ്പിക്കാന്‍ ആശ്രമാധിപനുമായി കൂടിക്കാഴ്ചയില്‍. കൂടാതെ സൗത്താഫ്രിക്കന്‍ സംവരണ സീറ്റ് ബോണ്‍സിനു തന്നെ ലഭിച്ചേക്കും. സീറ്റ് കിട്ടിയില്ലെങ്കില്‍ തോന്ന്യാസങ്ങള്‍ കാണിക്കുമെന്ന ഭീഷണിയുമായി തോന്ന്യാസിയും ആശ്രമം ലക്ഷ്യമാക്കി നീങ്ങിയതായി കോഴിക്കോട് നിന്നുള്ള വാര്‍ത്താ ഏജന്‍സികള്‍ അറിയിച്ചു. ഉപതെരഞ്ഞെടുപ്പ് സിനിമാട്ടോഗ്രഫി ബ്ലോധ്യമങ്ങള്‍ക്കായി പകലന്‍ കൈകാര്യം ചെയ്യും.

പ്രവാസി ബ്ലോഗര്‍മാര്‍ക്ക് വോട്ടവകാശം:
സകലമാന ബൂലോക ബ്ലോഗര്‍മാര്‍ക്കും വോട്ടുചെയ്യാനുള്ള അവസരത്തിനു പുറമെപ്രവാസി ബ്ലോഗര്‍മാര്‍ക്ക് ആശ്രമം ഉപതെരഞ്ഞെടുപ്പില്‍ വോട്ട് രേഖപ്പെടുത്താന്‍ പ്രത്യേക അവസരം ഉണ്ടായിരിക്കുമെന്ന് സ്വാമി കാപ്പിലാന്‍. ന്യൂസ് അവറില്‍ ബ്ലോത്രാധിപര്‍ രാമചന്ദ്രന്‍ വെട്ടിക്കാടുമായി സംസാരിക്കുകയായിരുന്നു സ്വാമി.

ഇപ്പോള്‍ കിട്ട്യത്:
കാപ്പിലാന്‍ പാര്‍ട്ടിയുടെ ഔദ്യോഗിക സ്ഥാനാര്‍ഥിയായി നരിക്കുന്നനെ നിര്‍ത്താന്‍ അണിയറയില്‍ നീക്കം ശക്തമാകുന്നതായി ഏജന്‍സികള്‍ അറിയിക്കുന്നു. കൂടുതല്‍ വിവരങ്ങള്‍ "ന്യൂസ് വിത്ത് വെട്ടിക്കാട്'ല്‍ കാണാം.

Monday, October 19, 2009

ആശ്രമം ഉപതെരഞ്ഞെടുപ്പിലേക്ക്?

കേരളത്തില്‍ ഉപതെരഞ്ഞെടുപ്പ് പ്രഖ്യാപിച്ചതിനു പിന്നാലെ തോന്ന്യാശ്രമവും അനിവാര്യമായ ഒരു ഉപതെരഞ്ഞെടുപ്പിന്‍റെ അണിയറ നീക്കങ്ങളാല്‍ വീര്‍പ്പുമുട്ടുന്നതായി സ്ഥിരീകരിക്കാത്ത റിപ്പോര്‍ട്ട്. സ്വാമിയുടെ ഭരണത്തിനു വിധിയെഴുതിയിട്ടേ ബാക്കി പരിപാടിയുള്ളൂവെന്ന് ആശ്രമവാസികള്‍ ബൂലോക ഇലക്ഷന്‍ കമ്മീഷ്ണര്‍ക്ക് നോട്ടീസ് അയച്ചു. മേല്‍ നടപടി ഉടനുണ്ടാകുമെന്ന് കമ്മീഷ്ണറോടടുത്ത വൃത്തങ്ങള്‍ സൂചിപ്പിച്ചു. കമ്മീഷ്ണര്‍ സുഖവാസത്തിലായതിനാല്‍ ഇതെപ്പറ്റി പ്രതികരിക്കാന്‍ അദ്ദേഹത്തിന്‍റെ ഓഫിസ് വിസമ്മതിച്ചു. സ്വാമി ബ്ലോഗ്പത്ര സമ്മേളനം വിളിച്ച് പറയാനുള്ളത് പറഞ്ഞുകൊള്ളാമെന്ന് അറിയിച്ചിട്ടുണ്ട്. എന്തായാലും 'ധാന്യം, വയല്‍ക്കുരു' എന്നിവയുടെ വില ഇടിയാനനുവദിക്കില്ലെന്ന് അദ്ദേഹം കൂട്ടിച്ചേര്‍ത്തു. സാധാരണ ബ്ലോഗര്‍മാര്‍ക്ക് സമാധാനമായി ബ്ലോഗാന്‍ കഴിയണം എന്ന് സ്വാമി പറഞ്ഞു. നവബ്ലോഗര്‍മാര്‍ക്ക് അദ്ദേഹം ആശ്രമത്തിലേക്ക് സ്വാഗതം ആശംസിച്ചു.

Tuesday, October 13, 2009

ബകേട്ടന്റെ പഴത്തൊലി

കാലം എത്ര പഴകിയാലും പഴങ്ങള്‍ എല്ലാം അട്ടു പോയാലും  ബൂലോകത്തെ കൈവെടിയാത്ത ‍ഒരു പഴത്തൊലിയാണ്  കാപ്പിലാന്‍ എന്ന് പറഞ്ഞാല്‍ ആരും വിശ്വസിക്കില്ല .പക്ഷേ ഞാന്‍ എഴുതിയ പഴത്തൊലി കാലങ്ങള്‍ നിലനില്‍ക്കും എന്ന് പറഞ്ഞാല്‍ വിശ്വസിക്കാം  . പഴത്തൊലി എന്ന ഗവിത ഒരു ബകന്‍ ഭക്ഷിച്ചു പോയിട്ട് ഒരു വര്‍ഷം ആകുന്നു .എന്താണ് ആ   വരികളുടെ ഈ   സമയത്തെ പ്രസക്തി ? അതിനെക്കുറിച്ച് പറയാം .


ഇപ്പോള്‍ ബൂലോകത്ത് കവിതാസ്വാധകര് വീണ്ടും എത്തിനോക്കി തുടങ്ങിയിരിക്കുന്നു . പലവട്ടം ഞാന്‍ എഴുതിയ ഒരു വിഷയമായത് കൊണ്ടാണ് ഇതുവരെയും ഞാന്‍ ഇതില്‍ കൈവെയ്ക്കാതെ ഇരുന്നത് . ‍ കവിതകള്‍ വരി ഉടച്ചും വരി മുറിച്ചും  വാക്കുടഞ്ഞതും വക്കുരഞ്ഞതും , ഗദ്യ കവിതകളും പദ്യ കവിതകളും വൃത്തത്തില്‍ എഴുതിയതും വൃത്തം വരച്ചു മാറി നിന്നെഴുതിയതും  , കവിതയില്‍
 സംഗീതം  താളം മേളം  അങ്ങനെ  പലതും ഉണ്ടായാലേ കവിതകള്‍ ആവൂ എന്നും  തര്‍ക്കങ്ങള്‍ മൂക്കുന്നു . കഴിഞ്ഞ  കൊല്ലം എതിര്‍ത്ത്  പറഞ്ഞവര്‍ ഈ കൊല്ലം വാക്കുകള്‍ മാറ്റി പറയുന്നു . അങ്ങനെ  ബൂലോകം  സംഭവങ്ങളാല്‍  ഗംഭീരം.


എനിക്ക് കവിതകളെക്കുറിച്ച് അറിയില്ല .ഗവിതകള്‍  മാത്രമേ വരൂ  .എന്തെല്ലാമാണ് ഒരു ഗവിത / കവിതയില്‍ വേണ്ടത് എന്ന് ബ്ലോഗേര്‍സ് കോളേജില്‍ കുറെ നാളുകള്‍ക്കു മുന്‍പേ ഞാന്‍ പറഞ്ഞിരുന്നു  .എന്‍റെ പരിമിതമായ അറിവില്‍ എനിക്ക് അറിയാവുന്ന കാര്യങ്ങള്‍ പലതും പലപ്പോഴായി പറയാന്‍ ശ്രമിച്ചിട്ടുണ്ട് .അതെല്ലാം ശരിയാണോ തെറ്റാണോ എന്നൊക്കെ കാലങ്ങള്‍ തെളിയിക്കും .


പഴത്തൊലി  എന്ന ഗവിത  പഴയ കൊള്ളിയില്‍ ഞാന്‍ എഴുതിയിരുന്നു . എന്നാല്‍  പല ഗവിതകളും നിഴല്ചിത്രത്തില്‍ ചേര്‍ത്തതുകൊണ്ട് ഞാന്‍ അതിലെ പല ഗവിതകളും ഡിലീറ്റ്‌  ചെയ്തിരുന്നു . അങ്ങനെ ശുഷ്കിച്ചു പോയ ആ കൊള്ളികള്‍ ഞാന്‍ സമയമായപ്പോള്‍ ഡിലീറ്റ്‌ ചെയ്തു .താഴെ കൊടുത്തിരിക്കുന്ന ലിങ്ക് വഴി പോയാല്‍ ബോള്‍ഡ് ചെയ്തിരിക്കുന്ന വരികളാണ് ഗവിത . എന്നാല്‍ അതിനേക്കാള്‍ ഉയരത്തില്‍ വളരെ മനോഹരമായി ഒരു ആസ്വാദനം എഴുതിയ  പാമരന് വീണ്ടും ഈ പഴത്തൊലി കൊടുത്തുകൊള്ളുന്നു




നിങ്ങളും ആ പഴത്തൊലി ആസ്വദിക്കുക . അതിലെ ലിങ്കുകള്‍ വഴി മറ്റുള്ള സ്ഥലങ്ങളിലേക്ക് പോകാന്‍ മറക്കരുത്‌ . കാരണം പഴയ പല ആസ്വാദനങ്ങളും അതില്‍ കാണാം .


പഴത്തൊലി ഒരാസ്വാദനം 

Monday, October 12, 2009

മത്തങ്ങാ വിളക്കുകള്‍ തെളിയിച്ച വഴിയിലൂടെ

അമേരിക്കയില്‍ പ്രേതങ്ങളുടെ മാസവും തണുപ്പും വന്നു കഴിഞ്ഞു . ഇക്കുറി മാസത്തിന്റെ ആദ്യം തന്നെ കച്ചവട സ്ഥാപനങ്ങളില്‍ ഹല്ലോവീന്‍ പൊടിപൊടിക്കുകയാണ് . ക്രിസ്തുമസിനെക്കാള്‍ കൂടിയ ഉത്സവമാണ് ഇവിടെ ഹാലോവീന്‍ .പ്രേതങ്ങള്‍ നിരത്തുകളില്‍ നിറഞ്ഞാടുന്നു . പരേതാത്മാക്കളുടെ വരവ്‌ എല്ലാവരും ആഘോഷിക്കുകയാണ് .

ഈ പ്രാവശ്യം ഹല്ലോവീന്‍ മേളങ്ങള്‍ ഡിട്രോയിറ്റ് കാര്‍ക്ക് വേണ്ടി ഒരുക്കിയത് ഗ്രീന്‍ ഫീല്‍ഡ് എന്ന പഴയ ഗ്രാമത്തിലാണ് . ഗ്രീന്‍ ഫീല്‍ഡ് വില്ലേജ്നെ കുറിച്ച് ഒരിക്കല്‍ ഞാന്‍ പറഞ്ഞിരുന്നു .അമേരിക്കയിലെ ആദ്യ കാലത്ത് എന്തൊക്കെ ഉണ്ടായിരുന്നുവോ അതെല്ലാം ഗ്രീന്‍ ഫീല്‍ഡ് വില്ലേജില്‍ പോയാല്‍ കാണാന്‍ സാധിക്കും . ചരിത്രത്തില്‍ മറഞ്ഞു പോയ പല വ്യക്തികളെയും , വസ്തുക്കളും ഇവിടെ കാണാം . അവരുടെ ഭവനങ്ങളില്‍ അവരെല്ലാം ഇപ്പോഴും ജീവിക്കുന്നതായി കാണിക്കുക .

ഗ്രീന്‍ ഫീല്‍ഡ് വില്ലെങിലെ ഹല്ലോവീന്‍ കാണുവാന്‍ വേണ്ടി നല്ല തിരക്കാണ് . ഒരു മാസത്തോളം നീണ്ടു നില്‍ക്കുന്ന ഉത്സവം . ഒരു മാസത്തിനു മുന്‍പ്‌ തന്നെ ടിക്കറ്റ്‌ ബുക്ക്‌ ചെയ്തു . ശനിയാഴ്ച ഗ്രീന്‍ ഫീല്‍ഡ് വില്ലേജില്‍ പോകുവാന്‍ വേണ്ടി ഒരുങ്ങി . രാവിലെ തന്നെ ശക്തമായ മഴയും തണുപ്പും . എങ്കിലും പോകാതിരിക്കാന്‍ കഴിയില്ല കാരണം പോയില്ലെങ്കില്‍ നൂറ് ഡോളര്‍ ഗോവിന്ദ .തീയതി മാറ്റി വെയ്ക്കുവാനും കഴിയില്ല .

വൈകുന്നേരത്ത് ഗ്രീന്‍ ഫീല്‍ഡ് വില്ലേജില്‍ എത്തി . വില്ലേജില്‍ റോഡിന്റെ ഇരുവശത്തും ജാക്കോ ലാന്‍റ്റെന് അഥവാ മത്തങ്ങാ വിളക്കുകള്‍ കത്തിച്ചിരിക്കുന്നു . മത്തങ്ങാ വിളക്കുകള്‍ തെളിയിക്കുന്ന വഴിയിലൂടെ നമ്മള്‍ നടക്കുക . വശങ്ങളില്‍ ഉള്ള വീടുകളില്‍ നിന്നും പ്രേതങ്ങളുടെ സംസാരങ്ങള്‍ , യക്ഷികള്‍ , കഥകളില്‍ കണ്ട രൂപങ്ങള്‍ ഇങ്ങനെ പലതും നമ്മെ സ്വീകരിക്കും . കൂടാതെ നമ്മുടെ കൈകളില്‍ ഉള്ള ബാഗുകളില്‍ അവര്‍ തരുന്ന മിട്ടായികള്, കാണ്ടികള് അങ്ങനെ പലവിധ സമ്മാനങ്ങള്‍ കൊണ്ട് നിറയും . ഞാന്‍ കണ്ട ചില വ്യക്തികളാണ് അമേരിക്കന്‍ കവിയായിരുന്ന ഫ്രോസ്റ്റ് , വിമാനം കണ്ടുപിടിച്ച റൈറ്റ് സഹോദരന്മാര്‍ അങ്ങനെ പലരും . പക്ഷേ നല്ല മഴയുള്ളത്‌ കൊണ്ട് പല ചിത്രങ്ങളും എനിക്ക് എടുക്കാന്‍ സാധിച്ചില്ല .


കുട്ടികളില്‍ പ്രേതങ്ങളെ ക്കുറിച്ചുള്ള ഭയം കുറയ്ക്കുവാന്‍ വേണ്ടിയാണ് ഇത് . കുട്ടികള്‍ക്ക് വളരെ സന്തോഷകരമായ ഒരു ദിവസമായിരുന്നു കഴിഞ്ഞ ശനിയാഴ്ച . ഞാന്‍ എടുത്ത ചില ചിത്രങ്ങള്‍ ഇവിടെ ചേര്‍ക്കുന്നു .

എല്ലാവര്‍ക്കും ഹാപ്പി ഹല്ലോവീന്‍ . ‍

ഫേസ്സ് ബുക്കന്നൂര്‍ ശാഖാശ്രമം

LinkWithin

Related Posts with Thumbnails

അനന്തമജ്ഞാതമവര്‍ണ്ണനീയം ആശ്രമം തിരിയുന്ന മാര്‍ഗ്ഗം

കോറം തികയുന്നതിവിടെ

Pages

തിരയൂ

Powered by Blogger.